Ronnabelle Lora

Article (news)

Midnight Phantom by Martha Cecilia

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><div style="text-align:center"><strong>CHAPTER FOUR</strong></div><div><br/></div><p>Maaga pa kinabukasan ay nasa Fairview na si Nadja upang sunduin ang kaibigang si Karen. Tatlong busina ang pinakawalan niya bago lumabas ang kaibigan.</p><p>“Surprise, surprise!” Nakatawang binuksan niya ang bintana. “Wow!” bulalas ni Karen. Buong paghangang hinagod ng tingin ang kotse. “Latest model, ha.” Yumuko at sinilip ang loob. “At loaded. Finally ay nahikayat mo ang mommy mo, ha?” “I was hoping against hope na tuparin niya ang pangakong binitiwan ni Daddy noon na ibibili ako ng kotse sa graduation basta mapanatili ko ang honors,” nakangising sagot niya. “And you’ve got it a week bago ang graduation natin, chika. Parang gusto kong mainggit.” Nasa mga mata nito ang paghangang muling hinagod ang sasakyan.</p><p>“Ask your brother. Surely, sa dami ng trabaho ng kuya mo, can afford kang bilhan ng isang kotse. Lalo at kaisa-isa kang kapatid.”</p><p>Lumabi si Karen. Pagkatapos ay umiling. “Duda ako roon. Kung overprotective ang stepmom mo, ten times over ang kuya ko. Alam mo namang siya na halos ang nagpalaki sa akin mula nang mamatay ang mga magulang namin...” Nagkibit ito ng mga balikat. “Anyway, halika muna sa loob.”</p><p>Bumaba si Nadja ng kotse at sumunod sa kaibigan. Last semester ay magkakilala na sila ni Karen dahil isang subject ang magkaklase sila pero hindi sila nagkaroon ng pagkakataong maging malapit sa isa’t isa. Subalit nitong semester na ito ay dalawang subject ang magkaklase sila at pareho pa ng vacant time. Naging daan iyon upang magkalapit at magkahulihan sila ng loob. Tulad niya, tahimik at hindi rin gaanong sociable si Karen. Halos pareho sila ng mga gusto at hindi gusto.</p><p>“Hindi pa ako nag-aalmusal,” patuloy ni Karen na nilingon siya. “Ang aga mo naman kasi at hindi mo man lang ako tinawagan na pupunta ka rito...”</p><p>“Well, baka kasi makaalis ka. Alam mo na, ipagyayabang ko sa iyo ang bago kong possession...”</p><p>“Okay lang. You can join us for breakfast...” Tumaas ang mga kilay ni Nadja. “Us?”</p><p>“Hindi pa nakakaalis si Kuya. Mabuti naman nang makilala ka niya. He usually goes to the office before lunch kaya `pag dumarating ka dito ay wala siya. Although ngayon ay may meeting sila sa opisina kaya maagang nagising.” May kislap sa mga mata nito na tumitig sa kanya. “Alam mo, may hitsura naman ang kuya ko, `di ba, at binata pa...”</p><p>“Hrmp. I don’t like the sound of it.” Umikot ang mga mata niyang napapailing.</p><p>Ito ang ikatlong pagkakataon niyang mapadalaw sa bahay ng kaibigan pero minsan man ay hindi pa niya nakikita ang kapatid nito nang personal maliban sa larawan nitong nakakuwadro sa ibabaw ng piano.</p><p>Sinamahan niyang mag-almusal si Karen pero humingi lang siya ng coffee.</p><p>“Are you sure na iyan lang ang gusto mo?”</p><p>“Nag-almusal na po ako. Ang aga ko ngang nagising. Nagulat pa ang stepmother ko, eh...” nakangisi niyang sabi. “Muntik ko na ngang itabi sa pagtulog ko ang kotse ko, eh...” “Ganoon, ha?” natatawang sagot ni Karen na sinalinan siya ng brewed coffee.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757398172092MP-4-1.png" style="width:700px" class="fr-fic fr-dib" alt="“Midnight Phantom” Chapter 4: Nadja, nalaman ang tunay na pagkatao ni Midnight Phantom! | Part 1"/></div><div><br/></div><p>“May bisita ka, Karen?” Napalingon pareho ang dalawa. “Nakabihis ka na pala, Kuya. Halika at ipakikilala ko sa iyo ang best friend ko. Si Nadja. Nadj, ang Kuya Mike ko,” pakilala nito. Pagkatapos ay bahagyang kumindat sa kaibigan. “O, ano’ng sabi ko sa iyo?”</p><p>“How are you, Nadja?” bati ni Mike na inilahad ang kamay na tinanggap naman ng dalagang napigil ang pagpukol ng matalim na tingin sa kaibigan.</p><p>Pumuwesto si Mike sa kabisera at nagsalin ng sariling kape sa tasa. “How long have you been friends?” Kay Nadja nito ipinukol ang tanong. Hindi maiwasang hindi humanga sa magandang dalaga.</p><p>“Ito lang sem na ito,” sagot ng dalaga. Kung hindi siya nagkakamali ay nasa early thirties ang kapatid ni Karen. Magandang lalaki at tipikal na executive at hindi nakakailang ang personalidad.</p><p>“Oh, well, mabuti naman at may naging kaibigan agad si Karen. Medyo mahiyain ang kapatid kong ito, Nadja. Marahil dahil nang magkolehiyo siya ay ilang escuelahan din ang palipat- lipat niyang pinasukan. Hindi siya nagkaroon ng permanenteng mga kaibigan...”</p><p>“Paano namang hindi mangyayari iyon, Kuya, eh, nitong mga nakalipas na taon ay palipat-lipat ka ng assignment,” ani Karen na umabot ng toasted bread.</p><p>“Nabanggit ngang minsan sa akin ni Karen na palagi mo siyang isinasama `pag na-assign ka sa ibang lugar...”</p><p>“Ganoon nga. Hindi ko naman kasi siya maaaring iwang mag-isa. Mahirap talaga ang trabaho ko. Anim na buwan sa ganoon at ganitong lugar. Minsan naman ay sandali lang. Pero `pag ganoon ay pinatatapos ko na ang semester kay Karen bago kami umuuwi rito. At kung linggo lang naman ang itatagal ko sa isang lugar ay hindi na kailangang isama ko pa si Karen,” kaswal na sagot ni Mike.</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-3-nadja-kinilig-sa-sorpresa-mula-sa-paboritong-dj-part-1-0830"><strong>Chapter Three &lt;&lt;&lt; PREVIOUS<br/></strong></a></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-4-nadja-nalaman-ang-tunay-na-pagkatao-ni-midnight-phantom-part-2-0845"><strong>NEXT&gt;&gt;&gt; Chapter Four: Part 2 of 3<br/></strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Nadja meets the older brother of her best friend, Karen.</p>

PAGES Midnight Phantom: Nadja meets the older brother of her best friend, Karen.

“Midnight Phantom” Chapter Four: Nadja, nalaman ang tunay na pagkatao ni Midnight Phantom! | Part 1/3

News

Entertainment

Lifestyle

Sports

Metro.Style

More

Traffic

Manila

Horoscope

TV

“Midnight Phantom” Chapter Four: Nadja, nalaman ang tunay na pagkatao ni Midnight Phantom! | Part 1/3

Martha Cecilia

Published Sep 13, 2025 08:40 AM PHT

|

Updated Sep 13, 2025 09:11 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.