Paul Christian Ocampo

Article (news)

Kilalanin ang Pamilya Ventura | Part 2/3

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><p>Si Lira, ang mama niya, na hanggang sa mamatay ay hindi itinago ang pagkasuklam sa anyo ng kaisa-isang anak.</p><p>“Lumabas ka ng silid ko, Divina,” angil ni Lira sa anim na taong gulang na bata. “Hindi ko gustong makita ang pagmumukha mo!”</p><p>“Bakit kailangang pati ang bata ay pagsalitaan mo ng ganyan, Lira?” Si Donya Agueda na sumungaw sa pinto ng silid at hinawakan sa kamay ang humihikbing bata. “Ikaw itong ina, pagkatapos ay siya pang...”</p><p>“Utang-na-loob, Mama. Huwag na tayong magtalo. Ilayo ninyo ang batang iyan sa akin. Ikinahihiya kong naging anak iyan!”</p><p>Napilitang si Donya Agueda na ilabas ang apo. Sa pasilyo ay niyakap nito ang bata at sa gumagaralgal na tinig ay nagsalita. “Huwag mong intindihin ang mama mo, Devin,” banayad</p><p>na alo ng matandang babae.</p><p>Devin. lyon ang kinagiliwang itawag ng lola niya sa kanya. “Hayaan mo, apo, mawala man ako’y titiyakin kong mapapangalagaan ka pa rin hanggang sa iyong paglaki,” mariing</p><p>pangako nito na lumamlam ang mga mata.</p><p>Sa murang isipan ng bata ay labis nitong dinaramdam ang pagtataboy ng sariling ina. Totoong hindi siya nakaririnig ng kahit na anong masakit na salita mula sa kanyang papa at minsan pa nga ay nakakarga siya nito. Pero sa pakiramdam ni Devin ay malayo pa rin ang loob ni Manuel sa kanya. Ipinagtataka rin niya ang malimit na pagtatalo ng kanyang mga magulang sa hindi niya malamang dahilan.</p><p>Sampung taon siya nang magkagulo sa buong asyenda. Naaksidente sa kabayo si Lira. Aksidenteng hindi agad mapaniwalaan ng nakararami dahil mahusay mangabayo ang kanyang mama.</p><p>Hindi gaanong ininda ni Divina ang pagkawala ng ina. Subalit ang pinakamatinding dagok sa buhay niya ay nang mamatay si Donya Agueda nang kasunod na taon pagkamatay ni Lira. Ang sabi ng lahat ay katandaan ang ikinamatay ng matandang donya.</p><p>Anim na buwan mula nang mamatay si Donya Agueda ay nag-asawang muli si Manuel. Kay Stella na isa sa mga guro ni Devin sa elementarya. Isa itong biyuda at may isang anak, si Delio, na matanda lang sa kanya ng dalawang taon.</p><p>“Aray!” hiyaw ni Divina nang hilahin ni Delio ang tirintas niya at tumakbo patungo sa duyan.</p><p>“Nasaktan si Devil... Nasaktan si Devil,” kantiyaw ng malditong bata.</p><p>“Devin ang pangalan ko!”</p><p>“‘Devil’ ang gusto kong itawag sa iyo dahil magkalapit ang tunog. Tutal sa kapangitan mo ay mukha ka na ring devil, `di ba?” At sinabayan nito ng tawa iyon.</p><p>Gustong umiyak ni Divina pero pinigil niya ang sarili. Hindi lang ang batang lalaking ito ang kauna-unahang lumait sa kanya. Kahit ang mga kaescuela niya’y ganoon din. Ang mga guro niya sa pribadong paaralan ay lihim din siyang pinag-uusapan. Nanghihinayang na ang isang matalino at mayamang tulad niya ay may ganoong uri ng mukha.</p><div style="text-align:center"><img src="https://od2-image-api.abs-cbn.com/prod/editorImage/1755051649482Pages-IMP-Chap2-2.png" style="width:700px" class="fr-fic fr-dib" alt="“Impostor” Chapter 2: Kilalanin ang Pamilya Ventura | Part 2/3"/></div><p>Hindi rin nila mapaniwalaang ang isang kasingganda ni Lira at guwapong tulad ni Manuel ay nagkaanak ng isang tulad niya. At kung hindi lamang masalapi ang pamilya niya ay lantaran na marahil ang panlalait ng mga ito sa kanyang anyo.</p><p>At ang sumunod pa uling dagok na dinanas ng batang si Divina ay nang ipaalam sa kanya ni Manuel na sa isang dormitoryo sa Maynila siya maninirahan at mag-aaral pagkatapos ng elementarya.</p><p>“Pero bakit po, Papa? Maganda naman po ang escuelahan dito sa atin. At saka sino po ang makakasama ko sa Maynila?” naguguluhang tanong ng bata. Sinulyapan si Stella na walang emosyong nakatitig sa kanilang mag-ama. Si Delio ay binebelatan siya.</p><p>“Higit na mabuti ang paaralan sa Maynila, Divina. Para din sa iyo iyon. At sa isang sikat at malaking dormitoryo ka titira at marami kang makakasama roon, hija,” pahinuhod ni Manuel sa mabait na tinig. “Pero...”</p><p>“At lagi kang dadalawin ng Papa doon, Divina. At pagdating ng mga espesyal na okasyon ay uuwi ka rin dito sa atin.” niyakap nito ang bata at hinagkan sa buhok. Gumanti ng yakap si Divina. Hindi niya gustong hindi paluguran ang papa niya kahit na sa puso niya’y alam niyang ang ikalawang pamilya nito ang may gustong malayo siya sa Hacienda Ventura.</p><p>Pagkatapos ng elementarya ay ipinadala ni Manuel sa Maynila si Divina. At tulad ng sinabi nito ay dumadalaw ito sa anak sa dormitoryo tuwing humihiling si Divina sa landlady na mag-long distance sa kanila sa Sta. Clara.</p><p>Nasa huling taon na sa high school si Divina nang ipasya ni Manuel na sa asyenda mag-christmas vacation ang anak. Subalit isang linggo bago ang Christmas vacation ay naaksidente si Divina. Nasa akto siyang pababa ng hagdan ng kolehiyo nang isang nagmamadaling estudyante ang nakadagil sa kanya at tuloy-tuloy siyang nahulog sa matarik na hagdan. Pagkahulog na kung hindi buo ang loob niya at napakapit sa barandilya pagdating sa ikaanim na baitang ay malamang nalumpo siya o namatay.</p><p>Isang linggo rin siya sa ospital for minor bruises and concussion. tumama nang dalawang beses ang ulo niya sa sementong baitang.</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/15/-impostor-chapter-two-kilalanin-ang-pamilya-ventura-part-3-3-1122"><strong>NEXT &gt;&gt;&gt; Chapter Two: Part 3 of 3<br/></strong></a></div><div style="text-align:center"><br/></div><div style="text-align:center"><br/></div>

<p><i>PAGES Impostor: </i>Devin remembers her challenging childhood after two abrupt deaths in the family.</p>

PAGES Impostor: Devin remembers her challenging childhood after two abrupt deaths in the family.

“Impostor” Chapter Two: Kilalanin ang Pamilya Ventura | Part 2/3

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Impostor” Chapter Two: Kilalanin ang Pamilya Ventura | Part 2/3

Martha Cecilia

Published August 15, 2025 11:20 AM PHT

|

Updated April 10, 2026 10:51 PM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.