Push Admin

Article (news)

Nina Angela Mikaela Cruz

ABS-CBN News

<div class="embed-wrap"><figure data-feedback="fb:likes,fb:comments"><img alt="Kuya Marlon" src="https://news-workbench-api.abs-cbn.com/api/upload-raw/20240618100652/87ca556216e795126861f19caef35f6cc275bc647a2d3c08ecffee92a9f58801.jpg" class="fr-fic fr-dib"/></figure></div><p>Naaalala mo ba ang lalaking ito? Baka minsan mo nang nabasa ang kwento niya sa Facebook, o di kaya’y dumaan sa news feed mo pero ‘di mo lang pinansin. </p><p>O baka naman isa ka sa mga taong hindi na siya malilimutan nang minsang mabasa kung paano nagbago ang buhay niya dahil sa beeper number na nakasulat sa upuan ng bus. </p><p>Taong 2017 nang unang i-post at magsimulang mag-viral sa Facebook ang  <a href="https://www.facebook.com/100066567745653/posts/197372845937357/?rdid=N9B0FGSXLFgnHBvg" rel="noopener noreferrer" target="_blank">kwento ni “Kuya Marlon”</a> at kung paano nahulog ang loob niya kay Elise, ang beeper operator na sinubukan niyang hanapin sa loob ng 20 taon buhat nang unang makausap noong 1997. </p><p>Araw-araw pa ring may nakababasa, nagshe-share, at naaantig sa kwentong pag-ibig na tila imposible nang magkaroon ng happy ending. </p><p>Ngayong 2024, masasagot na ang katanungan at mabibigyan na ng closure ang kanilang kwento sa isang maikling pelikulang pinamagatang “Paging Elise.”</p><div><strong>Si Kuya Marlon at ang deepweb dumaguete </strong></div><p>Nagsimula ang lahat sa Facebook page na “ <a href="https://www.facebook.com/hitiksakaalaman" rel="noopener noreferrer" target="_blank">deepweb dumaguete</a>” na pinatatakbo ni Marlon Tobias, isang marketing assistant na “nalulong sa internet.” </p><p>Kilala siya ng kaniyang mga mambabasa bilang Kuya Marlon.</p><p>Nabuo ang deepweb dumaguete noong 2016 na kasagsagan ng mga meme page na inspired sa mga pangalan ng artista gaya ng “Jhong Hilarious.” </p><p>Dito ikinwento ni Kuya Marlon kung paano nagsimula ang deepweb dumaguete. </p><div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3057509"></ivs-player> <script src="https://player.ivideosmart.com/ivsplayer/v4/dist/js/loader.js"></script></div><p>Kwento ni Kuya Marlon, trip-trip lang ang mga naunang post ng deepweb dumaguete bilang karakter ni Kuya Marlon na isang OFW galing Saudi na nagmamayabang dahil marunong siyang mag-computer.</p><p>Paunti-unti, naisipan niyang bigyan ng backstory si Kuya Marlon, at isa sa mga naging parte ng kaniyang pagkatao ay ang kwento ng kaniyang pag-ibig para kay Elise, na kung tawagin ng ilan ay ang “Bilanggo Story” dahil sa awitin ng bandang Rizal Underground na ginamit dito. </p><p>Hindi man ito ang unang kwentong naisulat ni Kuya Marlon, ito naman ang naging paborito niya dahil na rin sa mainit na pagtanggap ng mga tao hanggang sa kasalukuyan.</p><p>“Favorite din ng mga tao. Tumatak na sa ‘kin eh. Halos parang naging kaluluwa ko na ‘yun, eh. Araw-araw may nagta-tag pa rin sa ‘kin diyan, minsan ‘pag may nakakasalubong nagpapa-picture, parang sobrang awkward na hindi naman artista pero nangyayari,” kwento ni Kuya Marlon sa ABS-CBN News. </p><p>Dagdag pa niya, “Nagpakilala kasi ako last year na ako ‘yun, para magtigil na ‘yung mga tao kaso lalong lumala. May nagpi-PM na ng mga love advice, pati presyo ng mga laruan, ‘di ko alam bakit lahat tinatanong sa ‘kin.” </p><p>Gano’n na lang din ang naipakitang suporta ng mga mambabasa niya noong maglabas ng t-shirt merchandise ang deepweb dumaguete at na-sold out ito sa loob lang ng 20 minuto. </p><div><strong>Inspirasyon