Ronnabelle Lora

Article (news)

Midnight Phantom by Martha Cecilia

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><div style="text-align:center"><strong>CHAPTER FIVE</strong></div><div><br/></div><p>“Ipagpaumanhin mo, Miss dela Merced, pero kailangan ko nang bumalik sa mikropono...”</p><p>“Oh, please...”</p><p>Napatingala si Brandon. He couldn’t resist the plea in her voice. He sighed. “Nice talking to you, Nadja...” At ibinalik ang receiver ng telepono nang mabigat ang dibdib.</p><p>Matagal nang nakababa ang telepono ay nakatitig pa rin dito ang dalaga. “You can’t get away that easy, Midnight Phantom. Ipinangangako kong magkikita tayo,” determinado niyang sabi. Ibinagsak ang sarili sa kama at tumitig sa kisame. “... kung paano ay hindi ko pa alam.” Isang buntong-hininga ang pinakawalan niya bago muling itinuon sa radyo ang pansin. On the air na ang DJ at muli ay nangarap ang dalaga.</p><div><br/></div><p>SA ISTASYON ay kausap ni Brandon si Mike sa pagitan ng commercial break.</p><p>“She’s beautiful, Bran. Hindi ko na sinabi sa iyo dahil ano naman ang silbi? I warned Karen pero mukhang naipakita pa rin sa kanya ang litrato mo. She was so excited nang malamang I worked here. Wala namang unusual doon. Tulad din ng ibang mga listener mo,” paliwanag ni Mike na nagtataka sa kuryosidad ng kaibigan.</p><p>“Gusto ko siyang makita, Mike...” “What?”</p><p>“I am intrigued by her. And I like the sound of her voice.”</p><p>Natawa si Mike. “Hindi siya ang unang babaeng tumawag sa iyong may magandang boses, Bran. Why the curiosity?”</p><p>Nagkibit ng mga balikat si Brandon. Hindi niya kailangang sabihin sa kaibigan na sa dalawang pagkakataong nakausap niya sa telepono ang dalaga ay parang may kung anong bagay ang bumubugbog sa dibdib niya and also the sudden tightening of his stomach.</p><p>“Gusto mong makita ka niya?” Hindi maiwasan ni Mike ang bahagyang excitement at galak sa tinig. Sa kauna-unahang pagkakataon sa loob ng mga taon ay nagkaroon ng interes sa ibang babae ang kaibigan.</p><p>Umiling si Brandon. “No. I will attend the graduation rites. Tamang-tama dahil naroon ka rin para kay Karen, `di ba?” Nagsasalubong ang mga kilay na tumango si Mike “I will see her from a distance. Hindi ako magtatagal. Gusto ko lang ma-satisfy ang curiosity ko.”</p><p>“Oh, you will be satisfied, Bran, dahil maganda ang classmate na ito ni Karen. Young and beautiful...”</p><p>Muling nagkibit ng mga balikat si Brandon at ini-on ang mikropono upang bumalik sa ere.</p><div><br/></div><p>ARAW ng graduation at nakahanda na si Nadja.</p><p>“Mommy Anya, are you ready?” Kinatok niya ang silid ng madrasta. Bumukas ang pinto at sumungaw si Anya na sinuyod siya ng tingin.</p><p>“You’re stunning, darling...” Nasa mga mata ang paghanga at adoration para sa stepdaughter.</p><p>“Ikaw rin, Mommy. You’re only thirty-nine and still very pretty. I wonder why you aren’t entertaining admirers gayong alam kong marami riyang gustong makipag-date sa iyo. I wouldn’t mind, Mom...”</p><p>“Oh, but I mind. Hindi ako interesado sa kanila. I loved your father, Nadja. Ibinigay niya sa akin ang tsansang bihira lang dumating sa buhay ng isang tao by loving me in return. At hindi lang ako, lahat ng mahalaga sa akin.” May namuong luha sa mga mata nito.</p><p>Natatawang itinaas ng dalaga ang dalawang kamay. “All right, all right, this is supposed to be a happy occasion. Nagiging emosyonal tayo. Saan nga pala tayo magse-celebrate afterwards, Mom?”</p><p>“Saan mo gusto, hija? Via Mare o Manila Penn?” “Manila Penn siyempre...”