Ronnabelle Lora

“Midnight Phantom” Chapter Three: Nadja, kinilig sa sorpresa mula sa paboritong DJ | Part 2/2

Article (news)

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>SA ISTASYON ng radyo ay walang hinto ang ring ng mga telepono. Nilapitan ni Mike si Brandon na ibinalik ang gitara sa pinagsabitan habang nakaipit sa leeg ang telepono mula sa isang nagsu-swoon na fan.</p><p>“Goodness, friend, hindi mo kailangang gawin iyon. We had enough commercials to last us a lifetime. Tingnan mo at nag-aapoy ang mga telepono,” ani Mike at umupo sa tabi ng kaibigan.</p><p>“I wonder what made me do it,” aniya matapos maibaba ang telepono. “I couldn’t resist it but I wanted to sing that song for her. Sa akin niya inihandog ang awiting iyon...” Matabang siyang ngumiti.</p><p>“Baka nakita ka na niya nang personal,” kaswal na sagot ni Mike.</p><p>Nagkibit siya ng mga balikat. Ang mga panggabing staff niya ay dadalawa. Si Mike at si Peter. Hindi magsasalita ang mga ito or talked about him outside the station. Natitiyak niya iyon.</p><p>“Karamihan sa mga tumatawag sa iyo’y sweet at magaganda ang boses, friend,” patuloy ni Mike. “At kung sinisilip mo lang ang mga nagpupunta dito sa istasyon para makita ka, you would have found out na karamihan sa mga iyon ay talagang magaganda at may mga sinasabi. But you were never interested...”</p><p>No one was allowed na makalapit man lamang sa booth. Dalawang pinto ang dadaanan bago makarating sa loob ng station booth. At sa unang pinto pa lamang ay dalawa na ang security guard. At kung sakaling sa hindi inaasahang pangyayari ay may makalusot bagaman imposibleng mangyari iyon, nakaharap ang kanang mukha niya sa malapit sa pinto habang natatakpan ng buhok ang kaliwang mukha.</p><p>“What made you do it, Bran?” curious na patuloy ni Mike. Huminga nang malalim si Brandon. Hindi rin niya alam kung bakit niya ginawa iyon. He liked the song. Isa sa mga gusto niya. And it was very ironic na sa kanya inihandog ng caller iyon. And he couldn’t resist the sweet voice ng tumawag kung sino man iyon. May mga naghahandog sa kanya ng awitin pero never na inihandog sa kanya ang particular na awiting iyon.</p><p>Wala sa loob na dinama niya ang kaliwang mukha. Nagtagis ang mga bagang at tumayo. Hindi niya gustong alalahanin ang nakaraan.</p><p>“Pete, take over,” aniya sa kaibigan na isa na ring DJ. “Gamitin mo ang tape. Uuwi na muna ako...”</p><p>Tinakpan ni Peter ang mouthpiece. “Gusto ka nilang makausap, Bran. You created a havoc sa mga listener mo,” natatawang sabi ng lalaki.</p><p>Itinaas ni Brandon ang dalawang kamay. “Tell them anything. You can even tell them to go to hell!” Lumabas siya sa isang secret passage patungo sa basement ng building kung saan naroon ang kotse niya.</p><p>Naiwang walang masabi si Peter paglabas niya. Si Mike ay inilahad ang dalawang kamay at nagkibit ng mga balikat. Alam nilang nasisira ang mood ni Brandon kapag naaalala ang nakaraan.</p><p>Kahit minsan ay wala pang fans na nakakita sa Midnight Phantom. Pag-aari niya ang istasyon ng radyo at ang iba pa sa buong bansa kung saan ipinaubaya na niya kay Mike ang pamamahala sa mga ito.</p><p>At ang papa niya ay may kung ilang beses nang ipinapasa sa kanya ang gawaing pamamahala sa iba pang negosyo ng pamilya subalit tumatanggi siya sa kadahilanang hindi niya gustong humarap sa mga tao.</p><p>Isang malalim na buntong-hininga ang pinakawalan niya. Ang nangyari sa kanya sampung taon na ang nakalilipas ang siyang dahilan kung bakit lumalayo siya sa tao. Ang sakit ng damdaming idinulot ni Anya sa kanya. Ang babaeng pinag- ukulan niya ng matinding pagtingin. Handang ipaglaban sa mga magulang sa sandaling malaman ng mga ito ang tungkol sa babae.</p><p>Hanggang ngayon ay hindi niya maunawaan ang ginawa nito. Isang linggo matapos ang pangyayaring iyon sa dressing room ay ipinadala siya ng ama sa Amerika na naka-bandage pa rin ang kaliwang mukha upang doon tuluyang magpagaling. Hindi niya natanggihan ang pagpapaalis sa kanya ng mga magulang palabas ng bansa.</p><p>Nanatili siya sa Amerika sa loob ng mahigit walong taon. Pinatigas ng pangyayaring iyon ang damdamin niya. No woman could come close bagaman may mga nagsisikap na abutin siya. Ang mga babae sa buhay niya ay naroon lamang only to satisfy his physical needs.</p><p>And very ironic na hindi naging hadlang ang kaliwang pisngi niya para hindi asamin ng mga itong sana ay i-date niyang muli. Siguro ay iba ang mga foreigner. Pero hindi niya maitatangging walang babae siyang dinala sa kama na hindi niya napaligaya. And that must be the reason maliban pa sa financial niyang kakayahan. At galante siya sa dalawang bagay na iyon, sex and money.