ni Kuya Marlon</strong></div><p>Sabi ni Kuya Marlon, hango sa kaniyang buhay ang mga sinusulat niyang kwento. Pagdating naman sa estilo ng pagsusulat, isa ang Filipino author na si Bob Ong sa mga naging inspirasyon niya. </p><p>“Actually, parang 70% ng mga sinusulat ko, galing din sa ranas eh. Sa ranas ko, sa experience ba. Sa story mismo ni Kuya Marlon, talagang hinalo ko na. Sa mga kakilala ko… ’Yung kakilala ko kasi parang IT, ganyan, ta’s mahiyain. Du’n, pinaikot-ikot ko ta’s plot twist ay nangyari mismo sa akin, parang ganun. Pero hindi siya ‘90s era. Parang binuga ko na lang ng ‘90s era para may nostalgia rin,” kwento ni Kuya Marlon. </p><p>Walong taon nang magsimula siyang magkwento sa deepweb dumaguete, masaya si Kuya Marlon nang malamang nakatutulong ito sa mga kabataan na hubugin ang hilig sa pagbabasa, na para sa kaniya ay higit pa sa manalo ng Palanca. </p><p>Ibinahagi rin niya ang ilan sa mga tumatak sa kaniyang feedback mula sa kaniyang mga mambabasa.</p><div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3057510"></ivs-player> <script src="https://player.ivideosmart.com/ivsplayer/v4/dist/js/loader.js"></script></div><p>Sabi ni Kuya Marlon, ilang teknik din ang ginagawa niya para mahikayat ang mga kabataan na basahin ang mga kwento ng deepweb dumaguete.</p><p>“Yung mga panahon na ‘yun, 2016, talagang mababa ‘yung pagbabasa ng kabataan. So ginawa kong teknik, kung anong uso nung henerasyon na ‘yun, ina-acquire ko. Ta’s kung paano rin magkwento yung mga tao sa Wattpad, kasi kaputukan ng Wattpad ‘yun eh. So sabi ko, bakit andaming nagbabasa ng Wattpad? Ba’t ‘yung mga tipikal na dapat binabasa ay kinatatamaran?” aniya.</p><p>“So nilalaro ko yung mga salita. Minsan nag-iimbento pa ako ng mga terminolohiya. Tapos ang reference ko madalas diyan, kung ano ‘yung patok sa kabataan. Katulad ng Naruto, mga ganun, anime, mga kanta. Tsaka mga Gen Z terminologies medyo ina-acquire ko rin,” dagdag pa niya. </p><p>Kumalat ang kwento ni Kuya Marlon at Elise sa iba’t ibang sulok ng internet sa iba’t ibang paraan — may nag-post sa blog sites, sa Reddit, at ginawa na ring kwento sa YouTube, kahit pa ang ilan sa mga ito ay walang paalam. </p><p>Sabi niya, hindi na niya hinahabol ang mga gumagawa nito dahil sa kabilang banda, masaya pa rin siya na dahil dito ay marami ang naaabot ng kaniyang kwento. </p><p>“Libre ko naman po siyang sinulat sa internet, eh. Kumbaga isa siya sa mga goal ko, eh. Mababasa nang libre. Kasi ayun nga po ‘yung taliwas sa mahal na libro, mga babasahin sa atin, access sa library sobra nang hirap. Parang isa po sa mga naging goal ko ‘yun na mabasa po siya nang libre. Mas maganda sa ibang platform pa po mailagay, okay din po sa ‘kin,” ani Kuya Marlon. </p><p>At ngayon nga, gagawin na itong maikling pelikula ng isang UP Film student na masugid niyang tagahanga. </p><div><strong>Paging Elise</strong></div><div class="embed-wrap"><figure data-feedback="fb:likes,fb:comments"><img alt="Movie poster ng short film na &#x27;Paging Elise&#x27; na kalahok sa UP Film Institute Black Beret 2024. Paging Elise Facebook page" src="https://news-workbench-api.abs-cbn.com/api/upload-raw/20240618170612/fe546206fc72b5ed2b8270d1a14fe06002affbf8356e08704f936c6c9e77fe89.jpg" class="fr-fil fr-dib"/><figcaption>Movie poster ng short film na &quot;Paging Elise&quot; na kalahok sa UP Film Institute Black Beret 2024. <em>Paging Elise Facebook page</em></figcaption></figure></div><p>Mula nang mabasa niya noong 2017 ang kwento ni Kuya Marlon at