Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><div><br/></div><div style="text-align:center"><strong>CHAPTER FIVE</strong></div><div><br/></div><p>Hanggang sa mga sandaling iyon ay hindi pa rin makapaniwala si Devin sa mukha niya. Kung ilang ulit niyang pinagmasdan ang sarili sa salamin. Ito ang ikalawang araw mula nang maalis ang benda sa mukha niya at hindi niya pinagsasawaang masdan ang bagong mukha.</p><div style="text-align:center"><img src="https://od2-image-api.abs-cbn.com/prod/editorImage/1755485632588Pages-IMP-Chap5-1.png" style="width:700px" class="fr-fic fr-dib" alt="“Impostor” Chapter Five: Devin, inangkin ang buhay ni Mariz Florencio | Part 1/2"/></div><p>Mariz Florencio was a very beautiful woman! One of the most beautiful faces na nakita niya sa buong buhay niya. At hindi siya makapaniwalang kanya na ang mukhang iyon! Gusto niyang humiyaw sa matinding galak. Isa na siyang magandang babae. Hindi lang basta maganda, napakaganda! Tuluyang pinaglaho ng aksidente at hindi sinasadyang pagkakamali ang pangit niyang mukha.</p><p>Isang tikhim mula sa pinto ang nagpapitlag at nagpalingon sa kanya. “And I thought the accident have changed you since you showed so many strange attitudes,” ani Jason na tumaas ang isang sulok ng bibig sa pauyam na ngiti.</p><p>“G-ginulat mo ako.” may banayad na akusasyon sa tinig niya.</p><p>“You’re still as vain as ever,” patuloy nito na lumapit at hinawakan siya sa baba at itinaas ang mukha. Bahagyang nanlaki ang mga mata niya. Jason was so close and his hand on her chin made her shiver a little. “Mahusay ang doktor mo, Mariz. Higit ka pang gumanda kaysa sa dati. At sa tingin ko pa nga ay bumata ka. Why, you’re already twenty-nine but you look twenty right now.”</p><p>She tried to control her gasp. Nakadama agad ng guilt. Bakit ba, eh, twenty-one lang siya weeks from now.</p><p>“Iyon ang dahilan k-kaya tinititigan ko ang sarili ko sa salamin. I–I seemed to look younger...” naisip niyang sang- ayunan ito. Tumawa si Jason at binitiwan ang baba niya. Nakatangang sinundan niya ng tingin ang lalaki.</p><p>Ito ang ikalawang pagkakataong tinitigan niya nang husto si Jason. Ang una ay kahapon, pagkaalis ng benda niya. Jason was tall, almost six feet, nasa mid-thirties. His broad frame was sheathed in a very expensive Armani shirt. And this rich businessman was strikingly handsome. Higit sa lahat, he was also her husband, bilang si Mariz Florencio.</p><p>And his total effect on her was mesmerizing.</p><p>Si Jason ay nagsalubong ang mga kilay sa pagkakatitig na iyon ni Devin sa kanya na para bang noon lang siya nakita nito. Hindi lang iyon, may napupuna siyang iba kay Mariz na hindi naman niya matukoy. Oh, yes, she was thinner. At hindi nakapagtataka iyon dahil sa dinanas na aksidente.</p><p>Yet there was something different about the way she moved. Even as simple as turning her head and the simple sway of her body was sensuous and alluring.</p><p>Of course, ang isip niya. Mariz is sexy and alluring. Pero aral ang paraan ng pagkilos ng asawa niya. At hindi iyon ang nakikita niya sa asawa ngayon. Parang natural ang pagiging seductive nito.</p><p>Cut it off, Florencio! saway ni Jason sa sarili. You’ve been married to this woman for three years at ngayon ka pa ba makakakita ng iba dito? At sa paraang sexual pa. Well, marahil dahil may kung ilang panahon ka nang nagsisikil sa sarili. That must be the reason. How long had it been since you last took a woman to your bed? Six months? Seven... or a year? And you have stopped long ago your sexual obligations to her.</p><p>Itinaas ni Jason ang mga mata sa mukha ni Devin and she unconsciously licked her lips sa tensiyong nararamdaman sa pagkakatitig na iyon ni Jason sa kanya. And Jason took a sharp intake of breath at the sensual gesture.</p><p>“Where do you want us to have lunch?” Hinaluan nito ng galit ang tinig upang maalis ang kung ano-anong pumapasok sa isip para sa asawa.