Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><p>Sa likod ng isip niya’y naroon ang pag-asam na sana’y matapos na ang divorce nila. Hindi siya tatagal sa ganoong tensiyon, laging nanghuhula kung tama ang kilos o hindi. Laging natatakot na baka malaman ni Jason na hindi siya ang asawa nito. “Mamili ka na kung ano ang gusto mong bilhin dito. Uuwi tayo sa Maynila sa makalawa pagkatapos nating pirmahan ang mga kakailanganing papeles para sa diborsiyo,” wika ng lalaki na nakapag-angat muli ng mukha niya rito. “U-uuwi na tayo?”</p><p>“Alam kong gusto mo rito sa Amerika, Mariz, pero marami akong trabaho sa opisina. Bukas ay dadalhin sa atin ng abogado ang mga papeles na pipirmahan mo. At pagkatapos ng proceedings ay ipapadala iyon ng abogado sa atin sa Pilipinas.” Hindi kumibo si Devin bagaman sunod-sunod ang kabog ng dibdib. Pagkatapos kumain ay inihatid lamang siya ni Jason sa elevator at nagpaalam na may kakausaping tao. Ipinagpasalamat niya iyon at mabilis na nagbalik sa suite nilang mag-asawa.</p><p>Nagmamadaling hinalungkat niya ang mga drawer para sa passport nilang dalawa. Nakahinga siya nang maluwag nang makita iyon kasama ng mga gamit ni Jason. Mabilis niyang dinampot ang sariling passport at pinakatitigan ang pirma ni Mariz doon.</p><p>Nagmamadaling kumuha siya ng ball pen at papel. Painstakingly ay pinag-aralan niyang gayahin ang pirma ni Mariz.</p><p>“Oh!” napapailing niyang ungol. Nahihirapan siyang ma-perfect ang pirma ni Mariz. “I am sorry about this, Mariz. I really am. I am sorry that you died at buhay ako. I am also sorry that I took your place. Higit sa lahat ay ang mukha mo...” she whispered wearily kasama na ang pagbangon ng guilt sa dibdib. May tatlumpung minuto siyang halos mangawit sa pagsisikap na maihawig man lamang ang pirma sa nasa passport. Nang sumapit ang gabi at wala pa rin si Jason ay lakas-loob siyang bumalik sa restaurant sa ibaba ng hotel at kumaing mag- isa. Pagkatapos ay muli ring bumalik sa suite nila, naligo, at mula sa mga gamit ni Mariz ay pumili ng maisusuot.</p><p>Ito ang ikalawang gabing nakakawala siya sa hospital robe at ikalawang gabi ring nahihirapan siyang pumili mula sa mga pantulog ni Mariz. Lahat ay pawang mga mamahaling negligee sa naggagandahang kulay subalit wala namang halos natatakpan sa katawan.</p><p>Totoong malaki ang suite na iyon at may malaking en suite sa labas ng main suite at doon natutulog si Jason. Ganoon pa man ay naiilang siyang isuot ang maninipis na pantulog pero wala siyang choice. Isang kulay-aquamarine na negligee ang hinugot niya. Bago isinuot ay humarap muna siya sa salamin, wearing only her bikini panties. Sinipat ang sarili.</p><p>At sa kauna-unahang pagkakataon ay natutuhan niyang papurihan ang sariling katawan.</p><p>“Ako nga ba ang nasa harap ng salaming iyan?” bulong niya kasabay ng paglitaw ng ngiti sa mga labi. “Mayroon ba talaga akong ganito kagandang katawan? Or I just didn’t realize it before dahil sa pangit kong mukha?”</p><p>Nasa ganoon siyang ayos nang bumukas ang pinto sa main suite at sumungaw si Jason. Na bukod sa kanya’y nabigla rin sa nabungaran. Mabilis niyang itinabing sa katawan ang manipis na negligee.</p><p>“H-hindi ka k-kumatok...” akusa niya. Her eyes in slits sa pinaghalong hiya at galit.