Ronnabelle Lora

“Midnight Phantom” Chapter One: Ang babaeng sumira sa mukha ni Brandon | Part 2/3

Article (news)

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>SAKAY na ng Toyota Crown ni Brandon si Anya ay lumilinga pa ito sa parking. Hindi siya napapansin ng binata na nagmamaniobra ng sasakyan. Ilang sandali pa ay palabas na sila sa kalyeng iyon sa Ermita.</p><p>Ginagap ng kamay ni Brandon ang kaliwang kamay ng dalaga at dinala sa bibig. “Ano ba talaga ang relasyon nating dalawa, Anya?” tanong nito na sandaling sinulyapan ang dalaga. “Ano ba ang gusto mong maging relasyon natin?” sagot ni Anya na ngumiti pero mailap ang mga mata. “I want you to be my girl.”</p><p>“So I am your girl,” wala sa loob niyang sagot. Nakalingon sa dinadaanan at sa side mirror.</p><p>Humigpit ang hawak ng binata sa palad niya. “I am holding you to that. Mula ngayon ay girlfriend na kita. At isa sa mga araw na ito ay ipakikilala kita sa Papa at Mama, Anya.”</p><p>Napalingon si Anya na tila noon lang narinig ang sinasabi ng binata. “Sa… papa at mama mo?”</p><p>“Yup. At sa isang linggo na iyon,” nakangiti nitong sabi. Anniversary nila at karaniwan nang sa Phantom Island namin sila nagse-celebrate. Dadalhin kita roon...”</p><p>“Island?” Parang ibong loro na inulit niya ang sinasabi ng binata. “Nakainom ka ba? Anong island ang sinasabi mo?”</p><p>Ngumiti ang binata. Maliban sa grupo ay walang nakakaalam ng katayuan nito sa buhay. Mahigpit nitong ibinilin sa mga kaibigan na pagdating sa club ay ordinaryong band singer and member lang ito.</p><p>“May isang islang pag-aari ang pamilya ko, Anya...” Isang taxi ang nag-overtake kaya hindi napansin ni Brandon ang pag- ikot ng mga mata ng dalaga. Kung gusto ng binatang mangarap ay pagbibigyan niya.</p><p>Inihilig ni Anya ang ulo sa sandalan ng kotse at pumikit.</p><p>Nag-alalang sinulyapan ito ng binata. “Are you all right?”</p><p>“Nahihilo lang ako, Bran. Siguro dahil lagi na lang akong puyat. At saka alam mo naman iyong customer kanina, ilang gin tonic din iyong na-order ko,” sagot niya pero hindi nagmumulat ng mga mata. Sasabihin ba niya rito kung ilang Valium ang ininom niya? At least, alam ni Brandon na nahihilo siya dahil sa ladies drink. At alam ni Brandon na sadyang dinadagdagan niya ang order ng ladies drink dahil sa commission.</p><p>“Magpaalam ka sa boss natin, Anya, para sa isang linggo.</p><p>Doon sa isla ay tiyak na makakabawi ka.”</p><p>Hindi na sumagot si Anya na tila idinuduyan ang sarili sa bawal na gamot. Sa maraming pagkakataon ay naitatago niya ang ginagawa mula sa mga kasama sa trabaho maliban kay Augusto dela Merced. Nahuli siya minsan nitong nagtuturok sa loob ng dressing room niya.</p><p>At nangako si Augusto na tutulungan siya sa anumang suliraning mayroon siya. Tutulungan siya ni Augusto. Kailangan niya si Augusto... at mahal niya si Augusto... at mahal din siya nito...</p><p>“Anya, narito na tayo...” banayad na yugyog ni Brandon sa balikat niya.</p><p>“Hmm...” Nagmulat siya ng mga mata. Namumungay na tumingin kay Brandon. Nakaidlip ba siya o nagti-trip? “Nasa amin na ba tayo?”</p><p>“Sa harap mismo ng gate ng apartment mo,” natatawang sagot ni Brandon. Gustong maawa sa pagod at puyat na nakikita niya sa mukha ng dalaga. “Teka at sasamahan na kita papasok sa loob...”</p><p>“Huwag na,” awat niya nang akmang bababa ang binata. “Gabi na, Bran, at may klase ka pa bukas. Sige na. Magkikita naman tayo sa club bukas.”</p><p>Inilahad ni Brandon ang dalawang kamay. “What can I say?</p><p>Good night, Anya...”</p><p>“Good night,” mabilis niyang sagot at mabilis ring bumaba ng kotse at kung hindi siya nakahawak sa gate ng apartment ay baka natumba pa siya. Nginitian niya si Brandon at kinawayan. Isinasara na niya ang pinto ng apartment nang masilip niya ang pagparada ng isa pa uling sasakyan sa tapat ng apartment. At kilalang-kilala niya ang kotseng iyon. Nakikita niyang madilim ang mukha ni Augusto na bumaba ng sasakyan nito.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757388114511MP-1-2.png" class="fr-fic fr-dib" alt="“Midnight Phantom” Chapter 1: Ang babaeng sumira sa mukha ni Brandon | Part 2"/></div><div><br/></div><p>“Bakit hindi mo ako hinintay? Sino ang naghatid sa iyo rito?” Galit at pag-aalala ang nasa tinig ng may-ari ng club. Si Augusto dela Merced, biyudo, may isang anak at nasa early forties.</p><p>Binitiwan ng dalaga ang doorknob, pumasok sa loob at umupo sa sofa. “Si Brandon...”</p><p>Naningkit ang mga mata ng matandang lalaki. “Totoo ba ang nababalitaan ko sa inyong dalawa?”</p><p>“O, c’mon. Pati ba naman iyong bata ay pinagseselosan mo,” nakangiti niyang sabi. Sa harap ng lalaking ito ay hindi niya kailangang magkunwaring sober. Inilatag niya ang sarili sa sofa at ipinikit ang mga mata.</p><p>“Ano na naman ang ginawa mo, Anya? Bakit hindi mo tulungan ang sarili mo?” Subalit hindi na naririnig ng dalaga iyon. Tulog na ito. Isang malalim na hininga ang pinakawalan ng lalaki. Yumuko ito at pinangko ang dalaga papanhik sa itaas ng apartment upang pagyamanin.</p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-1-ang-babaeng-sumira-sa-mukha-ni-brandon-part-3-0810"><strong>NEXT&gt;&gt;&gt; Chapter One: Part 3 of 3<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Brandon wants to make his relationship with Anya official and introduce her to his parents.</p>

PAGES Midnight Phantom: Brandon wants to make his relationship with Anya official and introduce her to his parents.

“Midnight Phantom” Chapter One: Ang babaeng sumira sa mukha ni Brandon | Part 2/3

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Midnight Phantom” Chapter One: Ang babaeng sumira sa mukha ni Brandon | Part 2/3

Martha Cecilia

Published September 13, 2025 08:05 AM PHT

|

Updated April 10, 2026 11:08 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.