Arzen Rose Dulzura

Kim Chiu, emosyonal na ikinuwento ang kanyang mama | It’s Showtime

Article (news)

ABS-CBN Studios

Bago pa ang elekyon, may nanalo na sa mga puso natin—ang ating mga ina, na salamin ng wagas na pag-ibig. Bilang pagpapakita ng pagmamahal sa mga ilaw ng tahanan ngayong darating na Mother’s Day, isang espesyal na kantahan at kuwentuhan ang pinagsaluhan ng Showtime family.Isa-isang finlex ng hosts ang kanilang mga ina. Si  Vice Ganda, ibinida ang pagiging masinop ni Nanay Rosario. Matalak ito, oo, pero ito ’yung ingay na hinanap-hanap ni Meme nang mawalay lay Nanay Rosario, na nanging OFW. Ngayon ay ine-enjoy nila ang mga harutan at kulitan.Kung nanay mo ay matigas ang ulo, relate ka sa kuwento ni Jhong Hilario. ‘Yun bang mga momshies na may sariling reseta. Biro niya, ang totoong gamot sa kakulitan ng ina ay pera!Tagos-puso rin ang pagbabahagi ni Ryan Bang tungkol sa ina, na nagtrabaho bilang kasambahay. Ang Nanay ni Ryan ang halimbawa ng mga inang tahimik lang na iniinda ang hirap at sakit, hindi na magsasabi pa upang hindi na rin mag-alala ang pamilya.Bukod sa kagandahang pisikal, namana rin ni Karylle ang panloob na kagandahan mula sa inang si Zsa Zsa Padilla. Sabi ni Karylle, lumilipas naman talaga ang ganda at kumukulubot ang balat. Pero ‘pag nakikita niya ang mga wrinkles ng ina, nagpapasalamat siya dahil simbolo ito ng lakas at ibig sabahin ay mapalad siya dahil kasama niya ang ina sa pagtanda nito.Naging emosyonal naman si Kim Chiu nang alalahanin ang maagang pagpanaw ng kan’yang nanay. Kahit hindi nagkaroon ng pagkakataong makabawi sa ina, may masasaya pa rin silang ala-ala.Luto ni mama ang paborito ni Darren Espanto. ‘Di baleng walang kasabay kumain noon sa school, basta meron siyang masarap na baon mula sa inang hindi nagsasawang siya’y asikasuhin.Nag-open up din si Vhong Navarro tungkol sa dalawang mama niya. Nang ikasal siya, isa sa pinakamatamis na regalong natanngap niya ay ‘yung makitang magkasundo ang dalawang ina. Hindi naman napigilan ni Ion Perez ang pag-iyak nang mag-sorry sa reyna ng kan’yang buhay. Madalas man ang tampuhan, pero si nanay pa rin ang laging paboritong uwian.Jamming muna tayo for our dear mommies. Ang pasasalamat at appreciation, idaan sa song, kasama ang Showtime family at TNT champions Lyka Estrella, Rea Gen Villareal, at Carmelle Collado.Present din ang nag-iisang Asia’s Songbird Regine Velasquez, na nagpaalala ng kahalagahan ng komunikasyon para iparamdam ang pagmamahal sa mga nanay. Kumustahin mo si mama. Minsan naman, makipagkuwentuhan ka sa kan’ya. Habang lumalaki ka, tumatanda rin siya. Tinuruan ka niyang magsalita, dahil ang mga kuwento mo ang magpapasaya sa kan’ya.Make your mama proud! Katulad ng dalawang mang-aawit na bitbit ang mga pangarap sa laban sa entablado ng “Tawag Ng Tanghalan Year 9.”Kahapon, si Don Rosales ang itinanghal na daily winner. At sa araw na ito, ready na siyang mag-level up sa KanTapatan round kung saan hinamon niya ang defending champion. Sakto for Mother’s Day ang handog niyang harana, singing “Hindi Magbabago.” Nagustuhan ni hurado Bituin Escalante ang emotional integrity ng performance ni Don, pero pakiramdam niya’y masyado itong madali para sa isang contest. Ang payo niya, sana mas i-level up pa ang pagkanta. Dagdag ni Punong Hurado Louie Ocampo, maganda ang vibrato pero nahalata niya ang pagiging uncomfortable ni Don sa entablado. Crucial ang laban na ito para kay defending champion Rob James Limbawan. Pero go lang! Binigyan niya ng kakaibang atake ang “The Day You Said Goodnight” ng Hale, na nagustuhan ni hurado Nonoy Zuniga, lalo na raw ang runs and riffs nito. Tip naman ni Sir Louie, give more value sa falsetto para pantay ang dynamics. Sa huli, tagumpay na naprotektahan ni Rob James ang kampeonato. Dahil may tatlo na siyang panalo, pasok na siya sa koponan ng tanghalan.This Mother’s Day, focus lang tayo sa GV! As part of the celebration, naglaro ang ‘Showtime’ hosts ng KIDSONA (Songs of the Nations Address). Pero imbes na Showtime kids, ang adult hosts muna ang nagtalumpati. Sina Ryan Bang, Ion Perez, Jackie Gonzaga, Darren Espanto, at Teddy Corpuz muna ang bumigkas ng mga salita sa awiting tampok. At ang humula naman ay sina Vice Ganda, Jhong Hilario, at Kim Chiu. Pero, hindi pwedeng wala silang ka-partner. At dahil Mother’s Day edition ito, tatlong mommies mula sa madlang audience ang nagkaroon ng pagkakataong makilaro kina Vice, Jhong, at Kim. Happy Mother’s Day sa lahat ng ina! Sumainyo ang kaligayahan sa espesyal na araw n’yo!Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide. On-demand viewing of programs&#x27; full episodes is available on <a href="http://app.iwanttfc.com/Mkr3OdLk6ab">iWantTFC.</a> Just download the app on <a href="http://play.google.com/store/apps/details?id=com.absi.tfctv">Google Play</a> or <a href="http://apps.apple.com/ph/app/tfc-tv/id549386004">App Store</a>, or visit <a href="http://app.iwanttfc.com/Mkr3OdLk6ab">iWantTFC.com.</a>Viewers can also continue to follow the show on Kapamilya Online Live on ABS-CBN Entertainment&#x27;s <a href="http://www.youtube.com/abscbnentertainment">YouTube channel</a> and <a href="http://www.facebook.com/ABSCBNnetwork/">Facebook page.</a>The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.Viewers outside of the Philippines can also catch it on The Filipino Channel on cable and IPTV.<div> </div>

Fun and entertainment like no other for the Madlang People on It’s Showtime