Ronnabelle Lora

Article (news)

Midnight Phantom by Martha Cecilia

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><div style="text-align:center"><strong>CHAPTER SEVEN</strong></div><div><br/></div><p>Kalalabas lang ni Nadja ng banyo nang tumunog ang CP niya. Dinampot niya iyon.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757578492453MP-7-1.png" style="width:700px" class="fr-fic fr-dib" alt="“Midnight Phantom” Chapter 7: Brandon, dinakip si Nadja! | Part 1"/></div><div><br/></div><p>“Hello...”</p><p>“Nadja Ann...”</p><p>Agad ang mabilis na pagtahip sa dibdib niya sa tinig na iyon. She had missed him... his voice. Kagabi ay wala si Brandon sa programa nito. Ibang DJ ang naroon at gusto niyang umiyak. Gusto niyang tawagan ang istasyon upang tanungin kung bakit hindi ang Midnight Phantom ang naroon pero hindi niya ginawa. Nagkita na sila ng DJ. Kung gusto nitong makausap siya ay magagawa nito.</p><p>“B-Brandon?”</p><p>“Want to go swimming with me?”</p><p>“S-swimming?” bulalas ng dalaga. Sinulyapan ang reflection sa salamin. Kitang-kita niya ang excitement sa sariling mukha.</p><p>“Yes. Sa private beach ko...” “Kailan?”</p><p>“Ngayon.” Isang salita pero naroon ang determinasyon sa tinig. Hindi matiyak ni Nadja kung nag-uutos iyon at hindi dapat mabali.</p><p>“H-hindi ako nakapagpaalam sa mommy ko. Nasa Tagaytay siya and she didn’t bring her cell phone.”</p><p>“I thought you wanted to see me again. Iyon ang sinabi mo sa akin noong huli tayong magkita. At may palagay akong hindi ka rin naman nagpaalam sa mommy mo nitong nakaraan. What difference does it make?”</p><p>“Lunch lang iyon, Brandon. This would take hours,” nag- aalangan niyang sagot. She had never been away na hindi nagsasabi kay Anya. At lagi na ay mga kaibigan ng pamilya ang kasama niya. Mga kakilala ng mommy niya.</p><p>“At natatakot ka sa akin?” Naghahamon ang tinig nito. “Of course not!”</p><p>“Then come with me. We will be back before nightfall.” “Give me thirty minutes para ihanda ang mga dadalhin ko,” aniya sa kabila ng pag-aalala. Kaaalis lang ng Mommy Anya niya patungong Tagaytay. Hindi niya matiyak kung bakit nagtutungo si Anya roon. Kapag tinatanong niya ay negosyo ang isinasagot nito. Kahit noong nabubuhay pa ang daddy niya ay pana-panahong pumaparoon ang mag-asawa.</p><p>Pero isa ang tiyak, gagabihin ang mommy niya. Makakauwi sila ni Brandon bago ito dumating.</p><p>“Yaya Melba,” aniya sa matandang yaya. “Magsu-swimming ho kami ng isang kaibigan. Babalik din ho sa hapon...”</p><p>“Nagpaalam ka ba, hija, kay Anya kanina?”</p><p>“Hindi nga po, eh, dahil nakaalis na siya. Narito naman ako, Yaya, bago makauwi ang Mommy...”</p><p>“Ang kaibigan bang iyan, eh, babae o lalaki?” naghihinalang tanong ng matanda.</p><p>“Lalaki ho, Yaya. Pero huwag ho kayong mag-alala dahil mabuting tao naman si Brandon. Kaibigan ho siya ng kapatid ni Karen...”</p><p>Sandaling hindi umimik ang matandang babae. Kilala nito si Karen dahil ilang beses nang dinala ni Nadja rito at gusto niya ang kaibigang iyon ng alaga. At bago pa ito nakapagsalita ay narinig na nila ang pagparada ng sasakyan sa harap ng bahay.</p><p>Hinalikan ng dalaga ang matanda. “Bye, Yaya.” Patakbong lumabas si Nadja.</p><p>Bukas na ang pinto sa passenger side at mabilis na pumasok ang dalaga.</p><p>“Hi,” aniya na nginitian si Brandon. Hindi niya matiyak kung ano ang dahilan ng pagtaas-baba ng dibdib niya. Kung dahil sa pagtakbo palabas o sa presensiya ng binata.</p><p>“You are always on time,” ani Brandon na ngumiti. Kinuha nito mula sa kanya ang knapsack at inilagay sa likod. Pagkatapos ay pinatakbo na ang sasakyan.</p><p>“Does that make me very eager?” tukso niya.</p><p>Umiling si Brandon. “Ayoko ng mga babaeng laging nagpapahintay. Sa usapang magkikita ay doon pa lang mag- aayos.” Pagkatapos ay nilingon ang dalaga at hinagod ng tingin. Naka-head band patalikod ang maiksing buhok na lalo lamang nagpariin sa batang edad.