'May lumapit na sa 'yo para i-bash ako?: Vice Ganda may hirit sa ilang mga content creator

May hirit ang "It's Showtime" host na si Vice Ganda sa mga content creator na umano'y nagpapabayad para i-bash ang isang tao.

Sa "EXPecially For You" segment, biniro ni Vice ang searchee na isang content creator kung may lumapit na ba sa kanya para i-bash siya.

Matapos nito, pinaliwanag ni Vice na sa kasamaang-palad ay may mga content creator kumikita para i-bash ang ibang tao.

"May mga ganyang content creators, eme-eme ta's nilalapitan ta's gagawa sila ng script tapos aatakihin nila 'yung certain person or party, ganoon pinagkakakitaan nila ngayon," aniya.

Diniin naman ni Karylle, hindi maganda ang mga ganitong paraan ng pagkita ng pera.

'Yun 'yung literal na kumikita ka pero may tinatapakan kang tao, hindi maganda."