Ronnabelle Lora

Article (news)

Midnight Phantom by Martha Cecilia

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>SA ESCUELA at praktis ay laging maaga si Brandon. Kung maaari lang ay dadalawin niya sa apartment si Anya pero wala siyang panahon. Halos maghapon ang klase niya sa Ateneo. Paglabas ng escuela ay tuloy silang apat sa mansiyon o `di kaya ay alin na lang sa bahay ng tatlo upang magpraktis.</p><p>At nasundan pa uli ng dalawang beses ang paghatid niya kay Anya. Mabait at malambing ang dalaga. Polite and reserved. Isa iyon sa mga karakter nitong nakaakit sa kanya. Hindi tulad ng mga kasamahan nitong crooner na pagdating ng uwian ay nakikipag-date sa mayayamang matandang customer.</p><p>Tulad ng dati ay number na nila bago dumating si Anya. Kasalukuyan silang tumutugtog ng maharot na awitin at nasa dance floor lahat ang mga teenager nang matanaw niya si Anya na lumabas mula sa backstage.</p><p>Seductive and beautiful sa gown na may slit sa tagiliran na umabot sa kalahati ng hita nito. Tulad ng dati ay long sleeves ang suot ng dalaga. Isang black see-through ang pinaka-sleeves ng gown nito.</p><p>Nasa kalagitnaan sila ng number nang mapuna niya ang isang waiter na may ibinulong sa dalaga. Nagsalubong ang mga kilay nito sa kung anumang ibinulong ng waiter. Pagkatapos ay tumalikod at bumalik sa loob.</p><p>“Bakit umalis ka nang walang paalam?” galit na bungad ni Augusto sa kanya sa hallway. Hindi siya kumibo at tuloy-tuloy na pumasok sa dressing room.</p><p>“Hindi mo ako sinasagot. Bakit umalis ka ng bahay nang walang paalam?”</p><p>“Alam mo ang dahilan,” banayad nitong sagot. May lamlam sa mga mata dahil sa drugs na ininom.</p><p>Napapikit si Augusto. “Anya, alam mong hindi ko kayang gawin ang sinasabi mo.”</p><p>“Gawin mo, Augusto, kung hindi mo gustong pumatol ako sa ibang lalaki. Tulad ni Brandon, halimbawa...” hamon niya rito nang nakataas ang mukha.</p><p>Isang sampal ang kumawala kay Augusto at dumapo sa magandang mukha ng dalaga. Napasadsad siya sa dingding sa lakas. Hawak ni Anya ang pisngi at kumikislap ang mga mata niyang tumingala sa lalaki na hindi malaman ang gagawin.</p><p>“Anya, I’m sorry... hindi ko...”</p><p>Ngumiti si Anya. “Hindi ako uuwi sa bahay mo mamaya, Augusto. Magpapahatid akong muli kay Brandon. At sa pagkakataong ito ay titiyakin kong may mangyayari sa amin!” Tumiim ang mga bagang ng lalaki. Marahas siyang hinawakan sa leeg. “Bawiin mo ang sinasabi mo, Anya. Hindi</p><p>mo magagawa sa akin ang ganoon!”</p><p>“Manood ka...” Subalit hindi niya natapos ang sasabihin dahil hinigpitan ni Augusto ang pagkakasakal sa kanya.</p><p>“A-Augusto... na… sasaktan ako...” Her eyes wide.</p><p>Pinaghalong takot at hindi maipaliwanag na damdamin. “Hindi ba’t ito ang gusto mo, Anya, hindi ba?” Halos</p><p>marinig na niya ang pagtatagis ng mga bagang nito.</p><p>Sa labas ay papasok si Brandon nang salubungin ng isang waitress at ikinawit ang mga braso sa leeg nito.</p><p>“Hello, Bran,” ani Carol na halos idikit na ang mukha sa mukha ng binata. “I-date mo naman ako, o. Sagot kita.”</p><p>Isang ngiti ang pinakawalan niya. Hinagkan ang hintuturo at idinikit sa mga labi ng babae. “Baka mahuli tayo ni Anya...” Inalis niya ang nakasabit na mga braso nito at humakbang palayo.