Push Admin

MMFF ikinatuwa ang first-day box office success ng film fest

Article (news)

Mario Dumaual, ABS-CBN News

MANILA - Ikinatuwa ng pamunuan ng Metro Manila Film Festival (MMFF) 2022 ang mainit na pagtangkilik ng moviegoers sa pagbabalik ng film fest sa mga sinehan simula noong Linggo, Disyembre 25. “Labis naming ikinagagalak ang suportang ipinamamalas ng publiko sa MMFF, base sa mahahabang pila sa mga sinehan hindi lamang dito sa Metro Manila kundi sa Luzon, Visayas, at Mindanao,&quot; sabi ng MMDA acting chairman at pinuno ng MMFF na si Atty. Romando Artes sa panayam sa ABS-CBN News ngayong Lunes.&quot;Kasama ang buong pamunuan ng Metro Manila Film Festival, taos-puso kaming nagpapasalamat sa lahat ng tumangkilik sa walong pelikulang bahagi ng MMFF 2022.&quot;Tumangging maglabas ng box office ranking ang MMFF sa mga entries na pinapalabas sa mahigit kumulang na 650 sinehan nationwide. Pero ayon sa mga insiders sa mga theater circuit, base sa box office gross kagabi, malakas ang &quot;Partners in Crime,&quot; &quot;Deleter,&quot; &quot;Labyu With an Accent,&quot; at &quot;Family Matters.&quot;Pumapalo rin sa takilya ang &quot;Nanahimik ang Gabi,&quot; &quot;My Teacher,&quot; &quot;My Father Myself,&quot; at &quot;Mamasapano.&quot;Napansin din ni Boots Anson Rodrigo ang overwhelming public response sa MMFF 2022, lalo na ang mga ulat na nagsara ang ilang sinehan dahil sa full audience capacity. &quot;Sabi nga nila, parang natakaw uhaw ang mga manonood ngayong kapaskuhan sa MMFF,&quot; pagbahagi ni Rodrigo sa ABS-CBN News. Iginiit din niya na walang &quot;first day, last day&quot; showing sa mga MMFF entries na mahina ang box office standing sa mga tiyatro ng Metro Manila, base sa kasunduan sa mga industry stakeholders. Walang ilusyon ang MMFF officials na tatabo ngayong taon ang film fest ng mahigit P1 bilyon ang box office gross tulad noong kasagsagan nito bago magpandemya, kung saan mahigit 1,000 pa noon ang mga sinehan sa bansa.Pero sana raw, ayon kina Artes at Rodrigo, ay maabot ng MMFF 2022 ang projection nitong gross na P500 milyon.&quot;Hiling namin ang patuloy na suporta ng publiko hanggang sa pagtatapos ng MMFF sa January 7,&quot; giit ni Artes sa kanyang pahayag.&quot;Sa pamamagitan nito ay matutulungan natin ang unti-unting pagbangon ng industriya ng pelikulang Pilipino na labis na naapektuhan ng COVID-19 pandemic. Muli, maraming salamat sa lahat at mabuhay ang pelikulang Pilipino!&quot;Idaraos ang MMFF Gabi ng Parangal awards para sa pinakamahusay na pelikula, performances, at technical excellence Martes ng gabi sa New Frontier Theater sa Quezon City. Gagawaran din si Vilma Santos ng Marichu Vera Perez Maceda service award para sa kanyang kontribusyon sa industriya.

Ikinatuwa ng pamunuan ng Metro Manila Film Festival 2022 ang mainit na pagtangkilik ng moviegoers sa pagbabalik ng film fest sa mga sinehan.

MMFF ikinatuwa ang first-day box office success ng film fest

News

Entertainment

Lifestyle

Sports

Metro.Style

More

Traffic

Manila

Horoscope

Showbiz

MMFF ikinatuwa ang first-day box office success ng film fest

Mario Dumaual,

ABS-CBN News

Published Dec 26, 2022 01:26 PM PHT

Read More:

MMFF

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.