Push Admin

Mga ama ng TNT Boys, sumagot sa punang 'malambot' ang mga anak

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/entertainment/11/16/20181115-tnt-boys.jpg"/><figcaption>TNT Boys. Kuha mula sa programang &quot;Magandang Buhay&quot;</figcaption></figure></div><p>Kasabay ng kanilang kasikatan, hindi maiwasang maging target ng mga pamumuna ng iba sina Francis Concepcion, Mackie Empuerto, at Kiefer Sanchez, ang mga miyembro ng singing trio na TNT Boys.</p><p>Isa rito ang komentong tila &quot;malambot&quot; umano ang mga galaw ng tatlo — bagay na sinagot ng kanilang mga ama sa panayam sa mga ito ng &quot;ASAP Natin &#x27;To,&quot; ang bagong format ng musical-variety show na inilunsad noong Linggo.</p><p>Ayon sa mga ama ng tatlo, binabalewala lang nila ang mga ganoong komento at sa halip ay pinagtutuunan na lang ng pansin ang mga talento ng kanilang mga anak.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1398125" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>&quot;Sa akin po okay lang kasi ako kilala ko si Mackie bilang ama, tinatawanan ko na lang po ang ganyan,&quot; sabi ng ama ni Mackie na si Rod.</p><p>&quot;Basta ang para sa akin, ipakita mo lang, anak, sa buong mundo kung ano ang mayroon ka,&quot; mensahe ni Rod sa anak.</p><p>&quot;Kami ni Kiefer nasa positive side talaga kami palagi. Hindi kailangan na parang damdamin natin &#x27;yon kasi alam natin kung gaano kayo kagaling,&quot; sabi naman ni Lito, ama ni Kiefer.</p><p>Aminado naman ang ama ni Francis Jr. na si Francis Sr. na matagal na niyang napapansin ang pagiging malambot ng anak pero tanggap pa rin daw nito ang batang mang-aawit.</p><p>&quot;Since noong maliit pa, kasa-kasama ko &#x27;yong bata, di naman natin alam &#x27;yong future, kung sakaling ganoon. Sa akin, okay lang. Anak ko pa rin &#x27;yan, tanggap ko &#x27;yan,&quot; ani Francis Sr.</p><p>Bilang tugon sa pahayag ng ama, sabi ni Francis Jr., na pinapanood ang panayam sa ama sa isang hiwalay na kuwarto: &quot;Iiyak ako. Tanggap ako ng tatay ko, guys.&quot;</p><p>Inalala pa ni Francis Sr. ang isang pagkakataong nahuli raw niyang sumali sa dance showdown ang anak sa pista sa kanilang lugar.</p><p>&quot;May okasyon sa amin na piyesta noon, sali siya sa showdown, eh hindi niya alam na nandoon ako, siyempre malambot &#x27;yong ano, &#x27;di ba?&quot; kuwento ni Francis Sr.</p><p>Nung nakita raw ni Francis Jr. ang ama, bigla raw itong nahiya at tumigil sa pagsayaw.</p><p>&quot;Sabi ko, &#x27;Sige na! Ituloy mo!&#x27; [Kaso] Ayaw na niya eh,&quot; dagdag ni Francis Sr.</p><p>Ayon pa kay Rod, labis ang kaligayahan nilang mga ama tuwing nakikitang nagtatanghal ang mga anak.</p><p>May mga pagkakataon pa nga raw na sila pa ang nagbibigay ng mga payo sa mga anak kapag nakukulangan sa ipinakitang pagtatanghal.</p><p>&quot;Sobrang saya po namin na nakikita namin sila,&quot; ani Rod. &quot;Minsan &#x27;pag nakikita namin na medyo kulang, sinasabi namin na, &#x27;Ito, gawin mo.&#x27;&quot;</p><p>Nakatakdang magdaos ang TNT Boys na concert sa Araneta Coliseum sa Nobyembre 30.</p><div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/tvpatrol/08/19/20180820-yfsf16.jpg"/><figcaption>Noong Agosto, hinirang na kampeon ang TNT Boys sa ikalawang season ng &quot;Your Face Sounds Familiar Kids.&quot; <em>Michael Bagtas, ABS-CBN News</em></figcaption></figure></div><p>Unang nakilala ang mga miyembro ng grupo bilang finalists ng &quot;Tawag ng Tanghalan Kids&quot; sa &quot;It&#x27;s Showtime,&quot; kung saan din nila nakuha ang pangalan ng kanilang grupo.</p><p>Nakapagtanghal na rin sila sa mga programa sa ibang bansa gaya ng &quot;Little Big Shots&quot; sa United Kingdom at United States.</p><p>Ang grupo rin ang nagwagi noong Agosto sa ikalawang season ng &quot;Your Face Sound Familiar Kids.&quot;</p>

<p>Ayon sa mga ama ng mga miyembro ng TNT Boys, binabalewala lang nila ang mga komentong "malambot" ang kanilang mga anak at sa halip ay pinagtutuunan na lang ng pansin ang mga talento ng mga ito.</p>

Ayon sa mga ama ng mga miyembro ng TNT Boys, binabalewala lang nila ang mga komentong "malambot" ang kanilang mga anak at sa halip ay pinagtutuunan na lang ng pansin ang mga talento ng mga ito.