Push Admin

Moira may pasilip sa bagong awitin para sa nawalan ng mahal sa buhay sa pandemya

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Screenshot mula sa vlog ni Karen Davila" src="https://sa.kapamilya.com/absnews/abscbnnews/media/2021/life/09/11/20210911-moira.jpg"/><figcaption><em>Screenshot mula sa vlog ni Karen Davila</em></figcaption></figure></div><p>Tila may bagong aabangan ang mga tagahanga ng mang-aawit na si Moira dela Torre matapos magbigay ng pahapyaw ng bago nitong awitin na isinulat mismo niya at ng asawang si Jason Hernandez.</p><p>Sa kaniyang panayam kay Karen Davila, ibinahagi ni Dela Torre na may binubuo silang mag-asawa na panibagong trilogy at ipinarinig pa ang bahagi ng magiging unang kanta na “Sa Pagitan.”</p><p>Ayon sa singer, handog nila ang kanta para sa mga nawalan ng mahal sa buhay dahil sa pandemya. </p><p>Panoorin ang pahapyaw ni Dela Torre sa awitin sa 15:03 mark.</p><figure class="op-interactive"><iframe height="315" src="https://www.youtube.com/embed/FgkxTZdvCZc?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa nasabing vlog, ikinuwento rin ni Dela Torre na nakakaramdam pa rin siya ng insecurity sa kaniyang buhay. </p><p>“I still am. I think, parang constant battle of not comparing yourself. I&#x27;m still there,” saad nito.</p><p>Ito ay sa kabila ng pagiging most streamed Filipino artist sa Spotify na ayon sa kaniya ay hindi niya rin naisip noon. </p><p>“My hit songs now, wala po akong plano na marinig sila ng buong mundo but God had different plans,” ani Dela Torre.</p><ul class="op-related-articles">	<li><a href="https://news.abs-cbn.com/entertainment/07/30/21/falling-for-a-friend-benben-and-moiras-pasalubong-is-hugot-song-for-you">Falling for a friend? Ben&amp;Ben and Moira’s ‘Pasalubong’ is ‘hugot’ song for you</a></li></ul><p>Naibahagi rin ng singer ang pagiging “pastor’s kid” niya kaya naman bata pa lamang siya ay nagagawa na niya lahat ng mga gawain pang simbahan.</p><p>“My stepdad, he&#x27;s actually the one who raised me, is a pastor. So I grew up as a pastor&#x27;s kid. So lahat ng ministry sa church na expected na gawin ng pastor&#x27;s kid nagawa ko na. From ushering to singing in worship, to singing in funerals, sa mga binyag,” kuwento nito. </p><p>Nito lamang Agosto, inilabas nina Dela Torre at Ben&amp;Ben ang awiting “Pasalubong,” na tungkol sa pagkakahulog sa isang kaibigan at pag-amin sa nararamdaman. </p>

Tila may bagong aabangan ang mga tagahanga ng mang-aawit na si Moira dela Torre.