Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><p>Nagulat pa ang dalaga nang magsalita si Tata Vener. “Narito na tayo sa loob ng asyenda, Devin.”</p><p>Ibinaba ng dalaga ang bintana at nilanghap ang sariwang hanging-probinsiya. Iginala ang tingin sa mga nagtatayugang puno ng niyog at naglalakihang puno. Hindi nagtagal ay natanaw na niya ang malaking bahay-kastila na nakatayo sa gitna ng isang malaki at nababakurang solar.</p><p>Mula sa bintana ay may mga matang lihim na nakamasid sa pagbaba ng dalaga ng sasakyan. Mabilis din itong umalis nang pumasok sa loob ng kabahayan si Divina.</p><p>“Kumusta ka na, Divina?” si Stella na sumalubong sa may puno ng hagdan. Tila reyna ang gayak sa mamahaling damit na hindi bagay sa ganoong uri ng lugar.</p><div style="text-align:center"><img src="https://od2-image-api.abs-cbn.com/prod/editorImage/1755053046515Pages-IMP-Chap2-3.png" style="width:700px" class="fr-fic fr-dib" alt="“Impostor” Chapter 2: Kilalanin ang Pamilya Ventura | Part 3/3"/></div><p>“Tita Stella...” halos pabulong niyang sambit at saglit na nahinto siya sa paglalakad nang mapuna ang kuwintas na nasa leeg ng madrasta. Pag-aari ng namayapang Lola Agueda niya ang mamahalin at antigong kuwintas na iyon. Paanong napunta iyon kay Stella?</p><p>Wala sa loob na itinaas ni Stella ang kanang kamay at dinala sa leeg na para bang matatakpan nito ang choker. Tumikhim ito. “Pumanhik ka na sa itaas, Divina. Nasa silid niya ang papa mo,” wika nito at tuluyang humakbang palabas.</p><p>Si Divina ay mabilis na pumanhik at tinungo ang silid ng ama. Isang mahinang katok ang ginawa niya bago binuksan ang pinto.</p><p>“Papa,” usal niya sa lalaking nakahiga at nakapikit ang mga mata. Sa isang sulok ng silid ay naroon ang isang silyang de-gulong.</p><p>Nagmulat ng mga mata si Manuel at biglang umaliwalas ang mukha nang makilala ang anak.</p><p>“Dumating ka na pala, Divina.” itinaas nito ang kamay at isinenyas na umupo ang dalaga sa tabi ng kama.</p><p>“K-kumusta ka na, Papa?” aniya sa nagbabarang lalamunan. Totoong hindi sila gaanong malapit ng ama sa isa’t isa at sa nakalipas na walong taon niyang paninirahan sa dormitoryo sa Maynila ay lalo pang pinaglayo. Pero ama pa rin niya si Manuel.</p><p>Kung tutuusin ay nasa late forties pa lamang ito. kalakasan, `ika nga. Subalit sa nakikita niya’y nanghihina ito.</p><p>“Bakit hindi ka magpa-confine sa ospital? Bakit narito ka lang sa bahay?” nag-aalalang tanong niya.</p><p> “Huwag mo akong alalahanin, hija,” mahinang sagot nito na pilit ngumiti. Hawak sa kamay ang palad ng anak. “Hindi naman malubha ang aking kalagayan. Hindi ko nais ipaalam sa iyo ang pagkakasakit kong ito dahil ayokong nag-aalala ka. Pero hindi ko napigil si Stella na tawagan ang dormitoryo mo.” “Tama ang Tita Stella, Papa. Karapatan kong malaman ang kalagayan mo. At huwag kayong mag-alala, ngayong narito ako ay katulong ako ng asawa mo sa pag-aalaga sa iyo,” pangako niya.</p><p>Kumislap ang mga mata ni Manuel. “Subalit kailangan mong magbalik sa Maynila, Divina. Sa isang linggo ay enrollment na para sa huling taon mo sa kolehiyo. Magtatapos ka na sa susunod na semestre, anak,” banayad at masuyong sabi ni Manuel na gustong tumulo ng mga luha ni Divina.</p><p>“Makapaghihintay ang pagtatapos ko, `Pa, kung kalahating taon lang naman. Mas nanaisin kong narito sa tabi mo.”