Push Admin

Ivana Alawi tinupad ang pangarap na nose job ng kasambahay

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mula sa vlog ni Ivana Alawi" src="https://sa.kapamilya.com/absnews/abscbnnews/media/2022/life/06/16/20220616-ivana.jpg"/><figcaption>Mula sa vlog ni Ivana Alawi</figcaption></figure></div>MAYNILA – Tuloy pa rin sa pagbibigay ng saya ang aktres at vlogger na si Ivana Alawi matapos tuparin ang pangarap ng kasambahay na nose job.Sa kaniyang bagong vlog, plinano ni Alawi na ipagawa ang ilong ng helper na si Mae dahil matagal na nitong pangarap magpatangos matapos makatanggap ng pangungutya noon. Ayon sa kapatid ni Mae na si KC, bata pa lamang ay inaasar na ito dahil sa kaniyang pangong ilong.“Lagi siyang binu-bully na baboy kasi nga yung ilong niya malaki. Ang masama pa yung sarili mo pang kadugo,” saad ni KC. Inamin din ni Alawi na minsan na siyang kinausap ni Mae tungkol sa plano niyang magpaayos ng ilong at handang hulug-hulugan ang gagastusin. “Single mother siya. Sabi ko nga, ‘Mae, umuwi ka na kasi nga para makita mo yung anak mo.’ Tapos sabi nga niya sayang yung gastos. Eh, siyempre, lahat ng pera niya ginagastos din niya sa anak niya, ipinapadala niya ang sahod niya,” kuwento ng aktres.“Sabi niya kung puwede magpa-ilong ‘tapos huhulugan niya sa akin, parang installment. Yun lang ang gusto niya in short -- na ma-feel yung confidence sa sarili.”Naantig ang puso ni Alawi kaya naisip nitong ituloy na ang pinapangarap ng kasambahay ngunit idinaan muna niya ito sa prank. Niloko ni Alawi at ni KC si Mae na kunwari galit ang amo sa kaniya dahil sa umano’y pagiging maldita nito sa mga kasama sa bahay.Makikitang napaiyak si Mae na itinanggi ang paratang hanggang sa inamin na ni Alawi ang tunay na mangyayari.Sa Belo Medical Clinic dinala ni Alawi ang helper upang masigurong magiging maganda ang kalalabasan ng operasyon.“Sabi ko, ‘Ilong iyan, mukha iyan. Kapag nagkamali, forever na iyan, nasa mukha mo na iyan.’ Imbis na magka-confidence, lalo ka lang madi-disappoint,” saad ng Kapamilya actress. Mismong si Vicki Belo ang humarap sa pasyente na sinabing VIP ito kaya naman imbis na abutin ng isang taon ang paghihintay sa schedule ay ipipila agad ito. Samantala, nakatakdang bumida si Alawi sa ABS-CBN series na &quot;A Family Affair&quot; kasama sina Gerald Anderson, Sam Milby, Jake Ejercito at Jameson Blake.

Tuloy pa rin sa pagbibigay ng saya ang aktres at vlogger na si Ivana Alawi matapos tuparin ang pangarap ng kasambahay na nose job.