Push Admin

'Tao Po': 'Pinoy Frankenstein' na si Raul Dillo, kilalanin

Article (news)

ABS-CBN News

Nakilala sa mga karakter bilang higante at kapre sa mga palabas at pelikula si Raul Dillo. Siya rin ang tinaguriang “Pinoy Frankenstein.”Tubong Masbate si Raul pero nangungupahan siya ngayon sa Biñan, Laguna kasama ang kanyang asawa at dalawang anak.  &quot;Ang unang-unang salta ko po kasi dito sa Maynila sa Paco. Ilang taon din ako doon, 15 years, tapos doon nagkaroon na ako ng pamilya, nagpalipat-lipat na kung saan saan.&quot;Grade 1 lang ang natapos ni Raul pero lakas-loob siyang nakipagsapalaran sa Maynila sa paghahangad ng maginhawang buhay.Dahil sa kanyang tangkad, nadiskubre siya para maglaro sa mga liga ng basketball. Sa height na 7’3, isa si Raul sa pinakamatangkad na naging basketbolista sa bansa.Kahit pa magaling sa court, mabilis ding natapos ang kanyang karera sa sports na ito dahil sa hindi inaasahang insidente.May pinto man na nagsara, nagbukas naman ang telon ng oportunidad para makilala siya sa mundo ng telebisyon at pelikula.&quot;Sa totoo lang, nabigla rin ko na naging artista na ako kasi since wala po talaga akong pangarap na mag-artista.&quot;Sunod-sunod ang naging proyekto ni Raul, nabigyan siya ng iba-ibang roles sa mga horror at comedy films pero bigo siyang makaipon ng pera.Kalaunan, dumalang ang dating ng trabaho kasabay ng pagtamlay din ng kanyang kalusugan.&quot;Nung na-hospital po ako, na-confine ako ng five days. Sabi sa&#x27;kin ng doctor, mayroon daw akong enlargement ng ugat sa puso. hiningian akong MRI. Halos P25,000 ang babayaran ko. Sabi ko, saan ko kukunin ‘yun?”              Para matustusan ang pang-araw-araw na pangangailangan, naglako siya ng mga pagkain, at namasada rin siya ng tricycle pandagdag kita. &quot;Sabi ko kailangan ko rin magsumikap, kailangan ko rin itaguyod ‘yung pamilya ko.&quot; Noong nakaraang taon, nagbigyan ng pagkakataon si Raul na mapasama sa programang FPJ’s Batang Quiapo. Sinusubukan nya rin ngayon ang maging content creator.&quot;Tumanda man ako mawala man ako sa mundong ito, mare-realize ng tao na lumaban tayo ng parehas, hindi tayo nanlamang. ‘Yung mga anak ko pinalaki ko sa tama bagama’t hindi ko naibigay ‘yung lahat sa kanila pero itinaguyod ko sila at hindi ko sila pinabayaan, minahal ko ‘yung pamilya ko.&quot;Ulat ni Karen de Guzman para sa programang Tao Po. (April 7, 2024)Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec">dito</a>.

Nakilala sa mga karakter bilang higante at kapre sa mga palabas at pelikula si Raul Dillo.

Nakilala sa mga karakter bilang higante at kapre sa mga palabas at pelikula si Raul Dillo.