Ronnabelle Lora

Impostor Chapter 1: Ang aksidenteng bumago sa buhay ni Devin

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div>DALAWANG araw pagkatapos umalis ng mansiyon ng mga Florencio, si Devin ay dumating sa asyenda Ventura bilang si Ninia.“Sino ka ba, ineng?” Si Nana Lucing.<div style="text-align:center"><img src="https://od2-image-api.abs-cbn.com/prod/editorImage/1755835403891Pages-IMP-Chap10-2.png" style="width:700px" class="fr-fic fr-dib" alt="“Impostor” Chapter Ten: Ang pagbabalik ni Devin sa asyenda Ventura bilang si Ninia? | Part 2/2"/></div>“Ninia po ang ngalan ko. Nakausap ko na po kayo noong nakaraan sa telepono. Kaibigan at classmate po ako ni Devin,” wika ng dalaga na nagpigil na yakapin ang matandang katiwala. “Usapan po namin bago siya umuwi dito na darating ako bago ang birthday niya.”Biglang nagkaroon ng lambong ang mga mata ng matandang katiwala. “Naku, hija, eh, wala si Devin dito sa asyenda, ah.”“Ho? Ano ang ibig ninyong sabihin?”“Nag… nagbakasyon si Devin, ineng.” ang matanda na umilap ang mga mata at luminga sa kabahayan.Para sa mga kasambahay ay wala nang pag-asang makita at magbalik pa si Divina. May mga nagbalitang na-kidnap ito at maaaring pinatay o ginawan ng masama. May dalawang tauhan sa asyenda ang nakakitang may tumutugis kay Divina nang hapong iyon subalit walang nagawa dahil mga nakayapak bukod pa sa malayo. At bago pa nakarating sa bahay-asyenda ang mga ito upang ipaalam kay Manuel ay maraming sandali na ang lumipas. Bukod pa roon ay nahati ang atensiyon ng mga tauhan dahil agad na inatake sa puso ang matandang lalaki.Ang ilang tauhang sumama upang tumulong ay wala nang dinatnan sa lugar na kinakitaan sa dalawang lalaki. Hindi rin naman namukhaan ng mga ito ang dalawang nakakabayo dahil malayo mula sa kinaroroonan nila. Nabalitaan din ang pangyayaring aksidente sa highway subalit walang nag-iisip na mag-ugnay niyon sa pagkawala ni Divina. Para sa mga taga-Sta. Clara ay isa lamang iyon sa maraming aksidenteng nangyayari sa daan.May kung ilang araw ding walang hinto ang mga tauhan sa paghahanap kay Divina sa buong asyenda subalit bigo ang mga ito. Si Manuel ay nawalan na ng pag-asang makita pa ang anak. Nai-report na rin sa pulisya ang pagkawala ni Divina.Tanging sila lamang ni Tata Vener ang umaasa pang magbabalik si Devin.Ngumiti si Devin. “Siguro naman po ay babalik siya bago dumating ang birthday niya. Usapan po namin iyon,” patuloy ng dalaga na pilit iniiba ang tinig.“Umaasa kaming ganoon nga ang mangyayari, ineng.” itinaas ni Nana Lucing ang apron at ipinahid sa nagtutubig na mga mata. “Naku, eh, paano po ngayon iyan? Nagpaalam pa naman ako sa dormitoryo na isang linggo ako dito. Hindi po agad ako makababalik sa Maynila.”“Maghintay ka rito, ineng, at kakausapin ko si sir Manuel. Isusuhestiyon kong manatili ka dito nang kahit ilang araw at baka umuwi si Devin. Maiwan muna kita.”Ttumango si Devin at umupo sa antigong upuang narra, iginala ang paningin sa loob ng malaking bahay-asyenda. Walang nabago. Siya lamang ang nabago. At patuloy sa pagiging impostor. Kahit ang sariling katauhan ay hindi niya maangkin. Isang pamilyar na tikhim ang nagpalingon sa kanya.“May bisita pala kami.” si Delio na sinuyod siya ng tingin. “At magandang bisita...” ibinigay nito sa kanya ang ngiting kinalolokohan ng maraming babae sa buong bayan ng Sta. Clara. Lumapit ang binata sa kanya at inilahad ang kamay. “Ako si Delio. Pamangkin ako ng tito Manuel...”Pilit na ngiti ang ibinigay ni Devin. “Ako naman si Ninia. Dormmate at classmate ko si Divina. Inaasahan niya ang pagparito ko.” unti-unti niyang hinahatak ang kamay subalit hindi binibitiwan ng binata.