Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><p>“HAH!” Si Devin na ibinuka ang bibig upang punuin ng hangin ang dibdib. Tila kinakapos ng hininga sa bahaging iyon ng alaala. Gusto niyang kumilos subalit ayaw sumunod ng mga bahagi ng katawan niyang nakabalot ng benda.</p><p>Bumukas ang pinto at pumasok ang isang doktor na kasunod ang nurse na nanggaling sa kanya kanina. Nakita ng mga ito ang pagtaas-baba ng dibdib niya at ang pagsisikap niyang habulin ang hininga.</p><p>“Nurse, check her heartbeat,” mabilis na utos ng doktor na agad na sinunod ng nurse. Ilang sandali pa’y abala na ang mga ito sa kanya.</p><p>“How are you, Mrs. Florencio?” banayad na tanong ng doktor nang bumalik sa normal ang paghinga niya. “Alam naming isang trauma para sa inyo ang nangyari. Pero ipanatag mo ang loob mo. Everything will be all right. You are now out of danger and soon on your way to America.” ngumiti ang doktor.</p><div style="text-align:center"><img src="https://od2-image-api.abs-cbn.com/prod/editorImage/1755223415505Pages-IMP-Chap4-3.png" style="width:700px" class="fr-fic fr-dib" alt="“Impostor” Chapter Four: Ang gabi ng aksidente ni Devin | Part 3/3"/></div><p>Gusto niyang magsalita pero walang tinig na lumabas sa lalamunan niya maliban sa ungol.</p><p>“That’s okay,” patuloy ng doktor. “Sa simula’y ganyan. There’s nothing wrong with your voice. When you come back, you will be as good as new, Mrs. Florencio.”</p><p>Pagkatapos ng ilang checkup pa ay lumabas na ang doktor kasunod ang nurse. Si Devin ay nanatiling nakatitig sa kisame. Pakiramdam niya sa sarili ay isa siyang egyptian mummy. At gulong-gulo ang isip niya. She was mistaken for another woman and somebody wanted her dead.</p><p>Sino ang may gustong patayin siya? Si Delio ba? Si Stella? Pero ano ang motibo ng mag-ina? Hindi niya nauunawaan ang lahat ng ito. At ang papa niya, hindi kaya pinagtangkaan din ang buhay nito ng taong nagtangka sa buhay niya?</p><p>Ang sabi ni Nana Lucing ay hindi nila nalamang may sakit si Manuel. Unti-unti ang naging panghihina nito. At nitong nakaraang mga buwan ay malimit mag-away ang mag-asawa. At malimit na magalit si Manuel kay Delio dahil sa walang katuturang paglulustay ng salapi.</p><p>Lumong-lumo si Divina. May luhang umagos sa mga mata patungo sa mga benda niya sa mukha. Hindi niya alam kung may nangyari sa ama niya. At heto siya at pinagkakamalang si Mrs. Mariz Florencio.</p><p>Sino si Mariz Florencio?</p><div><br/></div><p>SA ARAW na umalis ng Pilipinas si Devin kasama si Jason ay nakapagsasalita na siya. Wala na rin ang mga benda niya sa katawan. Ang tanging natitira ay ang benda niya sa mukha.</p><p>Sa isang pribadong bahagi ng eroplano ay naroon sila ni Jason.</p><p>“Aren’t you going to say something?” ani Jason sa kanya in a mocking tone. “You’ve been very quiet for hours which is very unusual. Wala namang diperensiya ang dila mo, `di ba?”</p><p>“W-what do you want me to say?” she croaked. Kinabahang mahalata ng lalaki na hindi nito asawa ang kasama. At ipinagtataka niya ang paraan ng pakikipag-usap ni Jason kay Mariz. Bakit hatred ang nararamdaman niya mula rito?</p><p>“What do I want you to say?” Bahagyang nanlaki ang mga mata ng lalaki kasabay ng pagtawa. “How odd, Mariz. Ngayon ka lang yata nawalan ng sasabihin. Ganoon ba ang naging epekto ng aksidente sa iyo?”</p><p>“I-I’m tired, J-Jason... and... scared.” totoo ang sinabi niya. Natatakot siya sa napakaraming mga isipin at pangyayari. Natatakot siyang malaman ni Jason bago pa matapos ang surgery na hindi siya si Mariz. Kinatatakutan niya ang surgical procedures sa mukha niya. At kinatatakutan niya ang pagkatapos. Paano kung malaman ni Jason na hindi siya ang asawa nito?</p><p>Tumikhim si Jason. “Of course. No matter what, I don’t want you to think of me as inconsiderate. Nauunawaan ko ang nararamdaman mo, Mariz,” sagot nito na nag-iba ang tono ng boses mula sa panunuya patungo sa pormalidad na tila siya isang business associate kaysa asawa. “At obligasyon kong nasa tabi mo sa lahat ng sandali hanggang sa matapos ang operasyon.”