Ronnabelle Lora

Article (news)

Midnight Phantom by Martha Cecilia

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>Nararamdaman ng dalaga ang init na gumapang sa mga braso niya sa pagkakahawak na iyon ng binata pero sinikap niyang maging kaswal. Itinago ng mahabang buhok nito ang kaliwang pisngi at may ilang kababaihan silang nakasalubong sa pasilyo at karamihan sa mga ito ay foreigner. Hindi ikinakaila ng mga ito ang paghanga sa binata and even smiled at him. Nakita niya ang pagganti ng ngiti ni Brandon and somehow ay may nararamdaman siyang kakaiba sa sulok ng dibdib niya.</p><p>At bahagyang napahugot ng paghinga nang maisip na ang nararamdaman ay maaaring... jealousy!</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757577638463MP-6-2.png" style="width:700px" class="fr-fic fr-dib" alt="“Midnight Phantom” Chapter 6: Brandon, sinubukang takutin si Nadja | Part 2"/></div><div><br/></div><p>“What made you gasp softly?” tanong ni Brandon sa kanya na nagsalubong ang mga kilay.</p><p>“H-hindi ko alam na ginawa ko iyon,” kaila niya kasabay ng pag-iwas dito ng tingin.</p><p>Hindi na nagpilit si Brandon.</p><p>Cozy ang restaurant at walang gaanong tao dahil malapit na ang alas-dos ng hapon. Sinabi ni Brandon ang pangalan at dinala sila ng maître d’ sa reserved table nito na nasa sulok ng restaurant.</p><p>“Ano ang gusto mong kainin?” tanong ng binata nang nakaupo na sila habang naghihintay ang maître d’.</p><p>Tumingala sa head waiter si Nadja. “Minute steak, well done and fresh orange juice,” aniya at inilapag ang menu sa tabi na agad namang kinuha ng maître d’ at bumaling kay Brandon na iyon na rin ang in-order at humingi ng beer.</p><p>Sinuyod ng tingin ng binata si Nadja. Classic beauty. Iyon ang description niya sa dalaga noong unang magkita sila. At sa pagkakatanda niya, walang kahit bahagyang pagkakahawig si Nadja kay Augusto dela Merced. Deep-set eyes na pinaitim ng mahahabang pilik-mata. Upturned nose and soft lips.</p><p>Si Nadja ay hindi pinapansin ang pagkakatitig sa kanya ng binata dahil higit siyang abala sa pagsusuri sa mukha nito. Sa pagkakataong ito ay nakaharap si Brandon sa kanya nang husto. At hindi niya mapigilan ang paghanga.</p><p>The marked face only made him more devastating!</p><p>“Wala kang karapatang titigan ako nang ganyan,” wika nito sa matalim na tinig.</p><p>“N-nakatitig ka rin sa akin,” depensa ng dalaga na bahagyang napasandal sa silya. His eyes angry and bitter. “H-hindi lang ikaw ang may karapatang magsuri ng mukha ng kaharap...”</p><p>Tumiim lalo ang mukha ng binata. “All right, na-satisfy ko ang kuryosidad mong makita ang mukha sa likod ng magandang tinig sa radyo. Bakit hindi mo deretsahing sabihin sa akin ang disappointment mo? O di kaya ay itanong mo sa akin kung bakit hindi ko ginawan ng paraan ang mukha ko?”</p><p>“You’re amazingly beautiful, Brandon,” she whispered softly. Her eyes tender. Wala sa loob na itinaas ni Nadja ang kanang kamay at marahang dinama ang bahagi ng mukha ng binatang may mga pilat.</p><p>Natilihan ang binata sa ginawa niya kasabay ng paghugot ng marahas na paghinga. And in one frozen moment, sila lang ang tao sa lupa. Eternity was within reach.</p><p>Marahas na hinawakan ni Brandon ang kamay niya upang sana ay tabigin ito nang lumitaw ang waiter mula sa likod upang ilapag sa mesa ang pagkaing order nila. Napigil ng presensiya ng waiter ang gagawin nito at nanatiling nakahawak ang binata sa kamay ni Nadja. At kahit nananakit ang pulso niya dahil sa higpit ng pisil nito ay hindi kumibo si Nadja. Banayad niyang hinila ang kamay habang hindi iniiwas ang mga mata sa matatalim na titig ng binata.</p><p>Nang makaalis ang waiter ay inabot ni Brandon ang mug ng beer at pinangalahati ito. Si Nadja ay niyuko ang pagkain. Hindi niya alam kung paano niya nagawa iyon. She must have stopped thinking.</p><p>“Ano ang gusto mong palabasin sa ginawa mo? Trying to impress me? Na hindi ka napapangitan sa mukha ko? Wanting to make this date successful, ganoon ba?” pagalit na sabi ni Brandon makalipas ang ilang sandaling katahimikan.</p><p>“Hindi ko inisip ang alinman sa mga sinasabi mo, Brandon,” banayad niyang sabi. “Meeting you hasn’t changed my… my adoration of the Midnight Phantom. This time, I need not fantasize anymore. The Phantom isn’t a ghost. He is real.” Ibinaba niya sa pinggan ang kutsilyo at tinidor at tumitig dito. “Kung ang dahilan kaya ka nakipagkita sa akin ay para lang patunayan sa sarili mong matatakot ako sa iyo, then I am not. I am fascinated instead. At kung hindi lalabas na masyado akong forward, gusto ko pa ring makita kang muli, Brandon, pagkatapos ng date na ito.”