Saan-saan nagsimula ang cast ng ‘Zoomers’?

MAYNILA —Mula sa produkto ng talent search, showbiz royalty, hanggang sa bagong salta sa pag-a-artista, iba-iba ang pinanggalingan ng teen stars ng Kapamilya Gen Z series na “Zoomers.”

Kung may nauna nang nakapagsimula sa industriya gaya nina Harvey Bautista, Luke Alford, at Criza Taa, naroon din ang mga patuloy na gumagawa ng pangalan gaya nina Krystl Ball, at Ralph de Leon.

Sa trending series na unang ginawa para sa YouTube bago ipinalabas sa Primetime Bida, sumabak ang cast sa mga role na dikit sa masasalimuot na isyu ng kanilang henerasyon.

Ramdam ng tinaguriang rising stars ang pressure ng pagpapakilala sa showbiz, pero sabi nila malaking bagay para sa kanila na may mga kaedaran silang makakaramay sa kanilang paglakbay.

Pinayuhan din nila ang kapwa kabataan na nangangarap mag-artista na magpatuloy lang na paunlarin ang kanilang sarili at kakayahan.

– Ulat ni Ganiel Krishnan, Patrol ng Pilipino

• 10 new Kapamilya artists get big break via ‘Zoomers’
• Gen Z artists nabigyan ng big break sa 'Zoomers'
• Why Krystl Ball, Kei Kurosawa took on 'GL' roles on 'Zoomers'
• Laurenti Dyogi on 'Zoomers': Lagi tayong tumataya sa bago