Ronnabelle Lora

Article (news)

Midnight Phantom by Martha Cecilia

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>Kinabahan si Mike sa nakikitang kislap sa mga mata ng kaibigan. “Brandon, kung may binabalak ka sa anak ni Augusto dela Merced ay kalimutan mo. You’ll scare her...”</p><p>“Maybe... and maybe not. Alinman sa dalawa ay problema ko na, Mike,” mariing wika nito sa nakatiim na mukha.</p><p>“Brandon...”</p><p>Hindi siya pinansin ni Brandon. Dinampot ang telepono at sinulyapan ang desk calendar kung saan niya isinulat ang mga teleponong idinikta ni Karen. Kompleto ang report ni Sanchez pero gusto niyang matiyak kung aling linya ang personal na sasagutin ni Nadja Ann. Nakaapat na telephone ring bago may sumagot.</p><p>“Hello...” Si Nadja na nagising sa tunog ng CP niya. Her voice with its unforgettable huskiness from sleep.</p><p>Sandaling hindi sumagot si Brandon. He could not explain the sudden pounding of his chest.</p><p>“Hello, sino ito?” pag-ulit ni Nadja na nakapikit pa.</p><p>Isang ngiti ang pinakawalan ni Brandon. “Did I wake you up, sleeping beauty?”</p><p>Tuluyang nagising si Nadja sa tinig na iyon. Napadilat ang mga mata at idinikit sa tainga ang telepono.</p><p>“S-sino ito?” Sunod-sunod ang kabang bumangon sa dibdib.</p><p>Wala sa mga male friend niya ang may boses na ganoon. “You’re not very good for my ego, princess. Akala ko pa naman ay walang kahawig ang boses ko.” May amusement sa tinig nito na tumingin kay Mike na iiling-iling at kinakabahan sa ginagawa ng kaibigan.</p><p>Brandon could charm the birds from the trees kung gugustuhin nito. At kasabay niyon, isa ring masamang kaaway. “M-Midnight... Phantom?” Halos pigilan ni Nadja ang paghinga. It couldn’t be! She’s still asleep and must be dreaming. “Now you’re forgiven.” Sinundan nito iyon ng marahang pagtawa na lalo lang nagpabilis sa pintig ng puso ni Nadja.</p><p>“Y-you’re not on the air.” Sinulyapan niya ang relo sa tabi ng night lamp. Eleven thirty. Ibang DJ ang nasa programa nito kaya minabuti niyang huwag na lang makinig at matulog.</p><p>“May inasikaso akong... mahalagang bagay, princess,” amused nitong sagot in his very charming voice that no one would ever dare to resist. “I went to your graduation...”</p><p>“Y-you’re kidding...”</p><p>“Believe me, I was there, Nadja Ann dela Merced. Congratulations, Miss Cum Laude. Hindi ako nagtagal at hindi na ako nagpakita.”</p><p>“Why?” naguguluhang tanong niya. Inayos ang sarili at sumandal sa headboard.</p><p>“Gusto kitang makita,” ani Brandon na tumaas ang mga kilay sa amusement. Nararamdaman niya ang excitement at confusion sa tinig ng dalaga and it made her voice sound huskier. “That’s unfair. Bakit hindi ka nakipagkita sa akin kung talagang naroon ka?” Hindi pa rin siya makapaniwala sa naririnig. Tinawagan siya ng Midnight Phantom!</p><p>“I have my reasons,” pormal na sagot ni Brandon. Sa pagkakataong iyon ay nawala ang ngiti sa mukha at amusement sa tinig. Pagkatapos ay idinagdag, “Want to have lunch with me?”</p><p>Biglang napatayo si Mike sa kinauupuan sa narinig. “Lunch with you!” bulalas ni Nadja sa matinding pagkabigla. “Yes. May nakagugulat ba roon?” Muli ay ang amusement sa tinig. “Are you free tomorrow afternoon?”</p><p>“Of course!” agap niya. Pagkatapos ay biglang bumawi.</p><p>Napahiya sa eagerness. “I mean...”</p><p>Sinalo ni Brandon ang pagkapahiya niya. “You mean we both want to see each other, again.” Binigyang-diin nito ang huling salita na nakapagkunot ng noo ni Nadja.</p><p>Ang ibig sigurong sabihin ni Brandon ng “again” ay dahil nga nakita na siya nito kahapon.</p><p>“P-paano tayo magkikita?” Sarisari na ang nasa dibdib ng dalaga. Excitement, kalituhan, pagtataka, pag-aalala, at takot sa pagsang-ayong makipagkita sa misteryosong phantom na ito.</p><p>“Saan ka nakatira?” patuloy ni Brandon.</p><p>Ang mukha ni Mike ay hindi na maipinta at palakad-lakad sa loob ng opisina.</p><p>“G-Greenhills East, number...”