“Tsk, tsk. wrong timing ang dating mo, Ninia. Hanggang ngayon ay wala pang balita sa stepsister ko. Magdadalawang buwan na siyang nawawala...”“Oh!” Nagkunwari siyang nabigla. “Ang sabi sa akin ni Nana Lucing ay nagbabakasyon lamang si Devin...”Umiling si Delio. “Ang matandang iyon talaga. Palibhasa’y alaga si Divina ay hindi matanggap ang pagkawala niya. Subalit iyon ang totoo. Bigla na lamang nawala ang stepsister ko.” at ikinuwento nito sa kanya ang bali-balita sa buong asyenda. “At hindi na kami umaasang buhay pa si Devin, Ninia...”Muli ang pagkukunwaring panlulumo ni Devin. “H-hindi ko mapaniwalaan ito. Ang usapan namin ni Devin ay paparito ako isang linggo bago ang birthday niya.”Hinawakan ni Delio ang kamay niya. “Para hindi masayang ang pagtungo mo rito sa Sta. Clara ay inaanyayahan kitang manatili rito kahit isang linggo, Ninia.”“Tulungan mo akong bumaba, Delio!” Mula sa itaas ay ang malakas na tinig ni Manuel. Sabay na napatingala ang dalawa. Si Devin ay kulang na lang na takbuhin ang ama.Umusal ng paumanhin si Delio at naiiritang pumanhik sa itaas upang tulungang bumaba si Manuel. Si Nana Lucing ay nagkakandahirap na ibaba ang wheelchair. Nang maibaba ang matanda at ang silya nito ay muling umupo si Manuel at nakangiting pinagulong ang silya patungo sa kanya.“Kaibigan mo ba ang anak ko, hija?” “Magandang… hapon po,” aniya sa baradong tinig.“Umupo ka uli,” utos ng matanda. “Sinabi na ba sa iyo ni Nana Lucing ang tungkol sa anak ko?” Nagkalambong ang mukha nito.“Ako ang nagsabi sa kanya ng katotohanan, Tito Manuel.” si Delio. “As usual, iba ang bersiyon ni Nana Lucing.” tinanaw nito ang matanda na walang imik na nagbalik sa kusina.“Ikinalulungkot kong hindi mo dinatnan ang anak ko rito, Ninia. Ako ma’y nagawa na ang lahat upang malaman ang totoong nangyari sa kanya. Baka patay na ang anak ko.” nabasag ang tinig ng matanda sa bahaging iyon.Buhay ako, Papa! Ako si Devin, gustong sabihin ng dalaga pero inawat ang sarili. Hindi niya kailangang magpadala sa emosyon. Kailangang malaman niya kung sino ang may gustong mamatay siya at kung bakit.“At para naman hindi masayang ang pagtungo ni Ninia rito, Tito Manuel, inanyayahan ko na siyang magbakasyon na nang tuluyan kahit isang linggo,” patuloy ni Delio na makahulugang tumitig sa kanya.“Bakit nga ba hindi, hija? Magkaibigan kayo ng anak ko. Nabanggit ka niya sa akin. At ikaw lamang ang kaisa-isa niyang kaibigan. Ikinagagalak kong imbitahan kang manatili rito.”“Salamat po, M-Mr. Ventura.” tumihim siya, sinisikap na manatiling iba ang tinig. “Talaga pong gusto kong makarating dito sa asyenda. Matagal nang naibibida ni Devin sa akin ang lugar na ito.”“Don’t you worry, Ninia.” Delio smiled. “Ako ang magiging tourist guide mo sa buong asyenda.”isang ngiti ang isinagot ni Devin. Si Manuel ay muling tinawag si Lucing upang samahan sa itaas ang bisita.“Ipagamit mo sa kanya ang silid ng anak ko, Lucing.” “Opo, sir Manuel. Tayo na, ineng...”<div> </div>MAAGANG nagising kinabukasan si Devin. Halos hindi pa sumisikat ang araw. Madilim pa halos nang manungaw siya sa bintana. Si Stella ay nakatagpo niya kagabi. Paghanga at pagkainggit ang nasa mukha ng madrasta tuwing tinititigan siya nang palihim. Si Delio nama’y hindi humihiwalay ang mga mata sa kanya. Si Manuel ay tahimik at halos hindi galawin ang pagkain. Naaawa siya sa ama. Dinaramdam nito nang husto ang pag- aakalang patay na siya. Kung maaari nga lang sanang sabihin niya rito ang totoo.Hinayaan niyang haplusin ng hangin ang mukha niya, ang isip ay nasa Maynila. Kay Jason. Iniisip niya kung ano ang ginagawa ng lalaki at kung kahit paano’y naaalala siya. At si Joshua. Hinahanap kaya siya nito? Kahit paano’y may bahagi na ng dibdib niya ang okupado