Paul Christian Ocampo

Jason, sinundan si Devin sa asyenda Ventura! | Part 1/2

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><div><br/></div><div style="text-align:center"><strong>CHAPTER ELEVEN</strong></div><div><br/></div><p>Ikatlong araw ni Devin sa asyenda at apat na araw na lang ay beinte-uno na siya. At walang kahit na anong palatandaan mayroon ang paligid upang malaman niya kung sino ang maaaring nagtangkang pumatay sa kanya.</p><p>Nang hapong iyon na pauwi sila ni Delio galing ng pamamasyal ay sunod-sunod ang kaba ng dibdib niya nang makita ang pamilyar na sasakyang nakaparada sa harap ng bahay katabi ng pickup nila.</p><p>“Land Cruiser. May bisita ba tayo?” Si Delio. Mabilis itong bumaba ng kabayo at inakbayan siya. Halos hilahin siya nito upang makapasok agad sa bahay at malaman kung sino ang bisita habang nililinga ang mamahaling sasakyan.</p><p>Atubiling nagpaakbay si Devin. Ano ang kailangan ni Jason dito? Ano na ang nasabi nito sa papa niya? Masisira ba ang mga plano niya?</p><p>“Narito na pala ang dalawa, Mr. Florencio.” si Manuel nang bumungad sa pinto ang dalawa. “May bisita ka, Ninia...”</p><div style="text-align:center"><img src="https://od2-image-api.abs-cbn.com/prod/editorImage/1755842519626Pages-IMP-Chap11-1.png" style="width:700px" class="fr-fic fr-dib" alt="“Impostor” Chapter Eleven: Jason, sinundan si Devin sa asyenda Ventura! | Part 1/2"/></div><p>“Hello, sweetheart.” Nakangiting tumayo si Jason at humakbang pasalubong, hinapit si Devin at hinagkan nang mariin sa mga labi sa pagkagulat niya. Si Delio ay nagsalubong ang mga kilay.</p><p>“Sino siya, Ninia?” tanong ni Delio sa magaspang na tinig. Bago pa nakasagot si Devin ay naunahan na siya ni Jason who explained smoothly.</p><p>“Jason Florencio,” sagot nito na inilahad ang kamay. Atubiling tinanggap ni Delio ito at nagpakilala rin. “And Ninia here is my fiancée.” masuyong nilingon ang dalaga. “Gusto niyang samahan ko siya dito dahil nga birthday ni Devin but I got tied up kaya pinauna ko siya. Hindi ko inaasahang matatapos nang maaga ang inaayos ko...”</p><p>Hindi itinago ni Delio ang iritasyon, nawala ang charm. Ibinagsak nito ang sarili sa upuan. “Oh well, hindi ako makapaniwalang naging mga kaibigan kayo ni Devin. How about you, Jason? Have you met Divina Ventura?”</p><p>“Yes,” deretsong sagot ni Jason. “Is it so strange na maging kaibigan kami ni Devin, Delio?”</p><p>Hindi pinansin ni Delio ang matatalim na titig mula kay Manuel. “Strange it is. And I’m only glad na walang larawan si Divina sa bahay na ito. I couldn’t bear it,” paismid nitong sinabi.</p><p>Si Devin ay tumaas-baba ang dibdib at akmang pagsasalitaan si Delio nang pisilin ni Jason ang palad niya. Ito mismo ay nagpipigil ng sariling hindi tamaan ng kamay ang hambog na lalaki. Devin took a deep breath para kalmahin ang sarili.</p><p>“Delio, sumosobra ka na! Anak ko ang nilalapastangan mo!” alsa-boses ni Manuel na itinaas ang baston at akmang hahampasin ang binata subalit mabilis na nakalapit si Devin.</p><p>“Baka po makasama sa inyo ang magalit, M-Mr. Ventura...” tinitigan nito nang masama si Delio na nagkibit ng mga balikat at tumayo at nagtuloy-tuloy na pumanhik sa itaas.</p><p>“Ipagpaumanhin ninyo ang kagaspangan ng stepson ko. Maliliit pa silang mga bata’y hindi na magkasundo si Devin at si Delio,” paliwanag nito.