</p><p>“Manila Penn kung ganoon. Kung nakahanda ka na ay tayo na.”</p><div> </div><p>ALAM ni Brandon na halos may isang oras nang nakapagsisimula ang programa nang dumating siya. Sinadya niya iyon upang walang gaanong makapansin sa kanya.</p><p>Nakita na ng binata ang kotse ni Mike sa parking area na kung saan siya nag-double park. May ilang kababaihan ang hindi maiwasang tapunan ng tingin ang binata na ang mahabang buhok ay nakalugay at tumatakip sa isang bahagi ng pisngi. Subalit hindi niya maiwasang makatawag ng pansin. Tall and hunk at ang mahabang buhok ay nagdagdag ng atensiyon.</p><p>At hindi maiwasang liparin ng hangin ang buhok ng binata habang naglalakad sa university compound at matambad sa ibang nakakasalubong nito ang kabilang mukha. Napapahinto sa paglakad ang mga iyon na kinabakasan ng pangingilag ang mga mukha. Ang iba naman ay panghihinayang ang nasa mga mata para sa isang matangkad at machong lalaki na may ganoong mukha. Ang iba ay lantarang nagtatawa.</p><p>Lahat ng iyon ay hindi pinansin ng binata at nagpatuloy sa lugar na pagdarausan ng programa. Inikot ni Brandon ang mga mata sa mga naroon. Iba ang upuan ng mga graduate kaysa sa mga guest. At bukod sa matagal nang panahong hindi nito nakikita si Karen ay nakatalikod pa ang mga ito sa kanya kaya hindi niya malaman kung alin ang dalaga sa pare-parehong suot ng mga ito, itim na toga. Sinuyod ng mga mata niya si Mike. Nakahalo ito sa iba pang mga magulang at bisita.</p><p>Lahat ng mga tao ay nakatutok sa stage ang mga mata para sa mga nagtatapos. Pumapalakpak sa bawat tumatanggap ng diploma.</p><p>Inabot na siya ng pagkainip at nawala na sa isip na “M” ang kasunod na tinatawag. Binalak na niyang umalis na lang nang tawagin ng nasa stage ang kasunod na ga-graduate.</p><p>“Nadja Ann dela Merced, cum laude...”</p><p>Isang masigabong palakpakan mula sa mga tao ang maririnig. Nanlaki ang mga mata niya nang makita ang dalagang pumanhik sa stage upang tanggapin ang karangalan at diploma.</p><p>Ang babaeng muntik na siyang mabangga! The young woman with a classic beauty!</p><p>Sandali lang ang pagkabigla niya. “Ang akala ko’y isang milyon sa isa ang posibilidad na makita kitang muli. I am not disappointed. You are worth my time, young lady,” usal niya. Napangiti sa coincidence. So the voice matched the personality. Nang matuon ang paningin niya sa isa pa uling babaeng pumapanhik sa stage. Walking regally like a queen. At sa pakiramdam niya ay nawalang lahat ang dugo sa mukha niya.</p><p>Si Anya!</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757573485438MP-5-1.png" class="fr-fic fr-dib" alt="“Midnight Phantom” Chapter 5: Brandon, pumayag na makipagkita kay Nadja | Part 1" style="width:700px"/></div><div><br/></div><p>Hindi siya maaaring magkamali. Si Anya ang babaeng nagsasabit ng medalya kay Nadja Ann dela Merced. Hindi gaanong binago ng sampung taong nagdaan ang magandang mukha nito. Maturity became her. Matagal niyang itinuon ang mga mata kay Anya kasabay ng pagtatagis ng mga bagang. Bahagyang kinapa ang kaliwang bahagi ng pisngi.</p><p>“Augusto dela Merced...” bulong ni Brandon sa nagtatagis na mga ngipin. “Nadja... Nadja dela Merced...” Ibinalik niya ang paningin sa stage. Hindi niya malaman kung sino ang pilit na inaaninaw ng mga mata. Ang batang babae o ang nakatatanda?</p><p>Tiim-bagang na marahang tumalikod si Brandon matapos na bigyan ng huling sulyap ang dalawang babae sa stage. Mabilis na lumakad patungo sa kotse niya. Dinampot ang CP at may idinayal.