</p><p>Lumabi ang babae. “May may-ari na roon, Bran...” pahabol nito subalit hindi pinansin ni Brandon. Malayo pa siya ay naririnig na niya ang tinig ni Anya na tila dumadaing. Binilisan niya ang mga hakbang.</p><p>“A-Augusto.. n-nasasakal ako...”</p><p>“Hinahanap mo ito, `di ba, Anya?” Si Augusto na naniningkit ang mga mata. Noon biglang bumukas ang pinto at sumungaw si Brandon. Nanlaki ang mga mata nito sa eksenang dinatnan.</p><p>“Anya!”’</p><p>“L-lumabas ka, Brandon...” Si Anya na totoong may takot na sa mukha sa nakitang galit sa mga mata ng binata. “Huwag kang makialam dito!”</p><p>Sa dalawang hakbang ay nasa loob na si Brandon. Hinatak sa kuwelyo ang nakatatandang lalaki. “Bitiwan mo siya!” Isang malakas na suntok ang pinakawalan nito.</p><p>Bumagsak sa sahig ang nabiglang si Augusto. Bumangon ito subalit isa pa uling suntok ang pinakawalan ni Brandon. Napilitang lumaban si Augusto. Nagpambuno ang dalawa.</p><p>Bata at malakas si Brandon at galit na galit. Ni hindi nito naririnig ang malakas na hiyaw ni Anya sa pag-awat sa kanya.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757388772875MP-1-3.png" style="width:700px" class="fr-fic fr-dib" alt=" “Midnight Phantom” Chapter 1: Ang babaeng sumira sa mukha ni Brandon | Part 3"/></div><div><br/></div><p>“Huwag mong saktan si Augusto, Brandon!”</p><p>Nakapailalim si Augusto kay Brandon at patuloy niyang sinusuntok. Ni hindi niya narinig ang pagkabasag ng isang bote ng alak.</p><p>“Brandon!”</p><p>Malakas at galit ang tinig ni Anya. Idagdag pa ang epekto ng bawal na gamot. Lumingon ang binata kasabay ng pagtaas ng katawan. Ang basag na bote na sana ay sa likod niya itatarak ni Anya ay sa kaliwang mukha niya tumama at kumayod.</p><p>Sindak na nabitiwan ni Anya ang basag na bote at napaatras sa isang sulok. “H-hindi!”</p><div><br/></div><div><img src="https://od2-image-api.abs-cbn.com/prod/editorImage/1757388839635MP-1-4.png" style="width:700px" class="fr-fic fr-dib" alt=" “Midnight Phantom” Chapter 1: Ang babaeng sumira sa mukha ni Brandon | Part 3"/></div><div><br/></div><p>“Anya, bakit?” Sa nanlalabong paningin ay sinapo ng binata ang duguang mukha. Hindi niya malaman kung alin ang higit na masakit. Ang sugatang mukha o ang sugat sa puso niya sanhi ng ginawa ng babaeng inaakalang may pagtingin sa kanya.</p><p>“Brandon!” Si Mike kasunod sina Peter at Nelson.</p><p>Iyon ang huling nakita ni Brandon bago ito bumagsak at tuluyang nawalan ng malay.</p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-2-ang-buhay-ni-nadja-kasama-ang-madrasta-na-si-anya-part-1-0815"><strong>READ: Chapter Two: Ang buhay ni Nadja kasama ang madrasta na si Anya<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Brandon tries to save Anya from Augusto but gets badly scarred in the process.</p>

PAGES Midnight Phantom: Brandon tries to save Anya from Augusto but gets badly scarred in the process.

“Midnight Phantom” Chapter One: Ang babaeng sumira sa mukha ni Brandon | Part 3/3

News

Entertainment

Lifestyle

Sports

Metro.Style

More

Traffic

Manila

Horoscope

TV

“Midnight Phantom” Chapter One: Ang babaeng sumira sa mukha ni Brandon | Part 3/3

Martha Cecilia

Published Sep 13, 2025 08:10 AM PHT

|

Updated Sep 13, 2025 03:53 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.