Ronnabelle Lora

“Midnight Phantom” Chapter Two: Ang buhay ni Nadja kasama ang madrasta na si Anya | Part 2/3

Article (news)

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>Huminga siya nang malalim upang samyuhin ang loob ng bagong kotse. The brand-new leather scent tickled her nose. “Oh, you’re loaded!” bulalas niya nang mapunang naka-aircon na iyon at ang stereo ay mamahaling klase. Tuwang- tuwang ipinasok ng dalaga ang susi sa susian sa ignition at binuhay ang makina. Nagmaniobra nang maingat palabas ng parking area patungo sa highway.</p><p>Hindi niya mapigil ang matinding kagalakan. Pagka-debut niya ay humiling na siya sa ama ng kotse. Kahit isang Kia Pride. Subalit hindi niya napapayag si Augusto. Ang katwiran nito, she was too young to drive. And that was three years ago. At hindi siya makapaniwalang dina-drive na niya ang sariling kotse.</p><p>High school pa lang siya ay nagpaturo na siyang mag-drive sa driver nila nang hindi alam nina Augusto at Anya. At nang malaman ni Augusto ang ginagawa niya ay mahusay na siyang mag-drive. Pinagalitan ng ama ang driver sa kabila ng alam nitong hindi makatanggi si Mang Pedring sa kanya. Simula noon ay pinahihintulutan lamang siya ni Augusto na mag-drive kung kasama ito at iyon ay kung pupunta sila sa grocery, sa simbahan, o `di kaya ay sa commercial center upang nanood ng sine. Hindi siya kailanman pinahintulutan nitong gamitin ang sasakyan sa labas ng Greenhills.</p><p>Gusto sana niyang ipagmayabang sa kaibigang si Karen ang bagong kotse pero gagabihin siya kung pupunta pa siya sa Quezon City mula sa opisina ni Anya sa Ermita. Minabuti niyang sa kinabukasan na lamang sorpresahin ang kaibigan.</p><p>May ilang minuto na siyang nagmamaneho pero nasa dibdib pa rin niya ang excitement. Pumapasok na siya ng Greenhills East at paliko na sa isang intersection nang isang mabilis na kotse ang biglang patawid.</p><p>Mabilis na nagpreno ang dalaga at agad na kinabig pakanan ang kotse. Gahibla ang pagitan ng lamppost at ng kotse niya.</p><p>Kung hindi marahil sa mabilis niyang reflexes ay baka natumbok niya mismo ang tagiliran ng kotseng tumawid. Isa pa marahil na dahilan ay subconsciously natitiyak niyang kapag nalaman ni Anya kahit man lamang isang simpleng bangga ay hindi na siya nito pahahawakin ng manibela uli.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757390698146MP-2-2.png" style="width:700px" class="fr-fic fr-dib" alt="“Midnight Phantom” Chapter 2: Ang buhay ni Nadja kasama ang madrasta na si Anya | Part 2"/></div><div><br/></div><p>Pagalit niyang nilingon ang kotseng tumawid. Huminto ito sa tabi at bumaba ang sakay. Humihingal pa siya sa nerbiyos pero tinitiyak niyang makakatikim ang kung sino mang driver ng kotseng iyon. Mabilis siyang bumaba ng kotse upang salubungin ito.</p><p>“Are you all right?” The voice was low, rich and deep. “Thanks to you!” pasigaw niyang sabi. “Kung hindi ka ba</p><p>naman...” Nahinto siya sa pagsasalita in mid-sentence nang mapatingin sa lalaki. Wala sa loob na napahawak sa door handle. Hindi malaman kung ano ang sasabihin.</p><p>“I’m sorry, Miss. If there’s any damage, I’ll shoulder it.” Nakita niya ang paggalawan ng mga muscle sa mukha ng lalaki. Ganoon din ang bahagyang paniningkit ng mga mata dahil sa naging reaksiyon niya.</p><p>Mabilis siyang umiling. But she kept on staring. Enthralled. Bahagyang napaatras nang humakbang papalapit ang lalaki subalit agad ding huminto sa paglakad nang mapunang umatras siya.</p><p>“N-no... There’s no... damage at all...” aniya. Hindi maalis ang mga mata sa mukha nito.</p><p>“Are you hurt?” Matalim ang tono nito.</p><p>Umiling siyang muli. “I... am all right...” Pakiramdam niya ay nagbabara ang kanyang lalamunan.</p><p>“Kung ganoon ay ipagpaumanhin mo ang nangyari. Kasalanan ko dahil nagmamadali ako.” Isang card ang dinukot nito sa bulsa ng signature sport shirt at iniabot sa kanya. “Kung may problema, you can call this number...” Wala sa loob na inabot ni Nadja ang calling card.