Ronnabelle Lora

“Midnight Phantom” Chapter Two: Ang buhay ni Nadja kasama ang madrasta na si Anya | Part 3/3

Article (news)

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>“HELLO, Yaya Melba,” bati ni Nadja sa matandang yaya. Hinagkan ito sa pisngi.</p><p>“Naitawag na ni Anya ang tungkol sa regalong kotse niya sa iyo, hija. Iniisip kong maaatraso ka ng uwi. Baka ipinasyal mo pa si Karen...”</p><p>“Sana nga po, Yaya, pero bukas na lang,” aniya habang lumalakad patungo sa hagdan. “Sosorpresahin ko na lang siya.” “Sana’y maging maingat kang lagi sa pagmamaneho, Nadja. Alam mo namang iyan ang dahilan ni Augusto noong nabubuhay pa ito kung bakit hindi ka niya gustong bilhan ng sasakyan noon pa man,” paalala ng matanda.</p><p>“I will be very careful, Yaya. Huwag kayong mag-alala ng Mommy. Magbibihis lang ho ako...” Tuloy-tuloy na siyang pumanhik. Hindi kailangang sabihin niya sa tiyahin at yaya ang nangyari wala pang sampung minuto ang nakararaan. Natitiyak niyang sesermunan siya.</p><p>Minsan ay gusto niyang masakal sa pagiging overprotective ng dalawang babae sa kanya mula nang mamatay si Augusto. Pero hindi niya masisi si Anya at si Yaya Melba. Mahal siya ng mga ito na tila tunay na anak. At mapalad siya sa pagkakaroon ng madrastang tulad ni Anya.</p><p>Labing-isang taon na siya nang dalhin at ipakilala ni Augusto si Anya sa kanya. Isa itong mang-aawit sa club na pag-aari ng daddy niya. Sa simula ay hindi niya gusto ang babae dahil sa isip niya ay pinalitan nito ang mommy niya. Pero nakita niya ang muling pagsigla ng ama. Bukod pa sa sinikap ni Anya na mapalapit sa kanya sa mga bibihirang pagkakataong nagpapanagpo sila.</p><p>Sa loob ng mga ilang linggo ay inuuwi ng daddy niya sa kanila si Anya. Paminsan-minsan ay doon pa natutulog kapag umaga dahil sa gabi ang trabaho nito sa club. Subalit malimit niyang marinig na nag-aaway ang dalawa. Minsan ay gising siya isang madaling-araw na dumating si Anya at ang daddy niya galing ng club. Pumasok ang mga ito sa silid at hindi nagtagal ay narinig niyang humiyaw si Anya.</p><p>Hindi niya gustong lumabas ng sariling silid at sumilip sa silid ng ama pero naririnig niya ang marahang pagdaing ng babae dahil hindi gaanong naisara ang pinto. Nagulat siya nang makitang sinasaktan ng daddy niya si Anya. Hindi siya makapaniwala. Akma niyang bubuksan ang pinto para awatin ito nang sa susunod niyang pagsilip ay nagyayakapan na ang dalawa. At dinig na dinig niya ang sinasabi ng daddy niya.</p><p>“Bakit gusto mong sinasaktan kita, Anya? Ako ang nahihirapan...”</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757391233252MP-2-4.png" style="width:700px" class="fr-fic fr-dib" alt=" “Midnight Phantom” Chapter 2: Ang buhay ni Nadja kasama ang madrasta na si Anya | Part 3"/></div><div><br/></div><p>“Love me, Augusto, now...”</p><p>Noon siya nalabasan ni Yaya Melba at mabilis na inilayo sa silid ng ama. Pinagalitan at pinagsabihang hindi mabuti ang paninilip at makinig sa pribadong usapan. Bagaman hindi na naulit iyon ay nakaukit sa isip niya ang pangyayari.</p><p>Hanggang sa mabalitaan niyang nakulong si Anya. Nabalitaan niya mula sa usap-usapan ng mga katulong na may sinaktang empleyado ng club si Anya. Ikinuha ng abogado ni Augusto si Anya at makalipas lamang ang dalawang araw na pagkakulong ay nailabas ito subalit ipinagpatuloy ng kabilang panig ang kaso. Ang ipinagtataka ng daddy niya ay kung bakit ang isang ordinaryong band member ay nagawang maipakulong si Anya at magkaroon ng mahusay na abogado.</p><p>Nang mga panahong iyon ay naghihisterya na si Anya sa takot at si Augusto sa matinding pag-aalala. Tiniyak ng abogado nilang mahihirapan sila dahil maimpluwensiya ang kalaban at malamang na makulong ang dalaga. Subalit sa isang hindi malamang kadahilanan ay iniurong ng kalaban ang demanda. Isang buwan pagkatapos ng pangyayaring iyon ay pinakasalan ni Augusto si Anya at nanatili na lamang sa bahay.</p><p>Nakita niyang maligaya ang pagsasama ng dalawa. Si Anya ay sinikap na maging kaibigan siya. At hindi naman naging mahirap para sa kanilang dalawa ang magkasundo. Natural na maalalahanin at mabait si Anya.</p><p>Ganoon pa man, may isang bagay siyang ipinagtataka sa mag-asawa. Hindi iisang beses niyang nalamang umaalis ang mga ito anumang oras sa araw o gabi tuwing may tinatanggap na tawag. Walang nakakaalam kung saan nagmumula ang tawag na iyon. Mahalagang business deal, ayon kay Augusto minsang tanungin niya ito. Pinaniwalaan ni Nadja iyon dahil ipinasara ng ama ang club para sa isang panibagong negosyo.</p><p>Nag-venture sa ibang negosyo si Augusto katuwang si Anya. Nahilig ang mga ito sa antique watches at iba pang mga antigong bagay. Antique buying and selling ang inihalili nito sa club at naging matagumpay naman.</p><p>Sa kasalukuyan ay may display store sila sa tatlong five-star hotel sa bansa. Ang building na dating club na ipina-renovate ng mag-asawa ay opisina na ngayon ang third floor. Ang fourth floor ay rented offices ng ibang mga kompanya. Ang second at ground floor ay display center.</p><p>At pinangangasiwaan ni Anya ang negosyo mula nang mamatay si Augusto. At siya ay nagpa-part-time doon kapag semestral break. At malamang na full-time na siya sa negosyo ng pamilya pagka-graduate niya sa susunod na linggo.<strong></strong></p><div><br/></div><div><strong><br/></strong></div><div style="text-align:center"><strong></strong><a href="https://www.abs-cbn.com/entertainment/studios/tv/2025/9/13/-midnight-phantom-chapter-3-nadja-kinilig-sa-sorpresa-mula-sa-paboritong-dj-part-1-0830"><strong>READ: Chapter Three: Nadja, kinilig sa sorpresa mula sa paboritong DJ</strong><strong></strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Nadja looks back on the troubling relationship of Anya and Augusto.</p>

PAGES Midnight Phantom: Nadja looks back on the troubling relationship of Anya and Augusto.

“Midnight Phantom” Chapter Two: Ang buhay ni Nadja kasama ang madrasta na si Anya | Part 3/3

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Midnight Phantom” Chapter Two: Ang buhay ni Nadja kasama ang madrasta na si Anya | Part 3/3

Martha Cecilia

Published September 13, 2025 08:25 AM PHT

|

Updated April 10, 2026 11:11 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.