</p><p>“Wala akong pinakahahangad, Divina, kundi ang makatapos ka ng pag-aaral.” humugot ng malalim na hininga si Manuel na tila nagsikip ang dibdib.</p><p>“B-baka makasama sa inyo ang nagsasalita, Papa,” nag- aalalang wika ni Divina, nilinga ang mga gamot ng lalaki sa side table.</p><p>Umiling si Manuel. “Malakas pa ako, Divina. Hindi ako papatayin ng isa lamang atake. Gusto kong samantalahin ang pagkakataong ito upang ihingi ng tawad sa iyo ang pagpapadala ko sa iyo sa Maynila...”</p><p>“Please, `Pa. Wala kayong dapat ihingi ng tawad.”</p><p>Subalit hindi pinansin ni Manuel ang sinasabi niya. “Inilayo kita sa akin, hija, sa kabila ng sakit ng loob na nararamdaman ko. May dalawang dahilan, Divina. Una ay ang bago kong pamilya. Hindi kaila sa akin ang hindi magandang pakikitungo ni Delio sa iyo. Si Stella na bagaman walang sinasabi ay alam kong hindi rin magaan ang loob sa iyo. Pangalawa, hija, at ang pinakaimportante sa lahat, ay dahil gusto kong ma-develop mo ang self-confidence mo sa Maynila. Kung narito ka’y baka nanatili ka na lang na nakakulong sa bahay na ito at malayo sa mga kasing-edad mo...”</p><p>Gustong salungatin ng dalaga ang sinasabi ng ama. Na kahit sa Maynila ay hindi niya na-develop ang self-confidence na gustong mangyari nito. But of course, gusto niyang ipagpasalamat na nakilala niya si Ninia at naging matalik na kaibigan. Labis niyang ikinagalak na ganoon pala ang intensiyon ng pagpapadala sa kanya ni Manuel sa Maynila. Na hindi pala dahil hindi siya gustong makita.</p><p>Namuo ang mga luha sa mga mata niya. Nagpatuloy si Manuel. “Dalawang buwang mahigit mula ngayon ay ikadalawampu at isang kaarawan mo na, Divina. At noon pa man ay pinlano ko nang bigyan ka ng isang party, anak. Imbitahin mong lahat ang mga naging kaibigan mo sa Maynila.” Sa pagitan ng hilam na mga mata ay ngumiti ang dalaga “Wala akong iimbitahin sa birthday ko, Papa, kundi si Ninia. She’s my friend, my real friend. At walang magiging bisita kundi tayo-tayo lang. Hindi mo kailangang maghanda nang malaki.”</p><p>“Pero, hija...”</p><p>“Yes, Papa. Anyway, that would be two months and one week from now. Saka na natin pag-usapan. At gusto ko ay magaling ka na nang lubusan sa araw na iyon.” ngumiti siya. Hindi makapaniwalang inihanda ng ama ang bahaging iyon ng buhay niya. “Magpahinga ka na, Papa. Natitiyak kong napagod ka sa mahabang sandaling pag-uusap natin.”</p><p>Isang banayad na ngiti ang ibinigay ni Manuel sa anak at pumikit upang magpahinga. Si Divina ay nag-umaapaw ang galak sa dibdib nang lumabas ng silid.</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/16/-impostor-chapter-three-ang-muling-pag-uwi-ni-devin-sa-asyenda-ventura-part-1-2-1055"><strong>READ: Chapter Three: Ang muling pag-uwi ni Devin sa asyenda Ventura</strong></a></div><div style="text-align:center"><br/></div><div style="text-align:center"><br/></div>

<p><i>PAGES Impostor: </i>Devin arrives at her family’s manor and is greeted by her unpleasant stepmother.</p>

PAGES Impostor: Devin arrives at her family’s manor and is greeted by her unpleasant stepmother.

“Impostor” Chapter Two: Kilalanin ang Pamilya Ventura | Part 3/3

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Two: Kilalanin ang Pamilya Ventura | Part 3/3

Martha Cecilia

Published Aug 15, 2025 11:22 AM PHT

|

Updated Aug 19, 2025 02:06 PM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.