Paul Christian Ocampo

Jason, sinundan si Devin sa asyenda Ventura! | Part 2/2

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div>Nabigla si Devin. Ni hindi siya makakilos. He was holding her so tight and kissing her hard that she thought she’d be out of breath anytime.“Dammit, but I miss you, Dev!” he said harshly nang bitiwan nito ang mga labi niya. They both gasped for air. “And Joshua missed you, too.”“I… I miss him, too,” she said softly. Hindi maipaliwanag ang galak sa ipinahayag ni Jason. Pero hindi niya alam pakitunguhan iyon. Natatakot siyang umasam. “P-pinuntahan mo ba si Ninia sa dorm?” pag-iiba niya sa usapan at kumawala mula rito.Isang buntong-hininga ang pinakawalan ni Jason bago tumango. Pumitas ng isang dahon ng mangga at wala sa loob na nilaro-laro. “I talked to her yesterday morning. Dapat ay kahapon pa ako dito pero marami akong inayos sa opisina at ipinagbilin.” tinitigan siya nito nang mataman bago nagtanong. “Sa ilang araw mo dito, ano ang natuklasan mo sa sinasabi mong nagtangkang pumatay sa iyo?”<div style="text-align:center"><img src="https://od2-image-api.abs-cbn.com/prod/editorImage/1755842993488Pages-IMP-Chap11-2.png" style="width:700px" class="fr-fic fr-dib" alt="“Impostor” Chapter Eleven: Jason, sinundan si Devin sa asyenda Ventura! | Part 2/2"/></div>Naguguluhan siyang umiling. “Wala. Everything is normal. Kahit nga marahil ang pagkawala ko’y parang hindi na mahalaga. Maliban sa Papa at sa dalawang matandang katiwala na umaasam sa paglitaw kong muli. At kung magtatagal pa marahil ay tuluyan nang maghihilom ang pagdaramdam ng Papa,” malungkot niyang sagot.“Then forget it, Dev. Baka naman talagang masasamang- loob lang ang humarang sa iyo noong araw na iyon. Baka gusto ka lang gawan ng masama,” suposisyon nito kasabay ng pagtatagis ng mga bagang.Muli siyang umiling. “Kilala nila ako, Jason. Sinabi mismo nila sa akin na inutusan lang sila...”“They could have said that for no reason at all,” lohiko nitong sabi. “Alam mo naman ang masasamang-loob.”“H-hindi iyon ang nararamdaman ko. Unang gabi ko pa lang ay may nagtangka na sa buhay ko...” sinabi nito ang nangyari sa kanya sa unang gabi niya noong dumating siya galing ng Maynila.“At hindi mo nakita ang unan na sinabi mong inihagis mo sa bintana?”“Sa sandali ring iyon ay tiningnan namin ni Nana Lucing pero wala. At nakatitiyak akong kulang ng isa ang unan sa higaan ko.”Huminga nang malalim si Jason. “C’mon, Devin. Baka totoo ang sinasabi ni Nana Lucing. Nanaginip ka at naalimpungatan.”Naguguluhang tumingala rito ang dalaga. “You don’t believe me, do you?” may pagdaramdam niyang tanong.“Hindi sa hindi ko gustong maniwala. Nagkataon lamang na naghinala kang may nagtangkang pumatay sa iyo sa unang gabi mo sa villa. At nang mangyaring harangin ka ng masasamang- loob ay iniugnay mo na agad ang dalawang pangyayari. Gayong kung tutuusin ay baka ang stepbrother mo lang ang naroon at balak ka ring gawan ng masama. Hindi nga ba at nahuli mo siya nang sumunod na gabi?”“Jason, please. Pinagtangkaan akong patayin ng mga taong iyon. They were not interested in me personally. Binaril nila ang gulong ng sinasakyan nina Julio at Mariz na siyang naging dahilan upang mahulog iyon sa bangin!” Mahigpit siyang napahawak sa braso nito habang sinasabi iyon.Luminga sa paligid si Jason, sa walang hanggang niyugan. Pagkalipas ng ilang sandali ay tinitigan siya. “Devin, listen, ayon sa imbestigasyon ay pinatunayan ng nakasalubong na truck na nawalan ng preno ang sinasakyan ninyo kaya nahulog ito sa bangin. There’s no one in sight, not a soul. Tiniyak nila iyon dahil sila mismo ay naghahanap ng mga taong makakatulong para iligtas kayo...”Nanlumo si Divina. Suma-total, hindi naniniwala si Jason sa mga sinasabi niya.Nagpatuloy ang lalaki. “Sa loob ng tatlong araw ay pinaimbestigahan ko ang mga impormasyon na ibinigay mo sa akin tungkol sa iyo. Ang buong asyendang ito’y isinangla ng papa mo sa bangko at hindi sapat ang kinikita ng asyenda sa laki ng inutang para matubos. Sa loob ng ilang taon ay interes lang ang binabayaran ng papa mo thru your lawyer. At kung manatiling mahina ang ani ng mga niyog at ang money earner ng asyenda ay malamang na ma-foreclose ito ng bangko.”“Oh!” Lalong nadagdagan ang panlulumo niya. Hindi niya alam ang tungkol doon. Mariwasa siyang namumuhay sa dormitoryo sa loob ng maraming taon. Iyon pala ay naghihirap ang kanyang papa.