Joshua Garcia, aminadong hirap maging 'beki'

Watch more in iWantv or TFC.tv

MANILA -- Muling bibida sina Joshua Garcia at Julia Barretto sa "I Love You, Hater" kasama ang Queen of all Media na si Kris Aquino.

Isang nagkukunwaring beki ang role ni Joshua, na ayon kay Julia ay mapagmahal at maalaga sa kanya.

Inilarawan naman ni Joshua ang hirap niya sa pagganap sa beki role.

"I love gay people because they are honest and fun and very, very maalaga sa kaibigan na babae. Joshua naman is already all that. I feel that he takes good care of me really, really well. He's protective," ani Julia.

Pahayag ni Joshua: "Struggle lahat. Actually, tulad ng sabi ko kay direk, ang hirap ng nagpapanggap. Lalaki ka eh, and nagpapanggap ka na beki. Sobrang hirap tapos 'yung emotion pa hindi siya pataas, siya lahat tataas, bababa, tataas. Sobrang hirap."

Naging seryoso naman ang usapan nang mag-open up si Joshua kung paano nag-level up ang samahan nila ni Julia.

"'Yung sa akin, 'yung sarili ko recently kasi sabi niya kasi may mga nagawa akong decision na mali. Pero siyempre, sarili mo pa rin ang kailangan mong mahalin. Tinuruan din ako ni Julia," aniya.

At si Julia, importansiya ng pagpapatawad at pagmamahal ang nai-share na mahalaga sa kanya.

"At the end of the day, nangunguna ang love mo for the person no matter what you're doing. It can never overcome the love that you have for the person," aniya.

Matapos ang pelikula, isang serye ang pagbibidahan ng JoshLia tandem na inaabangan na ng kanilang fans.