Vice Ganda, napaisip sa tunay na kahulugan ng 'micro-cheating'

Tila naging palaisipan sa "It's Showtime" host na si Vice Ganda ang tunay na kahulugan ng micro-cheating. 

Kasunod ito ng ibinahaging dahilan ng "EXPecially For You" searcher na si Daisy sa naging ugat ng hiwalayan nila ng kaniyang Ex-Boyfriend na si Shaun. 

"Micro-cheating na ba 'yun?" tanong ni Vice sa kapwa "It's Showtime" hosts. 

"So 'yung pagtitig natin kay Jungkook, micro-cheating?" tanong muli ng host. 

"E 'yung panonood niyo ng 'Water' peformance ni Kyle Echrarri habang nagpe-perform siya?" 

Depensa naman ni Anne Curtis na kailangan ng malalim na usapin at kailangan ng pagkakaunawaan kung tatalakayin ang micro-cheating. 

"It's a big, its a huge discussion, 'di ba? Sinasabi nga nila na parang double standards nga daw na parang kapag babae okay lang, sa lalaki hindi puwede, " ani Curtis. 

"Kaya tingin ko, depende 'yan sa pagkatao at dapat magkaintindihan kayong dalawa umpisa pa lang kung hanggang saan 'yung boundaries, kung hanggang saan 'yung puwede 'di ba? Parang hindi ako komportable na manonood ka ng mga babaeng naka-bikini, ganun. Or sabihin niya sa 'yo na bawal ka ring mag-like ng mga pictures ni Gong Yoo, ganyan." 

Muling nagtanong si Vice, na tila naguguluhan sa tunay na kahulugan ng micro-cheating: "O eto na lang ah, paano 'yung ano natin na segment natin dito na 'Sexy Babes' na naka two piece sila. So everyone who's watching that segment was micro-cheating at that time?" 

Bukod pa sa "Sexy Babes" segment ng "It's Showtime," binalikan din ng host ang "Girl On Fire" kung saan sexy na sumasayaw ang ibang kalahok.

"Tapos 'yung dance contest rin natin na 'Girl On Fire' ang sexy din nung mga sayaw, lahat ba ng lalaking nanonood noong segment na 'yun ay nagma-micro cheat noong panahon na 'yun? Tanong ko lang naman 'to ah."