</p><p>She shivered a little nang maglakbay sa mukha niya ang mga mata ng lalaki. Pagkatapos ay tumalikod na ito pabalik sa sasakyan. Sinundan niya ito ng tingin sa bahagyang panginginig ng mga binti. Kung sa nerbiyos pa rin dahil sa muntik- muntikanan nang aksidente o dahil sa impact ng lalaki sa kanya ay `di niya matiyak.</p><p>The man was tall. An inch above six feet marahil. Physically firm. Nakatalikod na ito pero nakikita niya ang magandang katawan sa puting sport shirt na nakapaloob sa old faded denims. Some kind of a hunk. He wore his hair long and tied at the back, in the tradition of Lorenzo Llamas and Antonio Banderas.</p><p>Pero ang mukha ng lalaking iyon! He looked like... like a phantom. Yes! A phantom.</p><p>Or was he a fallen angel? Ibinagsak mula sa langit to rule the earth.</p><p>Wala na ang kotseng sinasakyan ng lalaki ay nakatayo pa rin doon si Nadja. Isang busina ng parating na sasakyan ang nagpabalik sa kanya mula sa isang tila hypnotic trance. Mabilis siyang pumasok uli sa kotse niya. Sinulyapan ang card sa kamay. “Brazil International Shipping and Cargo... Don Hernando Brazil, President...” Iyon ang nakalagay sa tila manipis na kahoy na calling card. Don Hernando Brazil. Umiling siya. “Hindi marahil ang lalaking iyon ang Don Hernando...” bulong ng dalaga bago pinaandar ang kotse. Taglay pa rin sa isip ang lalaki.</p><div><br/></div><p>ANG LALAKI ay si Nadja rin ang laman ng isip.</p><p>Maganda. Hindi lang basta maganda. He had seen a lot of beautiful faces here and abroad. Pero iba ang tingin niya sa isang iyon. Ang uri ng gandang hindi kumukupas kahit lumipas ang panahon. A classic beauty.</p><p>Isang mapanuyang tawa ang marahang pinakawalan nito. Kung may ibang taong nakapuna sa kanilang dalawa kanina, they could be the classic example of the beauty and the beast.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757391337671MP-2-3.png" style="width:700px" class="fr-fic fr-dib" alt=" “Midnight Phantom” Chapter 2: Ang buhay ni Nadja kasama ang madrasta na si Anya | Part 3"/></div><div><br/></div><p>At natitiyak niyang tatarayan siya kung hindi nito napagtuunan ang kanyang mukha. Nakita niya ang sindak sa magagandang mata nito. No. Tanggi ng isip niya. Hindi sindak ang nakita niya roon. Pagkamangha.</p><p>Karaniwan na ay takot at panghihinayang ang nakikita niyang unang nagiging reaksiyon ng mga nakakakita sa kanya. At sanay na siya roon. Pero hindi gayon ang nakita niya sa mukha ng babaeng muntik na siyang mabangga. Pagkamangha and more of curiosity. At hindi niya gagawing ipakita rito ang mukha kung hindi dahil sa kabiglaanan niya sa muntik nang aksidente. Kasalanan niya dahil nagmamadali siya. Nagpatawag siya ng meeting sa istasyon ng bandang alas-singko y medya.</p><p>Kahit minsan ay hindi niya ikinahihiya o ikinaiilang na makita ang bahaging iyon ng mukha niya. Not even with the women he went to bed with. At karamihan sa mga babaeng iyon ay hindi lang pang-one-night affair ang gusto. Pero bakit kanina ay parang pinagsisihan niyang hindi niya naibaba ang buhok upang matakpan ang kaliwang bahagi ng kanyang mukha.</p><p>Isang buntong-hininga ang pinakawalan niya. Isa sa isang milyon ang posibilidad na magkita pa silang muli. At kung sakaling magkita sila, by chance, natitiyak niyang maiilang ito sa kanya.<strong></strong></p><div><strong><br/></strong></div><div style="text-align:center"><br/></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-2-ang-buhay-ni-nadja-kasama-ang-madrasta-na-si-anya-part-3-0825"><strong>NEXT&gt;&gt;&gt; Chapter Two: Part 3 of 3<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Nadja meets a strikingly handsome man that looks like a phantom.</p>

PAGES Midnight Phantom: Nadja meets a strikingly handsome man that looks like a phantom.

“Midnight Phantom” Chapter Two: Ang buhay ni Nadja kasama ang madrasta na si Anya | Part 2/3

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Midnight Phantom” Chapter Two: Ang buhay ni Nadja kasama ang madrasta na si Anya | Part 2/3

Martha Cecilia

Published September 13, 2025 08:20 AM PHT

|

Updated April 10, 2026 11:10 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.