ng bata.Pinuno niya ng hangin ang dibdib. Umalis ng bintana at lumabas ng kuwarto. Sa ibaba’y naroon na si Nana Lucing at naghahanda ng almusal. Nagkakape siya nang bumaba si Delio na sinamahan siya sa almusal.Ilang sandali pa’y magkasama na ang dalawa na lumabas patungo sa kuwadra. Si Nana Lucing ay gustong balaan ang bisita na mag-ingat sa guwapong binata. Hindi iilang kadalagahan ang pinaluha nito sa buong Sta. Clara at karatig- bayan. Hindi nga lamang magawang magreklamo ng mga magulang dahil kay Manuel.Nagkunwaring hindi marunong mangabayo si Ninia kaya nagkaroon ng pagkakataon si Delio na maiangkas siya sa harap nito. Sinikap ni Devin na bale-walain ang sadyang pagdikit ng mga labi ng binata sa batok niya. She wasn’t inexperienced anymore.Sa kalahating magdamag na kapiling niya si Jason ay napakaraming mga bagay ang naituro nito sa kanya. Mga bagay na hindi niya akalaing madarama at mapupukaw sa kanya. Na tuwing sumasagi sa isip niya’y nag-iinit ang kanyang katawan. At kasabay niyon ay umaasam na sana’y maging madali para sa kanya ang paglimot dito.“Sana’y hindi mo pagsawaan ang lugar na ito, Ninia,” ani Delio nang nasa pataniman na sila ng mais.“Natitiyak kong hindi. Nature lover ako, Delio.” ngumiti siya at tumingin dito. “Ikaw? Ano ang ginagawa mo sa kasalukuyan?”Nagkibit ito ng mga balikat. “Bata pa naman ako, Ninia, beinte-tres lang. Isa pa, hindi ko gustong dito manirahan sa asyenda. Matagal na sana akong umalis dito kung pumayag lang ang Mama na lumuwas kami sa Maynila. Marahil ay pamamahalaan ko na lang ang asyenda isa sa mga araw na ito at may posibilidad na ipamana sa akin ni Tito Manuel ang asyenda ngayong wala na si Divina...”“I see.” muli niyang ibinalik ang tingin sa kamaisan upang hindi makita ni Delio ang galit sa mga mata niya.Sinabi ni Delio ang isang dahilan kung bakit nanaisin ng isa na mawala siya. Pero hindi siya makapaniwalang ipamamana nga ng papa niya kay Delio ang asyenda.“At kailangan ko ng katuwang sa buhay upang pangasiwaan ang walang hanggang lupaing ito, Ninia,” makahulugang sabi nito kasabay ng patay-malisyang pag-akbay sa kanya.Tumikhim ang dalaga. Gustong alisin ang kamay ni Delio sa mga balikat niya pero pinisil iyon ng binata. She tried to give him a warm smile.“Mapalad ang babaeng pag-uukulan mo ng panahon, Delio...”“May palagay akong natagpuan ko na siya, Ninia,” wika nito habang matamang nakatitig sa kanya.“Tayo nang umuwi at baka hinahanap na tayo sa bahay.” mabilis siyang bumalik sa kabayo. Hindi nagpilit si Delio at nagulat pa ito nang sumampa siyang mag-isa sa kabayo. Muntik na niyang sipain ang sarili dahil nakalimot siya. Isang matamis na ngiti ang pinakawalan niya rito. “Madali naman palang gawin, eh. Ilang araw pa’y matututuhan ko na ring mangabayong mag-isa...”Si Delio ay hindi sumagot at nakatitig lang.<div> </div><div> </div><div style="text-align:center"><a href="https://www.abs-cbn.com/entertainment/studios/tv/2025/8/22/-impostor-chapter-eleven-jason-sinundan-si-devin-sa-asyenda-ventura-part-1-2-1403">READ: Chapter Eleven: Jason, sinundan si Devin sa asyenda Ventura!</a></div><div style="text-align:center"> </div><div style="text-align:center"> </div>

PAGES Impostor: Devin returns to her family's manor with a new identity.

PAGES Impostor: Devin returns to her family's manor with a new identity.

“Impostor” Chapter Ten: Ang pagbabalik ni Devin sa asyenda Ventura bilang si Ninia? | Part 2/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Ten: Ang pagbabalik ni Devin sa asyenda Ventura bilang si Ninia? | Part 2/2

Martha Cecilia

Published Aug 23, 2025 11:05 AM PHT

|

Updated Aug 26, 2025 11:41 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.