Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><div><br/></div><div style="text-align:center"><strong>CHAPTER FOUR</strong></div><div><br/></div><p>“Sumampa ka na, Divina,” ganyak ni Tata Vener sa dalaga pagkatapos lagyan ng saddle ang kabayo.</p><p>“Sige na, hija. Mabait na kabayo iyang ibinigay sa iyo ni Vener. Hindi ka ihuhulog niyan,” susog naman ni Manuel sa anak.</p><p>Inikot ng dalaga ang tingin sa mga nasa paligid. Si Nana Lucing na nasa likod ng silyang de-gulong ni Manuel ay nagbabadya ng encouragement ang mukha. Nararamdaman niya ang paggitaw ng pawis sa noo at ang panlalamig ng buong katawan.</p><p>Pinuno muna niya ng hangin ang dibdib at sumampa sa kabayo. Nang nasa ibabaw na siya nito’y gustong manigas ng katawan subalit sige si Manuel sa paghikayat na kaya niya. Alanganin niyang tinapik nang marahan ang hayop na agad namang lumakad na ikinabigla pa niya. Nahihintakutang dinaklot niya ang renda. Isang tawa ang pinakawalan ni Manuel. “Nakita mo na, Divina? Kaya mong mangabayo tulad noong maliit ka pa lang. Sikapin mong paglabanan ang takot,” utos nito na ginawa naman ni Divina upang paluguran ang ama, pilit inaalis sa dibdib ang matinding takot at kaba.</p><p>Ang balak niya’y sa paligid-ligid lang ng bahay magpapaikot-ikot. Hindi niya magagawang patakbuhin ang kabayo. Paano kung ihulog siya niyon tulad ng nangyari sa kanyang mama?</p><p>Subalit sigaw ni Manuel ang nagpabago sa pasya niya. “Patakbuhin mo ang kabayo, hija!” nakatawang sigaw nito. “Ano ang silbi ng pangangabayo kung hanggang dito ka lang?” Hindi malaman ni Divina ang gagawin. Nasa mukha ng ama ang pagnanais na mapagtagumpayan niya ang phobia. Sa nakalipas na maraming mga taon ng buhay niya’y ngayon lamang sila naging malapit na mag-ama. Hindi niya gustong biguin ito.</p><p>Butil-butil ang pawis na sumungaw sa noo niya. Nanlalamig ang mga kamay niya at pinagpapawisan. Ganoon pa man ay marahan niyang pinatakbo ang kabayo palayo. Nauulinigan pa niya ang nagagalak na tawa ng ama. Bagaman natatakot pa rin ay nagagawa na niyang pakalmahin ang sarili. Hindi kailangang patakbuhin niya nang mabilis ang kabayo.</p><p>Hindi nagtagal ay nasa gitna na ng asyenda ang dalaga. Pinasyalan niya ang koprahan at natutuwang pinanood ang mga tauhan. Ang ibang matatanda na nasa asyenda’y nakilala siya at kumaway.</p><p>Hanggang sa makarating siya sa bahaging wala nang mga tauhang nagtatrabaho. Isang tao ang nahagip ng tanaw ng dalaga sa di-kalayuan. Nakakabayo at nakasunod ng tingin sa kanya bagaman hindi umaalis ng kinaroroonan.</p><p>Kinakabahang ibinalik ng dalaga ang kabayo sa pinanggalingan. Nang lumingon siya’y wala na roon ang tao. Napailing si Devin. Nagiging paranoid siya. Marahil ay isa lamang iyon sa mga tauhan ng asyenda at curious siyang pinanonood.</p><p>Pagdating sa malaking bahay ay kinalimutan na ng dalaga ang pangyayaring iyon. Pumanhik siya sa silid upang ibalita sa amang tuluyan nang nawala ang takot niya sa kabayo nang marinig niya ang malakas na tinig ni Stella.</p><p>“Dumating lang ang anak mo’y nakalimutan mo nang may asawa ka, Manuel!” Ang Tita Stella niya na nagpahinto sa kanya sa pagpasok sa silid ng ama. “Allowance ng bahay ang hinihingi ko sa iyo. Panggastos nating lahat!”</p><p>“Kung hindi ka nagiging maluho ay sobra-sobra ang allowance na ibinibigay ko sa iyo, Stella. Ganoon din sa anak mo. At wala akong pera, maintindihan mo sana...”</p><p>“Walang pera? Ngayon lang kita naringgang walang pera, Manuel. At imposible ang sinasabi mo.”</p><p>“Please, Stella, pagpasensiyahan mo na muna ako, maaari ba?” Nakikiusap ang tinig nito na tila hapong-hapo. Padabog na lumabas ng silid si Stella at pabagsak na isinara ang pinto sa likod nito. Nagulat pa ito nang mabungaran sa labas si Divina.</p><div style="text-align:center"><img src="https://od2-image-api.abs-cbn.com/prod/editorImage/1755222709483Pages-IMP-Chap4-1.png" style="width:700px" class="fr-fic fr-dib" alt="“Impostor” Chapter Four: Ang gabi ng aksidente ni Devin | Part 1/3"/></div><p>“Nakikinig ka ba sa usapan naming mag-asawa?” angil nito sa kanya. “Iyan ba ang natutuhan mo sa pribadong kolehiyo sa Maynila?”</p><p>“Hindi ko intensiyong makinig. May sasabihin sana ako sa Papa nang marinig ko ang boses mo.”</p><p>Matalim na humugot ng hininga si Stella at akmang tatalikuran na lamang si Devin nang magsalita ang dalaga.</p><p>“Gusto kong itanong sa iyo kang bakit suot mo ang kuwintas ng Lola kahapong dumating ako rito, Tita Stella.” Nahinto sa paghakbang ang babae at alanganing lumingon. “Ibinigay ba sa iyo ng Papa iyon?”</p><p>“Ibinigay ng papa mo sa akin ang kuwintas, Divina,” angil ng babae. “Hindi ko isusuot kung hindi. Kung gusto mo’y itanong mo sa iyong ama!” Pagkasabi niyo’y galit na tumalikod ang babae. Hindi kailangang sabihin kay Divina na pinilit niya si Manuel na isuot iyon. Kung maaari nga lang niyang ipagbili ang antigong alahas ay ginawa na niya.</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/16/-impostor-chapter-three-ang-muling-pag-uwi-ni-devin-sa-asyenda-ventura-part-1-2-1055"><strong>Chapter Three &lt;&lt;&lt; PREVIOUS<br/></strong></a></div><div style="text-align:center"><a href="https://www.abs-cbn.com/entertainment/studios/tv/2025/8/16/-impostor-chapter-four-ang-gabi-ng-aksidente-ni-devin-part-2-3-1128"><strong>NEXT&gt;&gt;&gt; Chapter Four: Part 2 of 3</strong></a><strong><br/></strong></div><div style="text-align:center"><br/></div><div style="text-align:center"><br/></div>

<p>PAGES Impostor: Devin learns her father has no money and then has another unwelcome visitor at night.</p>

PAGES Impostor: Devin learns her father has no money and then has another unwelcome visitor at night.

“Impostor” Chapter Four: Ang gabi ng aksidente ni Devin | Part 1/3

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Four: Ang gabi ng aksidente ni Devin | Part 1/3

Martha Cecilia

Published Aug 17, 2025 11:00 AM PHT

|

Updated Aug 19, 2025 11:49 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.