Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><div><br/></div><div style="text-align:center"><strong>CHAPTER THREE</strong></div><div style="text-align:center"><br/></div><p>“So, it’s little Divina!”</p><p>Nahinto sa paghakbang sa pasilyo ang dalaga sa lalaking nasa harap niya. “D-Delio?”</p><p>“But of course,” nakangising wika ng lalaki. “Sino pa ba?”</p><p>Sandaling napatanga ang dalaga. Hindi niya akalaing magandang lalaki ang stepbrother. He had grown into a handsome man. Si Delio ay hinagod ng tingin ang kabuuan niya at malisyosong ngumisi.</p><p>“You haven’t changed except that you filled at the right places, Divina. Why, I couldn’t believe na ang sexy mo pala...” Pinamulahan ng mukha ang dalaga. Sa kauna-unahang pagkakataon sa buhay niya’y may lalaking lantarang pumuri sa kanya.</p><p>“Huwag lang titingin sa mukha mo ang sino man, anyone could mistake you for a beauty queen...” patuloy ni Delio na nagpabalik sa tamang pag-iisip ng dalaga. How stupid of her na sa isang saglit ay naisip na pinuri na siya ng lalaking ito.</p><p>“And you haven’t changed either, Delio. Bastos ka pa rin.” Binilisan niya ang lakad at nilampasan ito. Nakakadalawang hakbang pa lamang siya nang hawakan siya sa braso ng binata.</p><p>“Hey, not so fast...”</p><p>Nanlaki ang mga mata ng dalaga. Sa kauna-unahang pagkakataon uli sa buhay niya ay may dumantay na lalaki sa balat niya. She tried to control her gasp.</p><p>“B-bitiwan… mo ako...”</p><p>Ngumisi si Delio. “Tsk, tsk... I can see na sa tagal ng paninirahan mo sa Maynila ay walang lalaking nagkamaling pumatol sa iyo, Divina. Mukhang ngayon ka pa lang nahawakan ng opposite sex. And I can feel the excitement in your blood...” naningkit ang mga mata ni Divina at bago pa nakaiwas ang lalaki ay isang sampal ang dumapo sa pisngi nito.</p><p>“Why, you bitch!” gulat na sambit ng lalaki na dinama ang pisngi. Akmang hahawakang muli si Divina subalit mabilis na itong nakalayo at bumaba ng hagdan.</p><p>“Calm down, Delio.” si Stella na sumungaw mula sa isang silid. “Pati ba naman ang babaeng iyon ay gusto mong patulan?” Kumalma si Delio na hawak-hawak pa rin ang nasaktang pisngi. “Kauna-unahang babaeng sumampal sa akin at pangit pa!”</p><p>“Leave her,” patuloy ni Stella. “May mas mahalagang bagay na dapat gawin. At huwag mo siyang pag-interesan. You have plenty of women para ang isang tulad niya’y pag-aksayahan mo ng panahon.”</p><p>“You’re right, Mom. Pero hindi mo ba napansin? The girl is sexy. Makinis ang pinong kutis at higit sa lahat, a virgin still. I’ll bet on that.” ngumisi ito sa malisyosong paraan. “And you know me, Mom. I like `em innocent...”</p><p>“And leave `em,” sarkastikong dugtong ni Stella. Tumawa nang malakas si Delio. “Paano mo papatulan si Divina sa dinami- rami ng girlfriend mong magaganda?”</p><p>“In the dark, I won’t be able to see her face.” at muling tumawa ang lalaki.</p><p>Nagsalubong ang mga kilay ni Stella. “Pumasok ka rito at may pag-uusapan tayo.” Muli itong bumalik sa silid kasunod ang anak.</p><div><br/></div><p>“PARATI kong nililinis ang silid mong ito, Devin.” si Nana Lucing na inalis ang bedcover. “At itinago kong lahat ang mga laruan mong ibinili sa iyo ng Senyora Agueda.”</p><p>Matamis na ngumiti ang dalaga. “Marami pong salamat, Nana Lucing. At lalo po akong nagpapasalamat sa pananatili ninyo sa bahay na ito kasama ng Papa sa kabila ng iba na ang pamilya niya.”</p><p>Bumuntong-hininga ang matanda. “Naipangako ko sa yumaong Senyora Agueda na hindi kami aalis dito, Devin.” bumahid ang lungkot sa tinig nito, itinaas ang kimona at nagpahid ng mga mata. “Nitong nakaraang mga taon ay naisip kong patayuan na ng bahay ang kapirasong lupang ibinigay sa amin ng lolo at lola mo noong nabubuhay pa ang mga ito ”</p><div style="text-align:center"><img src="https://od2-image-api.abs-cbn.com/prod/editorImage/1755053332118Pages-IMP-Chap3-1.png" style="width:700px" class="fr-fic fr-dib" alt="“Impostor” Chapter 3: Ang muling pag-uwi ni Devin sa asyenda Ventura | Part 1/2"/></div><p>“Bakit po hindi ninyo ginawa? Matatanda na kayo ng Tata Vener at hindi na dapat nagtatrabaho. Tutal naman ay pagkakalooban kayo ng Papa ng pension.”