</p><p>“T-thank you, Jason...”</p><p>Napalingon ang lalaki sa kanya na nagsasalubong ang mga kilay sa pagpapasalamat niya, nagtataka sa politeness ng tinig niya. Wala sa loob na ginagap ang kamay ni Devin na nabigla kaya napakislot at marahas na binawi ang kamay.</p><p>Tumiim ang mukha ng lalaki. “You don’t have to do that. I intended to hold your hand para maalis ang takot mo. A natural human behaviour, Mariz. No more, no less,” galit nitong sinabi. “I… I am sorry. I didn’t mean to offend you pero nagulat ako. Please, huwag mong bibigyan ng maraming kahulugan ang mga ikinikilos ko. W-wala pa ako sa sarili ko...”</p><p>Lumalim ang kunot sa noo ng lalaki. Pagkatapos ay bumuntong-hininga. Traumatic ang dinanas ng asawa at natural lamang na mag-iba ito sa pananalita at kilos. Iyon naman ang dapat asahan at ipinaliwanag ng doktor iyon. Isang buntong- hininga uli ang pinakawalan nito at muling nagsalita.</p><p>“Gusto ko ring samantalahin ang pagkakataong ito para sabihin sa iyong habang nasa Amerika tayo ay lalakarin ko ang divorce nating dalawa, Mariz. Anyway, we were married there three years ago...”</p><p>“Divorce?” Gulat na napalingon ang dalaga rito pagkatapos ay muli ring binawi ang paningin.</p><p>Gusto niyang titigan si Jason pero natatakot siyang gawin. Sa mga pagkakataong dumadalaw ito’y iniiwasan niyang mapatitig sa mukha nito. Natatakot siyang baka makita sa mga mata niya ang katotohanan ng tunay niyang pagkatao.</p><p>“Bakit parang nagulat ka? Hindi mo inaasahang gugustuhin kong manatili tayong mag-asawa pagkatapos ng ginawa mo, Mariz?”</p><p>Hindi sumagot si Devin at luminga sa munting bintana sa labas ng eroplano. Ano ang ginawa ni Mariz Florencio rito? Bakit siya ididiborsiyo nito?</p><p>Sa sulok ng mga mata niya’y alam niyang mataman siyang tinititigan ni Jason. At bagaman mga mata, butas ng ilong at bibig lang niya ang nakalitaw ay hindi niya maalis na isiping nakikita nito ang totoong siya, which was very foolish.</p><p>“Alam mong hindi ka mabuting asawa at ina, Mariz. Ang tanging dahilan at umabot pa ng ganito katagal ang pagsasama natin ay dahil kay Joshua. I was thinking na isa sa mga araw na ito’y magbabago ka.” she shivered a little sa coldness at galit sa tinig ni Jason bagaman hindi para sa kanya iyon kundi para sa tunay na Mariz. “But you never did. Lumala ka pa kaysa sa dati. Nagbingi-bingihan ako sa tsismis na dumarating sa akin.” nagtagis ang mga bagang nito at sa wari ay naririnig iyon ng dalaga.</p><p>“Jason...”</p><p>“No. Don’t say you’re sorry, Mariz. I will never forgive you this time.” his voice was cruel and firm. “Aayusin ko ang divorce natin sa panahong nasa Amerika tayo. At marahil ay ipadadala na ng abogado sa akin sa Pilipinas ang divorce papers.”</p><p>Hindi sumagot si Devin. Ano ang sasabihin niya? Ni hindi niya naiintindihan ang mga sinasabi nito. Hindi niya alam kung ano ang ikinagagalit ni Jason Florencio sa asawa nito. And anyway, pabor sa kanya iyon kung sakaling idiborsiyo siya nito bilang si Mariz Florencio. Hindi siya mahihirapang makisama rito at patuloy na magkunwaring si Mariz.</p><p>Umaayon sa kanya ang mga pagkakataon. </p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/18/-impostor-chapter-five-devin-inangkin-ang-buhay-ni-mariz-florencio-part-1-2-1054"><strong>READ: Chapter Five: Devin, inangkin ang buhay ni Mariz Florencio</strong></a></div><div style="text-align:center"><br/></div><div style="text-align:center"><br/></div>

<p>PAGES Impostor: Devin flies to America with Jason where she will undergo life-changing plastic surgery.</p>

PAGES Impostor: Devin flies to America with Jason where she will undergo life-changing plastic surgery.

“Impostor” Chapter Four: Ang gabi ng aksidente ni Devin | Part 3/3

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Impostor” Chapter Four: Ang gabi ng aksidente ni Devin | Part 3/3

Martha Cecilia

Published August 17, 2025 11:10 AM PHT

|

Updated August 20, 2025 11:58 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.