Ronnabelle Lora

“Impostor” Chapter Thirteen: Ang pagtatapos ng kuwento ni Divina Ventura | Part 2/4

Article (news)

<div style="text-align:center"><img src="https://od2-image-api.abs-cbn.com/prod/editorImage/1754640762983Pages-Impostor-DB1920x270.png" class="fr-fic fr-dib"/></div><p>NAHAHAPONG napaluhod si Devin sa makapal na damo sa labas ng lumang kamalig. Hindi makapaniwalang nilakad nila ang layong iyon na sa tantiya niya’y mahigit sa kalahating kilometro. Ni hindi niya napuna ang nakaparadang pickup sa likod ng malaki at matandang puno dahil sa matataas na talahib. Hindi niya kailanman nalaman ang kamalig na ito na marahil ay siyang imbakan ng mga palay noong araw. Pulos kalawang at sira na ang bubong na yero at marupok at sira na rin ang mga dingding na kahoy.</p><p>“Pumasok ka sa kamalig, Divina!” utos ni Manuel na humihingal din sa pagod. Sumunod ang dalaga at pumasok sa nakaawang na pinto ng kamalig. Nahahapong sumandal siya sa poste sa pinakasentro ng kamalig. Mula sa isang sulok ay ibinagsak sa kanya ang isang lubid. “Itali mo ang sarili mo sa haliging iyan!”</p><p>“A-ano ang gagawin ninyo sa akin?”</p><p>“Sundin mo ang sinasabi ko! Itali mo ang sarili mo sa haligi! Aabutin ko ang magkabilang dulo sa likod mo `pag naibuhol mo na ang sarili sa kahoy. Bilisan mo!”</p><p>“Hindi ninyo magagawa ito!” hiyaw niya. Halos panawan ng malay sa matinding pagod, takot, at kawalang-pag-asa.</p><p>Hindi na malalaman ni Jason ang mangyayari sa kanya. Sino sa villa maliban kay Manuel ang nakakaalam ng abandonadong bodegang ito? Itinutok ng matanda ang baril sa kanya at muli siyang inutusang itali ang sarili. Walang nagawa si Divina kundi ang sumunod.</p><p>Nang makailang ikot sa katawan niya ang lubid ay inabot ni Manuel ang tali sa likod niya at ibinuhol.</p><div style="text-align:center"><img src="https://od2-image-api.abs-cbn.com/prod/editorImage/1756177498206Pages-IMP-Chap13-2.png" style="width:700px" class="fr-fic fr-dib" alt="“Impostor” Chapter Thirteen: Ang pagtatapos ng kuwento ni Divina Ventura | Part 2/4"/></div><p>“Bakit gusto ninyo akong patayin? Ano ang kasalanan ko sa inyo?” sunod-sunod niyang tanong. Kailangang tumagal pa ang oras niya. Nagbabaka-sakaling bigyan ng panahon ang kung sino mang nakapunang nawawala siya at si Manuel bagaman gahibla na lang ang pag-asang iyon. Kung marami ang nakakaalam sa lugar na ito’y hindi siya rito dadalhin ng matandang ito.</p><p>“Nakikita mo ang mga lata ng gaas na iyon, Divina?” Nakangising inginuso nito ang isang sulok, pagkatapos ay inilapag ang baril sa damuhan at lumakad patungo sa kinaroroonan ng mga lata ng gas, binuksan isa-isa. “Susunugin ko ang kamalig na ito at dahil linggo ngayon ay walang mga taong agad na makakadalo at susugpo sa apoy. Isang kilometrong mahigit mula rito ang pinakamalapit na bahay ng mga tauhan.” “No!” sindak niyang sigaw. “Oh, please, no! Malalaman nila ang ginawa ninyo! Naroon sa bahay ang silyang de-gulong ninyo!”</p><p>Unti-unting sumilay ang makamandag na ngiti sa mga labi nito, pagkatapos ay humalakhak.</p><p>“Hindi nila ako paghihinalaan, Divina. Natitiyak kong hindi. Si Delio ang paghihinalaan nilang gumawa nito sa iyo!” “Si Delio?” gilalas niyang usal. Sinundan ng tingin ang hinayon ng matandang lalaki. Noon lang niya napansin na sa kabilang bahagi ng kamalig ay ang nakahambalang na katawan ni Delio. “Oh, my God! Ano ang ginawa ninyo sa kanya?”</p><p>Ngumisi ang matandang lalaki. “Patay na siya, Divina. Sadya ko siyang inabangan kagabi sa bukana ng asyenda. Nagtiyaga akong maghintay sa kanya roon mula alas-onse ng gabi.”</p><p>Nanuyo ang lalamunan ng dalaga. “A-ano ang… kasalanan niya sa inyo?”</p><p>Umismid ang matanda. “Hindi sinasadyang natuklasan ni Delio na ako ang nag-utos sa dalawang lalaking patayin ka, Divina! Nakita niya nang katagpuin ko ang dalawang lalaki isang hatinggabi sa ibaba ng villa at ibigay ang bayad sa mga ito. Narinig niya ang pinag-usapan namin. Natuklasan niya ang lihim ko at nagsimula siyang i-blackmail ako! Wala na akong perang maibibigay sa kanya. At kahapo’y hinihingan na naman niya ako ng malaking halaga! At kung tutuusin, kung wala ang mga antigong alahas ng matandang Agueda ay wala akong kayang ibayad!