</p><p>“W-wala akong alam na—” Devin stopped in time. “Wala akong maisip. You suggest the place,” idinugtong niya at umiwas ng tingin. Lumakad patungo sa kama at umupo sa gilid niyon. Hindi niya alam kung paano kumilos sa harap ni Jason. Ni hindi niya alam kung paano kumilos ang tunay na Mariz sa harap ng lalaking ito.</p><p>“What is it with you, Mariz?” galit na baling ni Jason dito. “Cut the coyness. Masyado ka nang nakakapanibago. Ayusin mo ang sarili mo. In ten minutes ay bumaba tayo ng hotel.” iyon lang at tumalikod na ang lalaki.</p><div><br/></div><p>SA RESTAURANT sa ibaba ng hotel ay hinayaan ni Devin na si Jason ang um-order ng pagkain para sa kanila. Muli ay nagtaka si Jason, ganoon pa may ay nagsawalang-kibo. Bago ang meal ay humingi muna ng dalawang shot ng brandy ang lalaki.</p><p>Ilang sandali pa’y ibinababa na ng waiter ang dalawang kopita sa harap ng dalawa.</p><p>“Huwag mong titigan ang brandy, Mariz,” puna nito sa kanya. Itinaas ang sariling kopita. “Let’s toast to your brand-new face.” sarkastikong ngumiti ito. Napilitan si Mariz na itaas ang sariling kopita at salubungin ang kristal ni Jason.</p><p>“C-cheers.” at parehong dinala ng dalawa sa bibig ang alak. Jason took one swallow. Si Devin ay ganoon din ang ginawa subalit hindi pa siya nakapangangalahati ay dinalahit na ng ubo. “Hey.” nagsasalubong ang mga kilay ni Jason na tinitigan ang dalaga. “What’s the matter with you? Parang ngayon ka lang uminom ng alak.” instinctively, hinaplos ni Jason ang likod niya.</p><p>Halos maluha na siya at ibinaba ang kopita sa mesa. Sa kauna-unahang pagkakataon sa buhay niya’y nasayaran ang lalamunan niya ng alak at normal lamang na masamid siya sa deretso niyang pag-inom. Sa pagitan ng pagkasamid, she was totally aware of Jason’s hand on her back. At hindi niya madesisyunan kung ano ang unang mararamdaman. Ang mainit na kamay ni Jason sa humahaplos sa likod niya o ang matinding init sa lalamunan.</p><p>“I… I am s-sorry, Jason. S-sadya lang akong nasamid,” kaila niya.</p><p>Hindi na kumibo ang lalaki at mataman siyang tinitigan. May kung anong damdamin ang napukaw rito sa pagdaiti ng kamay sa likod ng asawa. Sinikap ni Devin na huwag mailang. Muling dinala sa bibig ang kopita ng alak and sipped it slowly para ipakita kay Jason na talagang nasamid lang siya. Bagaman hindi gustong tanggapin ng lalamunan ang brandy and she almost choked again ay sinikap niyang hindi ipahalata iyon.</p><p>Nagpasalamat siya nang dumating ang meal nila at doon niya ibinuhos ang atensiyon.</p><p>“Hindi ka ba kinakabahang bumalik sa dati ang katawan mo?” ani Jason makalipas ang ilang sandali.</p><p>“A-ano?” Naguguluhang nag-angat siya ng mukha.</p><p>Paismid na tumawa si Jason. “Ang tagal mong inasam na mangayayat ka nang ganyan. Hindi nga ba at kulang na lang ay magka-anorexia nervosa ka dahil sa hindi pagkain? Ano’t halos maubos mo ang pagkain mo ngayon?”</p><p>Wala sa loob na biglang naitulak ni Devin ang plato palayo sa harap niya na tila ahas ang nasa plato. “I-I… m-malaki ang epekto ng aksidente sa appetite ko. I just feel like eating...”</p><p>Hindi na kumibo si Jason at nagkibit ng mga balikat. Si Devin ay malalim na nag-iisip. Bakit tila kaaway ang turing ni Jason kay Mariz sa halip na asawa?</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/16/-impostor-chapter-four-ang-gabi-ng-aksidente-ni-devin-part-1-3-1126"><strong>Chapter Four &lt;&lt;&lt; PREVIOUS<br/></strong></a></div><div style="text-align:center"><a href="https://www.abs-cbn.com/entertainment/studios/tv/2025/8/18/-impostor-chapter-five-devin-inangkin-ang-buhay-ni-mariz-florencio-part-2-2-1105"><strong>NEXT&gt;&gt;&gt; Chapter Five: Part 2 of 2<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Impostor: Devin erases her old identity and begins to live as Mariz Florencio.</p>

PAGES Impostor: Devin erases her old identity and begins to live as Mariz Florencio.

“Impostor” Chapter Five: Devin, inangkin ang buhay ni Mariz Florencio | Part 1/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Five: Devin, inangkin ang buhay ni Mariz Florencio | Part 1/2

Martha Cecilia

Published Aug 18, 2025 11:00 AM PHT

|

Updated Aug 20, 2025 11:56 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.