Elise, nanatili na ito sa kaniyang isipan, at doon nagsimula ang ideyang gawin itong pelikula. </p><p>Matapos ang ilang taon, matutupad na ni Ronnie Bawa, isang 4th year UP Film Institute student, ang pangarap na isapelikula ang kwentong internet. </p><p>Para kay Bawa, may espesyal na dahilan kung bakit napalapit sa puso niya ang kwento ni Kuya Marlon. Narito ang kaniyang kwento. </p><div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3057511"></ivs-player> <script src="https://player.ivideosmart.com/ivsplayer/v4/dist/js/loader.js"></script></div><p>Bilang isang storyteller, noon pa man ay nakitaan na ni Bawa ng potensyal ang kwento na maging isang pelikula. Kaya lang, sa mga nakaraang subok niyang ituloy ang proyekto, hindi tumutugma ang pagkakataon at oportunidad. </p><p>“Bago pa man ako pumasok ng film, nagsusulat talaga lang ako. Tapos nung mga panahon pa lang na ‘yun parang sabi ko, “Uy, parang gusto kong gawing pelikula ‘to.&#x27; Eh ang kaso nga lang, ayun, kapag hinaharap ko ‘to sa mga prof ko noon, hindi pasok sa panlasa nila. Lalo na ‘yung narrative structure nitong kwento nga na parang sobrang informal. Kasi siyempre sinulat lang naman ‘to sa internet. Hindi naman ‘to masyado sinaliksik eh. Hindi to ginawan ng research para isulat. Kasi hindi naman to academic na babasahin eh. Parang ano lang talaga, katuwaan,” aniya. </p><p>Sa pelikulang ipalalabas sa Setyembre bilang isa sa mga kalahok sa UP Film Institute Black Beret 2024, maaasahan hindi lang ng mga mambabasa ni Kuya Marlon kundi lahat ng tao sa internet na natisod ng kwentong ito, ang pinakahihintay na closure. </p><p>Natagpuan ba ni Kuya Marlon si Elise? </p><p>Kwento ni Bawa, marami siyang dinagdag na eksena sa gagawing adaptation. </p><p>“Hangga’t maaari wala akong binabawas pero marami akong idinagdag para mas pasok nga siya para maging pelikula. Siguro ‘yung pinakabinago ko talaga ‘yung number, kasi ‘yung una, beeper number ata ni Mo Twister.”</p><p>“Hangga&#x27;t maaari ayoko talaga ng lumalayo kasi syempre bilang paggalang at honor du’n sa original na materyal,” dagdag pa niya.</p><p>Sabi ni Kuya Marlon, wala siyang pag-aalinlangang pumayag nang ipagpaalam sa kaniya ni Bawa ang balak na adaptation. </p><p>“Hindi na ako nagdalawang-isip kasi tiwala naman din ako na bilang gamay niya ‘yung experience, gamay niya ‘yung daloy ng kwento, hindi na ako nagduda. Talagang sige. Walang pagdududa,” ani Kuya Marlon. </p><p>Samantala, ang kumpiyansa ni Kuya Marlon kay Bawa bilang writer at direktor ng pelikula ay kabaliktaran ng takot na naramdaman niya nang mag-message sa kaniya ang anak ng tunay na “Kuya Marlon.” </p><div><strong>Ang paghaharap ng dalawang Kuya Marlon </strong></div><p>Kung may plot twist mang aabangan sa &quot;Paging Elise,&quot; nauna nang mabigla si Kuya Marlon at kaniyang mga mambabasa sa plot twist sa totoong buhay. </p><p>Ito ay nang makatanggap siya ng mensahe mula sa isang nagpakilalang anak ni Cirilo Lunaria, ang umano’y totoong pangalan ng lalaki sa litratong ginamit niya noong 2017.</p><p>“Tatlong araw bago ko siya ni-replyan kasi natatakot ako kung, halimbawa, paano ko haharapin &#x27;yung kaso?” sabi ni Kuya Marlon. </p><p>Buti na lang, nang magkalakas ng loob siya na mag-reply sa natanggap na mensahe, nalaman niyang tagahanga niya rin pala ang mag-ama. At higit sa lahat, wala silang sama ng loob na naging internet famous ni Cirilo. </p><p>“Nung nireplyan ko na, laking gulat ko fan din pala sila ng deepweb dumaguete as in, actually ‘yung pinakawording po na sinabi niya, nagbago daw po ‘yung buhay nila. ‘Yung dating matamlay na -- ‘yung tatay nila kasi medyo kumbaga sa makabagong ano, nonchalant daw ‘yung tatay niya eh. Sa barangay daw nila ngayon, parang lagi silang inaasar, &#x27;Uy artista ka na.