</p><p>“Naubos ang pera ko sa kakabayad sa mga walang silbi at inutil na mga taong inutusan kong pumatay sa iyo. Sa Maynila ay dalawang beses ding may nagtangkang patayin ka, mahal kong anak!” pang-uuyam nito kasabay ng malademonyong ngisi. “Subalit pawang nangabigo. Una’y ang isang taong binayaran ko upang ihulog ka sa hagdan sa kolehiyo.”</p><p>Nanlaki ang mga mata ni Devin. Ngayon niya nakumpirma na talagang itinulak siya ng nakabunggo sa kanya!</p><p>At hindi kailangang itanong sa matandang ito na kagagawan din nito ang muntik na niyang pagkabundol noong insultuhin siya ni Jeff sa Mcdonald’s.</p><p>“Pero bakit ninyo ginagawa ito?” naguguluhan niyang tanong sa pagak na tinig.</p><p>“Salapi, Divina, salapi,” may-pagkagahamang sagot nito. “Hindi ako ang may gustong ipadala ka sa Maynila. Kung narito ka sa asyenda ay hindi sana ako nahirapang patayin ka. Subalit iyon ang legal na habilin ni Donya Agueda sa testamento niya. Sa Maynila ka mag-aaral pagkatapos mo ng elementarya, sa isang eksklusibong paaralan at doon din maninirahan. Ipinamana sa iyo ng matandang Agueda ang buong kayamanan niya na nasa limang bangko sa Maynila at kabayanan. Ganoon din ang buong asyendang ito pagsapit mo sa edad na beinte-uno. At bukas na iyon, Divina.”</p><p>Nagngangalit ang mga bagang nito. Ibinuhos sa marupok na dingding ang gasolina. Umabot sa ilong ni Devin ang amoy ng gasolina at gusto niyang panawan ng malay.</p><p>“Wala kahit na anong salaping iniwan para sa akin si Donya Agueda. Tanging nagmumula kay attorney Sebastian ang allowance. At ang tuso mong lola ay isinangla ang buong asyenda sa bangko sa ilalim ng pangalan ko upang hindi ko makuha ang kinikita nito. Ang kinikita ng asyenda ay nauuwi lang sa bangko nang walang kabuluhan subalit bale-wala iyon sa tusong matanda! Ang mahalaga sa kanya’y wala akong matatanggap na salapi mula sa asyenda. Tiniyak din niyang hindi ito maiilit sa sandaling hindi umani nang husto ang lupa at mga niyog. Si attorney ang bahala roon.”</p><p>Nag-aapoy sa poot ang mukha nito. Sa tingin ni Divina ay tumanda pa ito nang higit dahil sa matinding kasakiman at galit. “Kinasuklaman niya ako nang sabihin ko sa kanyang ipabago ang pangalan ng asyenda mula sa pangalan ng nasirang asawa niya patungo sa akin. Maraming mga tao ang naniwalang akin ang asyenda! At isa lamang iyon sa mga dahilan niya...”</p><p>“Marahil ay talagang nararamdaman ng Lola na isa kang masamang tao!” agap niya sa nagpupuyos na damdamin at pagmamahal sa matandang babaeng walang tanging hinangad kundi ang mabigyan siya ng magandang kinabukasan.</p><p>And it was very ironic na iyon ang magiging sanhi ng kamatayan niya.<strong></strong></p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/8/26/-impostor-chapter-thirteen-ang-pagtatapos-ng-kuwento-ni-divina-ventura-part-3-4-1108"><strong>NEXT&gt;&gt;&gt; Chapter Thirteen: Part 3 of 4<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Impostor: Manuel Ventura reveals his motives and the people he's killed in the past.</p>

PAGES Impostor: Manuel Ventura reveals his motives and the people he's killed in the past.

“Impostor” Chapter Thirteen: Ang pagtatapos ng kuwento ni Divina Ventura | Part 2/4

News

Entertainment

Lifestyle

Sports

Metro.Style

More

Traffic

Manila

Horoscope

TV

“Impostor” Chapter Thirteen: Ang pagtatapos ng kuwento ni Divina Ventura | Part 2/4

Martha Cecilia

Published Aug 26, 2025 11:05 AM PHT

|

Updated Aug 26, 2025 11:27 AM PHT

Read More:

Pages

Impostor

Martha Cecilia

PHR Presents Impostor

Precious Hearts Romances Presents

Maja Salvador

Melai Cantiveros

Sam Milby

Divina Ventura

Devin Ventura

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.