</p><p>“Nasa main gate ako, east side. I’ll be there around one o’clock. Mercedes sports, black,” maagap nitong sabi. “Go back to sleep, my princess, and dream of me...” Bago pa may nasabi si Nadja ay ibinaba na nito ang telepono.</p><p>“Brandon, this is crazy! Hindi ko gusto kung anuman ang binabalak mo...”</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757576035824MP-5-2.png" style="width:700px" class="fr-fic fr-dib"/></div><div><br/></div><p>“You don’t have to like it, Mike.” Tumayo ito at dinampot ang susi ng kotse. “Uuwi na muna ako...”</p><p>“Brandon, ano ang kinalaman ni Nadja sa kasalanan sa iyo ni Anya? Ni hindi sila magkamag-anak. Kahit si Augusto ay walang kasalanan sa iyo.”</p><p>“Ganti-ganting katwiran, magbayad ang may utang. Iyon ba ang kasabihan sa Tagalog?” nanunuyang tanong nito sa kaibigan. “Kung nakakalimutan mo, si Anya ang may kagagawan ng nasa mukha mo at hindi ang anak ni Augusto dela Merced!” pagalit na sabi ni Mike. Alam nitong hindi ang pisikal na kapansanan ang nais na ipaghiganti ng binata. Kung iyon lang, Brandon could have done something about it a long time ago. “She is her stepdaughter, Mike. At sa nalaman ko mula kay Sanchez, parang tunay na anak ang turing ni Anya kay Nadja. She adored and loved her na handa niyang ibigay ang buhay para dito. Augusto died fourteen months ago at si Anya na ang namahala sa mga negosyong naiwan nito. At hindi na muling nag-asawa si Anya...” walang emosyong sagot nito na lumakad patungo sa pinto.</p><p>“Sampung taon na ang nakaraan mula noon, friend. Hanggang ngayon ba naman ay hindi ka pa rin nakakalimot? You could have met and married a nice woman kung ginusto mo...” “Nakakulong ako sa ginawa ni Anya, Mike,’’ mariing sagot nito. Nagtagis ang mga bagang.</p><p>“Then let her pay for her sins, hindi si Nadja. Biyuda na si Anya, Bran. Higit na maganda dahil nabihisan nang husto. Tila reyna kung kumilos...”</p><p>“Sa palagay mo ba ay masisiyahan ako roon, Mike? Titiyakin ko sa iyong masasaktan siya sa gagawin ko. Tulad ng sakit na dinanas ko sa ginawa niya sa akin...” Nakita ni Mike ang determinasyon sa mukha ng kaibigan. Ang matinding galit, the pain and bitterness. Sa loob ng mahabang panahon, tila nagkaroon ng buhay ang kaibigan. At kilala nito si Brandon. Natitiyak nitong hindi mapipigilan ang binata sa anumang nais gawin.</p><p>Isang buntong-hininga ang pinakawalan ni Mike. “Well, I hope na ma-disappoint sa iyo ang babaeng iyon, Brandon. O kung gusto mo ng brutal na salita, matakot sa iyo!”</p><p>Isang nakatutuyang ngisi ang pinakawalan ni Brandon. “Matakot man siya o hindi, wala siyang choice, Mike...” At tuluyan na itong lumabas.</p><p>Si Mike ay hindi malaman ang gagawin. Natitiyak niyang may hindi mabuting binabalak si Brandon kay Nadja. Matalik niya itong kaibigan. Hindi lang basta kaibigan, higit pa sa magkapatid ang turingan nilang dalawa. Saksi siya kung ano ang naging epekto sa kaibigan ng ginawa ni Anya sampung taon na ang nakararaan. Brandon had never been the same again. He became a hard man. Hindi sa ibang tao kundi sa mismong sarili. At marami siyang utang-na-loob dito. Pero tatayo na lang ba siya at magbingi-bingihan sa kung anumang balak nitong gawin?</p><p>Paano niya maipagsasanggalang si Nadja rito nang hindi siya nagtataksil sa pagkakaibigan nila ni Brandon?<strong></strong></p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-6-brandon-sinubukang-takutin-si-nadja-part-1-0905"><strong>READ: Chapter Six: Brandon, sinubukang takutin si Nadja<br/></strong></a></div><div style="text-align:center"><br/></div><div style="text-align:center"><br/></div>

<p> PAGES Midnight Phantom: Brandon calls Nadja to set up a meeting in person.</p>

PAGES Midnight Phantom: Brandon calls Nadja to set up a meeting in person.

“Midnight Phantom” Chapter Five: Brandon, pumayag na makipagkita kay Nadja | Part 2/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Midnight Phantom” Chapter Five: Brandon, pumayag na makipagkita kay Nadja | Part 2/2

Martha Cecilia

Published Sep 13, 2025 09:00 AM PHT

|

Updated Sep 13, 2025 03:56 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.