</p><p>“Don’t worry about us, Mr. Ventura. Kilala ko ang anak ninyo at para sa akin, she’s unique in more ways than one. At ikinagagalak kong naging kaibigan si Devin.” itinuon nito ang mga mata sa dalaga habang nagsasalita. Gustong manayo ng mga balahibo ni Devin sa katawan sa paraan ng pagkakatitig ni Jason sa kanya.</p><p>“Ang mga kaibigan ng anak ko’y kaibigan ko na rin. Wala man si Devin...” sandaling huminto sa pagsasalita ang matanda at tumingala upang punuin ng hangin ang dibdib. “Ay matutupad ang nais niyang magkaroon ng salusalo sa kaarawan niya at narito ang mga kaibigan niya. At apat na araw na lang iyon mula ngayon, Mr. Florencio.”</p><p>Pagkatapos ng pag-uusap na iyo’y nagpatulong na si Manuel sa mag-asawang Vener at Lucing na ipanhik sa silid nito. Si Jason ay hinila palabas si Devin at niyakag na maglakad-lakad malayo sa bahay.</p><p>“B-bakit ka narito, Jason?”</p><p>“Saan kayo nanggaling ng hambog mong stepbrother, Divina?” tanong nito sa tinig na may bahagyang galit.</p><p>“I asked you first.”</p><p>“It doesn’t matter. Sagutin mo ako.”</p><p>Umupo siya sa isang nakahapay na matandang punong- mangga. Si Jason ay itinukod ang isang kamay sa sanga at niyuko siya.</p><p>“Ipinasyal niya ako sa paligid ng asyenda,” mahinang sagot niya, hindi maintindihan kung bakit kailangang itanong ni Jason iyon.</p><p>“Ipinasyal? Hindi ba at kabisado mo ang buong asyenda dahil ayon sa iyo’y anak ka ni Mr. Ventura...”</p><p>“I am!” pagdiriin niya. “At ipinasyal niya ako bilang si Ninia, hindi bilang si Devin.”</p><p>“Hindi matapos-tapos ang pagiging impostor mo, Divina Ventura,” tuya ni Jason. Nagagalit ito nang pumasok ng kabahayan si Devin na nakaakbay sa kanya si Delio. “Paano ako makatitiyak na ikaw nga si Divina Ventura? Sa sandaling magpakilala ka sa papa mo ay natitiyak kong hindi ka niya paniniwalaan!”</p><p>Nag-init ang sulok ng mga mata ni Devin. “Why are you doing this to me?” She choked back a sob. “Hindi ka pa rin ba naniniwalang wala akong intensiyong masama sa pamilya mo? O gusto mo akong parusahan dahil sa pagkamatay ni Mariz? Iyon ba ang dahilan kaya ka naririto?” Itinaas niya ang mukha upang pigilan ang mga luhang nagbabantang pumatak.</p><p>Marahas na nagmura si Jason. Hinawakan siya sa magkabilang balikat at itinaas, pagkatapos ay walang pasubaling niyakap siya nang mahigpit at hinagkan nang mariin.</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/8/22/-impostor-chapter-ten-ang-pagbabalik-ni-devin-sa-asyenda-ventura-bilang-si-ninia-part-1-2-1154"><strong>Chapter Ten &lt;&lt;&lt; PREVIOUS</strong></a><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/8/22/-impostor-chapter-eleven-jason-sinundan-si-devin-sa-asyenda-ventura-part-2-2-1411"><strong>NEXT&gt;&gt;&gt; Chapter Eleven: Part 2 of 2</strong></a><strong><br/></strong></div><div style="text-align:center"><br/></div><div style="text-align:center"><br/></div>

<p>PAGES Impostor: Jason follows Devin to her family's manor and confesses his feelings.</p>

PAGES Impostor: Jason follows Devin to her family's manor and confesses his feelings.

“Impostor” Chapter Eleven: Jason, sinundan si Devin sa asyenda Ventura! | Part 1/2

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Impostor” Chapter Eleven: Jason, sinundan si Devin sa asyenda Ventura! | Part 1/2

Martha Cecilia

Published August 24, 2025 11:00 AM PHT

|

Updated April 10, 2026 10:32 PM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.