Push Admin

Bakit walang sama ng loob si Ogie Diaz kina Vice Ganda, Liza Soberano?

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Mula sa Instagram accounts nina Ogie Diaz, Liza Soberano, at Vice Ganda" src="https://sa.kapamilya.com/absnews/abscbnnews/media/2022/entertainment/10/15/ogie-liza-vice-ig.jpg"/><figcaption>Mula sa Instagram accounts nina Ogie Diaz, Liza Soberano, at Vice Ganda</figcaption></figure></div><p>MAYNILA – “Walang permanente sa mundo.”</p><p>Ganito inilarawan ng talent manager at host na si Ogie Diaz ang naging trabaho niya kasama sina Vice Ganda at Liza Soberano na kapwa naging alaga niya sa showbiz. </p><p>Matatandaang nauna nang humiwalay si Vice kay Diaz bago nagdesisyon din si Soberano na dalhin ang kaniyang talento sa kampo ni James Reid upang ituloy ang pangarap na mag-Hollywood. </p><p>Sa vlog ni Christine Babao, ibinahagi ni Diaz ang kaniyang saloobin sa mga nangyari kung saan nilinaw nitong nananatiling maayos ang kaniyang relasyon sa mga dati niyang talent. </p><p>“Ganun talaga po. Wala naman permanente sa mundo ang importante lang na me-maintain n&#x27;yo yung friendship,” ani Diaz. </p><p>Hirit pa niya, hindi magandang magtanim ng galit sa ibang tao dahil kasalanan umano ito sa sarili.</p><p>“Sa panahon ngayon pag ikaw ay nag tanim ng galit, ng tampo sa tao kasalanan mo yun sa sarili mo kasi pinili mo sumama ang loob.”</p><p>Bagamat nagkaroon ng kaunting hindi pagkikibuan noong simula, mabilis na nagkaayos sina Diaz at Vice na nagkasama ng halos limang taon. </p><p>Kuwento niya, hanggang ngayon ay nagkokonsulta pa rin ang “It’s Showtime!” host sa kaniya kapag may problema ito. </p><p>Maluwag din aniyang tinanggap ang paglipat ni Soberano kay Reid kahit na higit 10 taon niyang hinawakan ang karera ng aktres.</p><p>Tanggap umano ni Diaz na hindi niya kayang maibigay ang pangarap ni Soberano na pasukin ang Hollywood. </p><p>Nagpapasalamat din ito sa aktres dahil sa laki ng naitulong niya para sa pamilya ni Diaz. </p><p>“Bakit tatapusin yung relasyon? Unang-una hindi naman naging masamang bata si Liza. Pangalawa, ang laki ng natulong sa akin ni Liza. Pangatlo ipinagkakautangan ko ng loob si Liza dahil nabuhay ang anak ko dahil sa kinikita ko sa kanya, yung aking bunso na si Miracle. Aarte ka pa ba?” saad ng vlogger at host. </p><ul class="op-related-articles">	<li><a href="https://news.abs-cbn.com/entertainment/05/30/22/ogie-diaz-defends-james-reid-urges-fans-to-wait-for-lizas-next-project">Ogie Diaz defends James Reid, urges fans to wait for Liza Soberano&#x27;s next project</a></li></ul><p>Binigyang-diin din nito na hindi siya ang nagpasikat kina Vice at Soberano dahil sila umano mismo ang gumawa ng kani-kaniyang pangalan sa industriya. </p><p>“Sila ang nagpasikat sa sarili nila kasi tulay lang ako. Pag nagkamali yan, hindi pwedeng ako na lang aarte. Sila ang nakapronta dyan...Pinagtrabahuhan nila yun. Hindi sila yung tutulog-tulog lang,” sambit pa nito.</p><div><strong>RELATED VIDEO</strong></div><figure class="op-interactive"><iframe height="315" src="https://www.youtube.com/embed/jVnF5YANvHc?enablejsapi=1" width="560"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Ibinahagi ni Ogie Diaz ang saloobin tungkol kina Vice Ganda at Liza Soberano kung saan nilinaw nitong nananatiling maayos ang kanilang relasyon. 