</p><p>Hindi maipaliwanag ni Nadja ang kakaibang kislap na gumuhit sa mga mata ng binata subalit iglap ding nawala. Na gusto niyang pagdudahan ang sarili kung nasilip nga niya iyon sa mga mata nito.</p><p>“Gusto mo bang magkita pa tayong muli, Nadja?” He smiled seductively.</p><p>“Oh, yes,” maagap niyang sagot bagaman nalilito sa biglang pagbabago ng mood nito. Agad siyang pinamulahan ng mukha sa overexcitement sa tinig niya. Patuloy ang pagngiti ng binata.</p><p>“You’re very young. Ilang taon ka na?” “Almost twenty-two...”</p><p>“You must be eleven when...” He stopped in time. Nawala ang ngiti. Nakitang muli ni Nadja ang galit sa mga mata nito. “Ano ang gusto mong sabihin? Eleven ako when what,</p><p>Brandon?” nagtataka niyang tanong.</p><p>Nagkibit ng mga balikat ang binata. “Slip of the tongue. May iniisip akong iba. Kalimutan mo na,” utos nito sa pormal na tinig. At hanggang sa lumabas sila ng Manila Hotel ay wala nang usapang namagitan.</p><p>“Ano ang numero ng bahay ninyo at pangalan ng kalye?” tanong ni Brandon nang lumiko sila ng Greenhills.</p><p>“Nasa East Gate ang kotse ko. Doon mo na lang ako ibaba.” Isang tango lang ang isinagot ng binata at binilisan ang pagda-drive. Isang buntong-hininga ang pinakawalan ni Nadja. Hindi niya maintindihan pero sa kabila ng mga inaasal ni Brandon ay hindi niya gustong matapos ang date nilang iyon. Pinanghihinayangan niyang iyon ang una at huling pagkikita nila ng Midnight Phantom. Pero nasabi na niya ang saloobin niya rito. Hindi kailangang ipagpilitan niya ang sarili. At least, naiparating niya sa binata na hindi nito kailangang makadama ng inseguridad dahil sa malalalim nitong pilat sa kaliwang mukha.</p><p>Ilang sandali pa ay nasa harap na sila ng gate. Sa pamamagitan ng remote control ay bumukas ang pinto sa tabi ni Nadja.</p><p>“Thank you, Brandon. I know you have tried your very best to be nasty but I enjoyed meeting you, really.” Pagkasabi niyon ay bumaba na ang dalaga. Lumakad patungo sa nakaparadang kotse niya at tinanguan ang guwardiya.</p><p>Nakaalis na si Nadja ay nanatili pa rin doon si Brandon. Isang buntong-hininga ang pinakawalan. Kung anuman ang iniisip ay ito lang ang nakakaalam.</p><div><br/></div><p>“SINABI sa akin ni Karen na kumain kayo sa labas ni Nadja,” bungad ni Mike sa kaibigan nang sumunod na araw.</p><p>Isang kibit lang ng mga balikat ang isinagot ni Brandon. Umupo sa swivel chair si Mike at tinitigan ang kaibigan. “Magkahalong galak at pag-aalala ang nararamdaman ko para sa iyo, Brandon,” patuloy nito. “Galak dahil sa wakas ay lumabas ka. Nagpunta sa isang public place. Sampung taon ang sinayang mo sa buhay mo, friend. And I hope simula na ito ng pagbabago mo. At the same time, nag-aalala ako dahil hindi ko alam kung ano ang motibo mo sa pagyaya kay Nadja na lumabas.”</p><p>Tumayo si Brandon. “I’ll be away for a few days, Mike,” wika nito na hindi pinansin ang mga sinabi ng kaibigan. “Bahala ka na sa programa at sa istasyon.”</p><p>Nagsalubong ang mga kilay ni Mike. “Saan ka pupunta?” “Out of the country, out of town, bahala na,” walang katiyakang sagot nito. Dinampot-ibinaba ang mga CD sa lalagyan nito.</p><p>“Siguro nga’y kailangan mo iyon,” sang-ayon ni Mike. Mula nang dumating galing Amerika si Brandon mahigit isang taon na ang nakararaan ay wala itong natatandaang nagpahinga mula sa mga gawain sa istasyon ang binata. “Gaano ka katagal na mawawala?”</p><p>“Hindi ko matiyak. Pinakamatagal na siguro ang isang linggo.”</p><p>Hindi na kumibo si Mike. Sana ay sa soul-searching na gagawin ni Brandon ay matanggap nitong patawarin si Anya sa ginawa nito sa mga nakalipas na taon. At sana sa pagbabalik nito ay ibang tao na ang kaibigan. Malaya mula sa pinagkulungan nito sa sarili.</p><div><br/></div><div><br/></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-7-brandon-dinakip-si-nadja-part-1-0915"><strong>READ: Chapter Seven: Brandon, dinakip si Nadja!</strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Nadja senses that Brandon is trying to scare her but still hopes for a second date with her favorite DJ.</p>

PAGES Midnight Phantom: Nadja senses that Brandon is trying to scare her but still hopes for a second date with her favorite DJ.

“Midnight Phantom” Chapter Six: Brandon, sinubukang takutin si Nadja | Part 2/2

News

Entertainment

Lifestyle

Sports

Metro.Style

More

Traffic

Manila

Horoscope

TV

“Midnight Phantom” Chapter Six: Brandon, sinubukang takutin si Nadja | Part 2/2

Martha Cecilia

Published Sep 13, 2025 09:10 AM PHT

|

Updated Sep 13, 2025 03:55 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.