</p><p>“Tatandaan ko iyan,” nakangiti niyang sagot na ginantihan ni Brandon ng makahulugang ngiti.</p><p>Hanggang sa makalampas sila ng tollgate ng North Expressway ay hindi nagsasalita si Brandon. Bale-wala rin iyon kay Nadja dahil noong una silang magkasama ay hindi rin naman gaanong nagsasalita ang binata. Bukod doon, nag-e- enjoy siya sa comfort ng sports car at ang mabilis subalit smooth driving ni Brandon.</p><p>“Where exactly are we going, Bran?” tanong niya nang makalampas na sila ng Mabalacat.</p><p>“Sa bahay-bakasyunan ko sa Pangasinan, Nadja.”</p><p>“Pangasinan! Pero gaano katagal bago tayo makarating doon.</p><p>Paano tayo makababalik bago gumabi?”</p><p>“We can stay overnight,” kaswal na sagot ng binata. “Overnight!” muli niyang bulalas na tila loro sa pag-uulit sa mga sinasabi ni Brandon. “Ang sabi mo ay makababalik din tayo sa gabi,” akusa niya.</p><p>“I lied...”</p><p>“You li—” Pinigil niya ang sariling ulitin ang sinabi nito. “Pero, Bran, hindi ako maaaring mag-overnight. Hindi alam ng mommy ko ang pagsama kong ito sa iyo...”</p><p>“Huwag kang mag-alala, Nadja. Malalaman ni Anya na ako ang kasama mo...” malamig na sagot nito. Ang mga mata ay nasa daan.</p><p>Lalong nagsalubong ang mga kilay ng dalaga. “K-kilala mo ang stepmother ko?”</p><p>“Way back when,” matabang nitong sagot. “Pero—”</p><p>“Relax, Nadja. Enjoy this trip and my driving...” Nasa tinig nito na hindi na gustong ipagpatuloy ang pakikipag-usap.</p><p>Naguguluhang napasandal si Nadja. Kilala ni Brandon si Anya. At mag-o-overnight sila. Doon biglang sunod-sunod na tumahip ang dibdib niya.</p><p>“May… may mga tao ba tayong daratnan doon?” Hindi niya mapigil ang magtanong.</p><p>Nagkibit ng mga balikat si Brandon. “Hindi ko tiyak. May katiwala ako na tumitingin at nagpapanatiling malinis sa rest house pero hindi ito araw-araw na naroroon.”</p><p>“Oh...” nanlumo niyang sabi. Marami pa siyang gustong sabihin at itanong pero sa sulyap na ibinigay sa kanya ni Brandon ay nanahimik siya.</p><p>Ngayon niya gustong pagsisihan kung bakit nagpadalos-dalos siya sa pagsama sa lalaking ito. This strange man na maliban sa pakikinig rito sa radyo ay wala na siyang alam na iba pa. Maliban sa isang sandaling pananghalian na lalo lamang nagdagdag sa misteryo ng lalaking ito.</p><p>A phantom.</p><p>Pero hindi ba at sinabi lang nito na kilala nito si Anya? Sapat ba iyon upang ipanatag niya ang loob? Saan at paano sila nagkakilala ng stepmother niya?</p><p>Sa loob ng mahabang biyahe ay puno ng agam-agam ang isip ng dalaga. Makalipas ang apat na oras ay naroon na sila na kung ordinaryong kotse lamang ang gamit ay baka abutin ng lima o anim na oras ang biyahe.</p><p>Isang mahabang daan patungo sa dagat ang tinunton ng sasakyan. Iilan ang bahay sa paligid. Malayo sa kabayanan ang lugar na pinuntahan ni Brandon.</p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-6-brandon-sinubukang-takutin-si-nadja-part-1-0905"><strong>Chapter Six &lt;&lt;&lt; PREVIOUS<br/></strong></a></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-7-brandon-dinakip-si-nadja-part-2-0920"><strong>NEXT&gt;&gt;&gt; Chapter Seven: Part 2 of 2 <br/></strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Nadja meets up with Brandon for a second time, unaware of his ulterior motives.</p>

PAGES Midnight Phantom: Nadja meets up with Brandon for a second time, unaware of his ulterior motives.

“Midnight Phantom” Chapter Seven: Brandon, dinakip si Nadja! | Part 1/2

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Midnight Phantom” Chapter Seven: Brandon, dinakip si Nadja! | Part 1/2

Martha Cecilia

Published September 13, 2025 09:15 AM PHT

|

Updated September 13, 2025 09:06 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.