</p><p>“Sanchez... Brandon Brazil. Yup. May ipatatrabaho ako sa iyo and I want it fast. Use all resources and work overtime dahil kailangan ko ang report mo sa Lunes ng hapon...” Matapos ang ilang sandaling pag-uusap ay ini-off nito ang CP. Pagkatapos ay tumaas ang isang sulok ng mga labi.</p><p>“Matutupad ang mithiin mo, Nadja Ann dela Merced.</p><p>Magkikita tayo!”</p><div><br/></div><p>“WERE you there?” tanong ni Mike kina-Lunesan ng gabing magkita sila ng kaibigan sa opisina ng istasyon. Ibang programa ang nakaere kapag araw ng Sabado at Linggo sa airtime ni Brandon.</p><p>Isang makahulugang ngiti ang pinakawalan ng binata. Itiniklop ang folder na dinala ni Sanchez sa mansiyon kanina lang.</p><p>Itinaas ang mga paa sa mesa. “Yeah...”</p><p>“At alam mong...”</p><p>“Si Nadja ay anak ni Augusto dela Merced. At pinakasalan nito si Anya two months after I left for the States,” mabilis niyang dugtong kasabay ng pagtaas ng isang sulok ng mga labi. “Ngayon ako naniniwalang napakaliit lang talaga ng mundong ginagalawan ng tao, Mike...”</p><p>“Nagulat din ako pero hindi ako nagpahalata kay Karen. Bagaman nagtaka lang ang kapatid ko kung bakit hindi ko nilapitan at kinamayan si Nadja. Natitiyak kong makikilala ako ni Anya, Bran. Natitiyak kong maiilang siya. Isa pa, magtatanong tiyak si Karen, ganoon din si Nadja. At hindi iyon akma sa ganoong okasyon.”</p><p>Inihilig ni Brandon ang ulo sa sandalan ng swivel chair at tumitig sa kisame ng opisina. “Tama ang ginawa mo, Mike...” “So now curiosity satisfied...” Sa pagitan iyon ng tanong at pangungusap. Hindi nito gusto ang nakikita sa mga mata ng kaibigan.</p><p>Isang makahulugang ngiti ang ibinigay ni Brandon kay Mike. Tumuwid ng upo at tumitig sa kaibigan. “I’ll see her again, Mike,” may katiyakan nitong sabi.</p><p>Nagsalubong ang mga kilay ni Mike. “Her who? The stepmother or the stepdaughter?”</p><p>“Definitely the stepdaughter.” Naroon ang katiyakan sa tinig ng binata.</p><p>Pinanlakihan ng mga mata si Mike. “You’re kidding, Bran!” “Tinitiyak ko sa iyong hindi. May palagay akong nagsisimula na ang excitement sa boring kong buhay, my friend. Tinawagan ko si Karen kani-kanina lang. Nakaalis ka na and I asked Nadja’s phone number. She was only too excited na ibigay sa akin ang numero ng telepono ng kaibigan...”<strong></strong></p><div><br/></div><div><a href="https://www.abs-cbn.com/entertainment/studios/tv/2025/9/13/-midnight-phantom-chapter-5-brandon-pumayag-na-makipagkita-kay-nadja-part-2-0900"><strong><br/></strong></a></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-4-nadja-nalaman-ang-tunay-na-pagkatao-ni-midnight-phantom-part-1-0840"><strong>Chapter Four &lt;&lt;&lt; PREVIOUS<br/></strong></a></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-5-brandon-pumayag-na-makipagkita-kay-nadja-part-2-0900"><strong>NEXT&gt;&gt;&gt; Chapter Five: Part 2 of 2</strong></a><strong><br/></strong></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Brandon attends Nadja’s graduation to satisfy his curiousity and unexpectedly sees a familiar face.</p>

PAGES Midnight Phantom: Brandon attends Nadja’s graduation to satisfy his curiousity and unexpectedly sees a familiar face.

“Midnight Phantom” Chapter Five: Brandon, pumayag na makipagkita kay Nadja | Part 1/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Midnight Phantom” Chapter Five: Brandon, pumayag na makipagkita kay Nadja | Part 1/2

Martha Cecilia

Published Sep 13, 2025 08:55 AM PHT

|

Updated Sep 13, 2025 09:20 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.