“I’m sorry, Dev.” itinaas nito ang mukha niya. “Hindi ko gustong sabihin sa iyo iyan pero walang magiging motibo ang sino man sa sambahayan mo para patayin ka. Your father isn’t even rich tulad ng pagkakaalam mo.”Hindi sumagot ang dalaga. Inilinga ang paningin sa buong paligid. Sa bahay. The same old Spanish villa. Ni hindi na napinturahan. Ang pickup ay ang dating luma pa rin. Ang dating mga katulong noong buhay pa ang lola niya’y wala na. Ang matatandang katiwala lamang ang natira, out of loyalty. Lalo siyang naguluhan.“Forget this whole thing at magpakilala ka sa papa mo. May palagay akong labis niyang dinamdam ang pagkawala mo,” he said gently.Tumingala siya rito at sinikap na ngumiti. Sana nga’y totoo ang sinasabi nito. Sana nga’y masasamang-loob lamang ang lahat. At kaya sila binaril ay dahil nakilala na niya ang mga ito. Maaaring mga dating tauhan sa asyenda, nag-panic kaya gumamit ng baril.“Yeah. I guess you’re right. Magpapakilala ako sa Papa sa birthday ko sa Lunes.”Jason smiled sexily in relief. “Ilang beses kong inisip kung bakit hindi ko agad nalaman na hindi ikaw si Mariz...”“Nasa akin ang mukha niya...”“Yes. Pero iba kang kumilos at magsalita. Bawat galaw mo ay nagbabadya ng kabataan. You’re very young, Dev. Thirteen years younger sa edad ko.”“It doesn’t matter,” she said softly.Kumislap ang mga mata ni Jason, kasabay ng makahulugang pagngiti. “You bet. We fit, didn’t we?” His eyes shone at napahugot ng hininga si Devin sa nakita sa mga mata nito.Nagyuko ng ulo ang dalaga upang itago ang pamumula.“So shy and so young that you made me feel ten years younger, Devin,” bulong ni Jason in a husky voice. Itinaas ang mukha niya. “And you have the most expressive eyes I’ve ever seen. I could drown in them...”Natawa si Devin doon. “Ah, a compliment.” “Which I sincerely meant.”“Why, thank you, kind sir.” At sabay na nagtawanan ang dalawa. Hinapit ni Jason ang dalaga at niyayang ipasyal ito sa malapit.Sa isang silid sa bahay ay may mga matang lihim na nagmamasid sa kanila. Sinusundan sila ng tanaw. Higit sa lahat ay si Devin. Sandaling nagsalubong ang mga kilay nito. Pagkatapos ay ngumiti at umiling.<div> </div>NAHINTO sa pagpasok sa dining room sina Jason at Devin pagkarinig sa tinig ni Stella.“Bakit kailangan nating maghanda sa Lunes, Manuel?” Si Stella. “Bakit kailangang paghandaan ang kaarawan ng isang namatay na? Isang malaking pag-aaksaya lamang iyon ng salapi.” Bago pa nakasagot si Manuel ay nagsalita si Nana Lucing. “Hindi pa tayo nakatitiyak na patay na nga si Devin ko, Stella.Hangga’t hindi nakikita ang labî ng katawan niya’y mananatili akong umaasa!”“Tama si Lucing, Stella,” sang-ayon ni Manuel. “Isa pa’y may mga bisita tayo na pinangakuan ng anak ko sa okasyong iyon.” “Hindi ikaw ang nangako kaya hindi mo obligasyong tuparin. Isa pa, hindi mo ba nakikitang hindi basta-bastang tao ang Jason Florencio na iyon. Bale-wala kung maghahanda ka man o hindi. At may hinala pa nga ako na kung hindi mo inimbitahan si Ninia na magtagal dito nang isang linggo ay matagal nang bumalik sa Maynila ang mga iyan,” tuloy-tuloy nitong sabi.“Tama ang Mama, tito Manuel. Sayang lang ang gagastusin natin...” sang-ayon ni Delio. Inabot ang sliced bread at butter. Maingat na hinila ni Jason pabalik sa sala si Devin. “May palagay akong gusto kong mag-miss ng breakfast.” he flashed her a smile.“Me, too,” sagot niya at ginantihan ng ngiti ang lalaki. Bagaman sa isip ay nakumpirma na walang pera ang ama.<div> </div><div> </div><div style="text-align:center"><a href="https://www.abs-cbn.com/entertainment/studios/tv/2025/8/22/-impostor-chapter-twelve-ang-tunay-na-nagpapatay-kay-devin-part-1-2-1428">READ: Chapter Twelve: Ang tunay na nagpapatay kay Devin!</a></div><div style="text-align:center"> </div><div style="text-align:center"> </div>

PAGES Impostor: Jason shares with Devin his discoveries about her family after hiring a private investigator.

PAGES Impostor: Jason shares with Devin his discoveries about her family after hiring a private investigator.

“Impostor” Chapter Eleven: Jason, sinundan si Devin sa asyenda Ventura! | Part 2/2

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Impostor” Chapter Eleven: Jason, sinundan si Devin sa asyenda Ventura! | Part 2/2

Martha Cecilia

Published August 24, 2025 11:05 AM PHT

|

Updated April 10, 2026 10:33 PM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.