</p><p>“Kasama sa ipinapangako sa amin ni Senyora Agueda ang hindi ka iwan, Devin. At nang umalis ka’y naisip kong umalis na rin kaming mag-asawa, lalo na at may ilang taon nang hindi ka naman umuuwi. Pero ang sabi ni Vener ay babalik ka pagdating ng takdang-panahon… at ikaw na ang magiging panginoon ng buong asyenda.”</p><p>Banayad na natawa ang dalaga. “Salamat po nang marami sa mga pagtingin ninyo sa akin, Nana. Pero hindi po ako ang panginoon ng asyendang ito kundi ang Papa  ” napalingon ang dalaga at si Nana Lucing sa tikhim na nagmumula sa pinto. “Papa!”</p><p>“Ibinigay pala sa iyo ni Lucing ang luma mong silid, Divina,” wika ni Manuel na marahang pinagulong ang wheelchair sa loob ng silid. “Hindi ba maliit na ito para sa iyo, anak?” Sinulyapan nito si Lucing na magalang namang lumabas ng silid.</p><p>“Papa, hindi ba makasasama sa iyo ang lumabas ng silid? Bakit hindi ninyo tinawag ang Tita Stella o `di kaya ay si Delio?” Tumayo ang dalaga at siya na mismo ang nagtulak sa wheelchair ng ama.</p><p>Tumiim ang mukha ni Manuel. “Huwag mo ngang mabanggit-banggit sa akin ang lalaking iyon na wala nang ginawa kundi ang manghingi ng salapi,” galit na sagot ni Manuel. “Si Stella naman ay parating nasa bayan at nakikipagsosyalan sa mga kaibigan at kakilala.”</p><p>Isang buntong-hininga ang pinakawalan ng dalaga. Hindi kailangang sabihin sa ama na nakita niya sa leeg ni Stella ang choker ng Lola Agueda niya. Makasasama lamang iyon sa kalagayan ng ama.</p><p>“Bukas, hija, ay sasamahan kitang mamasyal sa buong asyenda,” masiglang wika ni Manuel. “Siguro naman ay hindi mo pa nakakalimutan ang pangangabayo, hija?”</p><p>Hindi agad nakakibo ang dalaga. Apat na taon pa lamang siya’y pinaturuan na siyang mangabayo ni Donya Agueda at sa pagsapit niya sa edad sampu ay isa na siyang magaling na horsewoman. Subalit nang mamatay sa aksidente si Lira ay iniwasan na niyang sumakay uli sa kabayo.</p><p>“O, ano, hija? Anong oras kita ipagigising kay Lucing?” “Kung anong oras ninyo gusto, Papa,” sagot niya sa pilit na pinasiglang tinig. Nagkaroon siya ng phobia sa pangangabayo mula noon pero hindi niya gustong biguin ang pagnanais ng ama na magkasama sila na hindi nito ginagawa noong araw. Gusto niyang bawiin ang mga panahong hindi sila magkasama. “Pero hindi ba makasasama sa inyo iyon?”</p><p>“Manonood lamang ako, hija, sakay ng pesteng wheelchair na ito.” naiiritang niyuko nito ang silyang de-gulong. “At sa simula nama’y hindi mo gugustuhing lumayo muna, `di ba?”</p><div><br/></div><div><br/></div><div style="text-align:center"><strong></strong><a href="https://www.abs-cbn.com/entertainment/studios/tv/2025/8/15/-impostor-chapter-two-kilalanin-ang-pamilya-ventura-part-1-3-1114"><strong>Chapter Two &lt;&lt;&lt; PREVIOUS</strong></a></div><div style="text-align:center"><a href="https://www.abs-cbn.com/entertainment/studios/tv/2025/8/16/-impostor-chapter-three-ang-muling-pag-uwi-ni-devin-sa-asyenda-ventura-part-2-2-1052"><strong>NEXT &gt;&gt;&gt; Chapter Three: Part 2 of 2<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Impostor: Devin settles at the manor and has an unsavory reunion with her stepbrother.</p>

PAGES Impostor: Devin settles at the manor and has an unsavory reunion with her stepbrother.

“Impostor” Chapter Three: Ang muling pag-uwi ni Devin sa asyenda Ventura | Part 1/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Three: Ang muling pag-uwi ni Devin sa asyenda Ventura | Part 1/2

Martha Cecilia

Published Aug 16, 2025 11:00 AM PHT

|

Updated Aug 18, 2025 11:34 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.