&#x27; Ayun, parang nagkaroon ng bagong sigla yung pagsasamahan nila.” </p><p>Narito ang kwento kung paano napunta kay Kuya Marlon ang larawan ni Cirilo, at ilan pa niyang realisasyon sa kanilang pagkikita. </p><div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3057512"></ivs-player> <script src="https://player.ivideosmart.com/ivsplayer/v4/dist/js/loader.js"></script></div><div class="embed-wrap"><figure data-feedback="fb:likes,fb:comments"><img alt="IN PHOTO: Si Marlon Tobias o Kuya Marlon (naka-gray) at Cirilo Lunaria (naka-black) noong magkita sila noong March 3, 2024. Marlon Tobias" src="https://od2-image-api.abs-cbn.com/prod/editorImage/1718699806873MicrosoftTeams-image%20(661).png" class="fr-fil fr-dib"/><figcaption>IN PHOTO: Si Marlon Tobias o Kuya Marlon (naka-gray) at Cirilo Lunaria (naka-black) noong magkita sila noong March 3, 2024. <em>Marlon Tobias</em></figcaption></figure></div><p>Para kay Kuya Marlon, sa hinaba-haba ng panahon, isang magandang katapusan na rin niyang maituturing ang makilala niya ang naging mukha ng kanyang kwento. </p><p>Dahil sa totoong buhay, natagpuan ni Cirilo ang kanyang Elise sa misis na si Melda. </p><div><strong>Suporta sa pelikula</strong></div><p>Sa ngayon, patuloy ang pangangalap ng pondo ng grupo ni Bawa para sa &quot;Paging Elise,&quot; na uumpisahan ang shooting sa Hulyo.  </p><p>Kabilang sa mga producer ng pelikula sina Charlotte Hermosa, Cyril Bautista, at aktor na si Elijah Canlas. </p><p>Kwento ni Ronnie, isa sa mga pinag-iipunan nila ay ang pagbabayad ng royalties para sa awiting “Bilanggo” na hindi pwedeng mawala sa pelikula. </p><p>Para makibahagi sa crowdfunding ng &quot;Paging Elise,&quot; bisitahin ang kanilang  <a href="https://www.facebook.com/pagingelise" rel="noopener noreferrer" target="_blank">Facebook page</a> o i-click ang link na  <a href="https://www.facebook.com/pagingelise/posts/pfbid02CL48v4Y6cG3Mco1RoUCfvzRSyVERjRzqwuHfhXK3ZKXYiSRwgABxfvLtRb1Xn4xBl" rel="noopener noreferrer" target="_blank">ito</a>. </p><p>Maaari ring abangan ang anunsyo ng reprint ng deepweb dumaguete shirts para sa pelikula sa kanilang Facebook page o ng  <a href="https://www.facebook.com/zhangleifashion" rel="noopener noreferrer" target="_blank">zhang lei fashion</a>, na ‘di mo aakalaing lehitimo palang tindahan ng damit dahil mukha itong meme page. </p>

<p>Ngayong 2024, isasapelikula na ang kwento ng paghahanap ni Kuya Marlon sa minamahal na beeper operator na si Elise, na unang pinost ng deepweb dumaguete at kumalat sa Facebook noong 2017. </p>

Ngayong 2024, isasapelikula na ang kwento ng paghahanap ni Kuya Marlon sa minamahal na beeper operator na si Elise, na unang pinost ng deepweb dumaguete at kumalat sa Facebook noong 2017.

Kwentong internet: Nahanap na ba ni Kuya Marlon si Elise?

News

Entertainment

Lifestyle

Sports

Metro.Style

More

Traffic

Manila

Horoscope

Showbiz

Kwentong internet: Nahanap na ba ni Kuya Marlon si Elise?

Nina Angela Mikaela Cruz,

ABS-CBN News

Published Jun 18, 2024 07:42 PM PHT

|

Updated Jun 19, 2024 12:17 AM PHT

Read More:

ANC promo

deepweb dumaguete

internet

viral

Facebook

Paging Elise

UP Film

University of the Philippines

Black Beret

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.