</p><p>Ipinarada niya ang Mercedez sports sa garahe. Pagkatapos ay pumasok sa kabahayan gamit ang sariling susi. Sa bar siya nagtuloy. Nagsalin ng alak sa kopita.</p><p>“Maaga ka yata ngayon, Bran.” Si Don Hernando. “Kumusta ang board meeting ninyo kanina, Papa?” pag-</p><p>iwas niya sa tanong ng ama. Dinala sa bibig ang kopita and took one swallow.</p><p>“Tulad din ng dati, hijo,” bagot na sagot ng matandang lalaki. Palakad-lakad ito sa likuran ni Brandon. Isang buntong- hininga ang pinakawalan. “Gusto kong magbiyahe patungong Europa, Bran. At my age, I am not supposed to be in the boardroom anymore. At ayoko ng ginagawa mo sa sarili mo. Nagtatago ka sa tao when you can do something about that damned face a long time ago kung ginusto mo lang.”</p><p>“Iyon ang punto, Papa. Hindi ko gustong ipabago ang mukha ko.” Tuluyan nitong sinaid ang laman ng kopita.</p><p>Lumalim pang lalo ang mga linya sa noo ng matandang lalaki. “Pero bakit, hijo? Hindi ko naiintindihan ang ginagawa mong ito. Hindi mo gustong magpa-plastic surgery pagkatapos ay nagtatago ka sa tao. Nabubuhay sa dilim tulad niyang alyas mo!” Hindi ikinakaila ni Don Hernando ang galit sa tinig.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757392241016MP-3-3.png" style="width:700px" class="fr-fic fr-dib" alt="“Midnight Phantom” Chapter 4: Nadja, nalaman ang tunay na pagkatao ni Midnight Phantom! | Part 2"/></div><div><br/></div><p>“Just because of that good-for-nothing woman ay sinira mo ang sarili mo.”</p><p>“`Pa, replay na ito ng mga nakaraang usapan. Sa loob ng sampung taong nagdaan ay hindi ko na mabilang ang pagpipilit ninyong ipaayos ko ang mukha ko. At iisa ang sagot ko roon, ayoko,” mariing sagot nito na humakbang patungo sa hagdan. Wearily ay sinundan ng tanaw ni Don Hernando ang anak.</p><p>“At hindi mo sinasagot ang tanong ko kung bakit, Brandon. Namin ng mama mo noong nabubuhay pa ito. Now, will you at least tell me why?” Naguguluhan at nakikiusap ang tinig ni Don Hernando.</p><p>“My face is a constant reminder that women cannot be trusted,” walang emosyong sagot nito nang hindi lumilingon at patuloy sa pagpanhik.</p><p>“Your mother loved me and you, Brandon,” hiyaw ni Don Hernando sa anak na malapit na sa itaas. “Just in case you have forgotten...”</p><p>Sandaling huminto sa paghakbang si Brandon. “She’s one in a million...” banayad nitong sagot. Mahihimigan sa tinig ng ama ang lungkot. Tatlong taon na mula nang mamatay si Donya Andrea at alam niyang hanggang ngayon ay hindi pa nakaka-recover nang tuluyan ang ama. Isa sa mga dahilan kung bakit atubili rin siyang akuin ang pamamahala sa negosyo. Tinutulungan nito ang ama na huwag malunod sa matinding pangungulila sa asawa.</p><p>“Whether you like it or not, son, aalis ako patungong Europa. Pamahalaan mo ang mga negosyong sa iyo rin mapupunta. And do something about that marked face, Brandon, and get back to life!” hiyaw ni Don Hernando mula sa ibaba. Nag-echo iyon sa magarang mansiyon subalit isang marahang pagbagsak ng pinto ang tanging sagot ng binata.</p><p>Nanlulumong umupo sa sofa ang matandang lalaki. Gusto nitong ipapatay ang babaeng naging dahilan ng pagbabago ng ugali at pananaw sa buhay ng kaisa-isang anak. Binalak niya itong mabulok sa bilangguan subalit si Brandon mismo ang mahigpit na nakiusap na ihinto na ang kaso laban kay Anya. Na kung hindi gagawin ni Don Hernando ay uuwi at uuwi ito sa Pilipinas.</p><p>Walang nagawa si Don Hernando kundi sundin ang anak.<strong></strong></p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-4-nadja-nalaman-ang-tunay-na-pagkatao-ni-midnight-phantom-part-1-0840"><strong>READ: Chapter Four: Nadja, nalaman ang tunay na pagkatao ni Midnight Phantom! </strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Brandon is intrigued by his caller, Nadja, and later has an argument with his father.</p>

PAGES Midnight Phantom: Brandon is intrigued by his caller, Nadja, and later has an argument with his father.

“Midnight Phantom” Chapter Three: Nadja, kinilig sa sorpresa mula sa paboritong DJ | Part 2/2

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Midnight Phantom” Chapter Three: Nadja, kinilig sa sorpresa mula sa paboritong DJ | Part 2/2

Martha Cecilia

Published September 13, 2025 08:35 AM PHT

|

Updated April 10, 2026 11:12 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.