</p><div style="text-align:center"><img src="https://od2-image-api.abs-cbn.com/prod/editorImage/1755485820348Pages-IMP-Chap5-2.png" style="width:700px" class="fr-fic fr-dib" alt="“Impostor” Chapter Five: Devin, inangkin ang buhay ni Mariz Florencio | Part 2/2"/></div><p>Si Jason ay hindi agad nakapagsalita. Ilang sandali munang hinagod ng tingin ang katawan niyang hindi rin naman natakpan nang husto ng manipis na negligee.</p><p>“Kailan ka pa nagkaganyan, Mariz?” wika nito sa nagsasalubong na mga kilay. Torn between arousal at the sight of his wife’s naked body and irritation dahil sa tila demure na paggawi nito. Higit sa lahat ay galit sa sarili dahil naaapektuhan ito sa nudity ng asawa.</p><p>He couldn’t remember the last time na nakadama ito ng arousal kay Mariz. Tila napakatagal na rin ng panahong iyon.</p><p>“Funny, pero hindi ba’t lagi mong ipinagduduldulan sa akin ang katawan mo sa kabila ng ipinagagamit mo rin iyan kay Julio!” singhal nito sa galit at nanunuyang tono.</p><p>And he was so angry na hindi nito narinig at napuna ang marahas na pagsinghap ni Devin kasabay ng paglipad ng tingin niya rito. At nang lingunin siya ni Jason ay nanatiling nanlalaki ang mga mata niya.</p><p>“Oh, yes!” patuloy nito na na-misinterpret ang ekspresyon ng mukha niya. “Buong akala ninyo’y hindi ko alam ang ginagawa ninyo sa likod ko? You took me for a fool, Mariz! Matagal ko nang alam ang relasyon ninyo ng aking matalik na kaibigan at business associate. At nang araw na maaksidente kayo’y patungo kayo sa rest house ko sa Sta. Clara upang muling maglunoy sa kasalanan!”</p><p>Nanatiling nakatanga si Devin sa pagkakatitig sa galit na lalaki. Mariz and Julio were lovers! Hundreds of thoughts were playing in her mind. Kumislap sa isip ang anyo ni Julio. yes, he was attractive. But Jason was twice as much. At hindi siya makapaniwalang nagawang pagtaksilan ni Mariz ang asawa.</p><p>“And stop playing games with me!” patuloy ni Jason. “Hindi ko kakagatin ang demure act mo. Naka-file na ang divorce natin sa ayaw at sa gusto mo. At huwag kang mag- alala, makakatanggap ka ng malaking halaga mula sa akin. Sobra-sobra sa inaasahan mo. At ibibigay ko rin sa iyo ang lupa at ang rest house sa Sta. Clara. Hindi ko maitutuntong ang paa ko roon nang hindi maiisip ang mga kataksilan ninyong dalawa ni Julio!”</p><p>“J-Jason...” ang tanging naiusal niya subalit mabilis na nakatalikod si Jason at pabagsak na isinara ang pinto.</p><p>Nanlumong napaupo sa stool ng tokador si Devin, hindi alam kung ano ang iisipin at gagawin. May kung anong dumaklot sa sikmura niya. Lover ni Mariz si Julio. And both were dead. At siya, bilang si Mariz ang tumatanggap ngayon ng matinding pagkamuhi mula kay Jason.</p><p>Ano ang gagawin niya?</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/19/-impostor-chapter-six-jason-nagsimulang-mapansin-ang-mga-pagbabago-kay-mariz-part-1-2-1120"><strong>READ: Chapter Six: Jason, nagsimulang mapansin ang mga pagbabago kay Mariz</strong></a></div><div style="text-align:center"><br/></div><div style="text-align:center"><br/></div>

<p>PAGES Impostor: Devin learns about Mariz’s affair and Jason’s plan to file for divorce.</p>

PAGES Impostor: Devin learns about Mariz’s affair and Jason’s plan to file for divorce.

“Impostor” Chapter Five: Devin, inangkin ang buhay ni Mariz Florencio | Part 2/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Five: Devin, inangkin ang buhay ni Mariz Florencio | Part 2/2

Martha Cecilia

Published Aug 18, 2025 11:05 AM PHT

|

Updated Aug 21, 2025 11:49 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.