Bubbles pinagbabaril ni David; 'Batang Quiapo' humarurot sa 596k concurrent viewers

Humarurot sa bagong peak concurrent viewership record ang "FPJ's Batang Quiapo" sa episode nito Lunes na kung saan tinadtad ng bala ni David (McCoy de Leon) si Bubbles (Ivana Alawi).

Sa latest episode ng show nitong Lunes, hinahanap ni David si Tanggol (Coco Martin) pero nakita nito si Bubbles at inabuso ang babae.

"Alam mo sayang ka eh. Maganda ka. Magaling kang makipaglaban. Napagod nga ako sa 'yo eh. May mga ganitong klase palang babae pero sinayang mo ang buhay mo kay Tanggol kaya pagkatapos mo, isusunod ko na 'yang demonyong 'yan," saad ni David.

Matapos nito, pinagbabaril ni David si Bubbles at agad na umalis para balikan si Tanggol.

Naghihingalo na si Bubbles nang dumating na si Tanggol pero pinangunahan siya ng galit at agad na hinanap si David para maghiganti.

Batay sa datos ng Dreamscape Entertainment, pumalo sa 596,164 ang peak concurrent viewers ng show -- o 'yung nanonood sa Kapamilya Online Live nang sabay-sabay.

Mapapanood ang "Batang Quiapo" sa Kapamilya Channel, Kapamilya Online Live, Cinemo, A2Z,  TV5,  iWantTFC at TFC.