Ronnabelle Lora

“Midnight Phantom” Chapter Seven: Brandon, dinakip si Nadja! | Part 2/2

Article (news)

<div style="text-align:center"><img src="https://od2-image-api.abs-cbn.com/prod/editorImage/1757384973498Pages-MidPhantom-DB1920x270.png" class="fr-fic fr-dib" alt="Midnight Phantom by Martha Cecilia"/></div><div><br/></div><p>Isang kubo ang hinintuan ng binata. Pinatay ang makina at bumaba ng sasakyan. Ibinaba ni Nadja ang bintana at inikot ang tingin sa paligid.</p><div><br/></div><div style="text-align:center"><img src="https://od2-image-api.abs-cbn.com/prod/editorImage/1757579321795MP-7-2.png" style="width:700px" class="fr-fic fr-dib" alt="“Midnight Phantom” Chapter 7: Brandon, dinakip si Nadja! | Part 2"/></div><div><br/></div><p>“Ito ba ang rest house ni Brandon?” bulong niya. Maliit lang ang kubo na sa tantiya niya ay wala pang silid. Isang may- katandaang lalaki ang sumungaw. Mabilis itong bumaba at sumalubong.</p><p>“Senyorito Brandon!”</p><p>“Kumusta na kayo, Mang Simon?” ani Brandon na namaywang at inikot ang mga mata sa paligid.</p><p>“Naku, eh, mabuti po, Senyorito. Kumusta po si Senior Hernando?” Kitang-kita ang pananabik at katuwaan sa mga mata nito na biglang nahalinhan ng kuryosidad nang malingunan si Nadja sa loob ng kotse.</p><p>“Mabuti, Mang Simon. Pinakukumusta kayo. Paalis ang papa bukas patungong Europa.” Pagkatapos magpalinga-linga ay ibinalik sa katiwala ang tingin. “Hindi ko nakikita ang lantsa?’” “Naku, eh, naroon sa likod. Kalilinis ko nga lang ho,</p><p>Senyorito. Kakailanganin ba ninyo?”</p><p>Tumango ang binata. “Ang isla at ang bahay-bakasyunan, Mang Simon, naalagaan ba ninyong mabuti?”</p><p>“Aba’y opo, Senyorito. Linggo-linggo ay napaparoon ako. Kahit halos isang taon na mula noong huli kayong nandito ay tinitiyak ko sa inyong tulad pa rin ito nang huli kayong pumarito,” pagmamalaki ng matanda.</p><p>“Salamat kung ganoon, Mang Simon. Paparoon kami sa isla ngayon.” Napahugot ng malakas na paghinga si Nadja sa narinig. Lalo na silang matatagalan pag-uwi kung pupunta pa sila sa kung saan mang isla iyon. Subalit hindi siya pinansin ni Brandon na dumukot ng pera mula sa bulsa. “Kung ano sa palagay mo ang kailangan sa isla ay bilhin mo ngayon din. Ang generator ay ayos ba?”</p><p>“Opo. Mahusay pang gumana, Senyorito. Bagaman hindi ko natingnan nitong mga nakaraang araw...”</p><p>“Ibigay ninyo sa akin ang susi ng lantsa, Mang Simon. At magbangka na lang kayo paparoon para dalhin ang maaaring gagamitin. Pakikuha na tuloy ang mga dala namin sa trunk.” Pagkasabi ay lumakad ito pabalik sa kotse at binuksan ang pinto sa bahagi ni Nadja na nagpupuyos sa galit.</p><p>“Ano ang ibig mong sabihing pupunta tayo ng isla?” pagalit nitong sabi sa mahinang paraan upang hindi marinig ng katiwala na nagbubukas ng trunk ng sports car.</p><p>“Narinig mo, `di ba?” walang anumang sinabi nito na yumuko upang kunin ang knapsack niya sa likod. “Let’s go,” wika nito na hinawakan siya sa braso. Gusto niyang tabigin ang kamay ng binata subalit alam niyang nagmamasid ang matandang katiwala.</p><p>Nilinga ni Nadja ang paligid. Kung hindi sa paraan ng pagdala sa kanya ni Brandon dito ay baka ma-appreciate pa niya ang kagandahan ng lugar. Mga nagtatayugang puno ng niyog. Puting buhangin at asul na dagat.</p><p>Sa likod ng bahay sa may dalampasigan ay naroon ang isang lantsa. Ganoon na lamang ang gulat niya nang mapuna ang pangalang nakasulat dito.</p><p>Anya!</p><p>Nakarating na ba ang Mommy Anya niya sa lugar na ito? Bakit nakasulat ang pangalan nito sa lantsa ni Brandon? Napatingala siya rito subalit nakatutok sa lantsa ang mga mata nito. Nakatiim ang mukha. Anong lihim mayroon ang pagkatao ng lalaking ito? At bakit siya dinala ni Brandon dito?</p><p>Makalipas ang ilang sandali ay nasa harap na ng manibela ang binata at tumatakbo na ang lantsa sa gitna ng malawak na karagatan. Pinaghalong takot, pag-aalala at fascination ang nasa puso ng dalaga. Takot sa maaaring gawin ng binata. Pag-aalala para sa madrasta na hindi alam kung nasaan siya.</p><p>Nililipad ng hangin ang mahabang buhok ni Brandon habang nagda-drive. Ang matipunong dibdib na nasisilip niya mula sa nakabukas nitong puting polo. The hard and muscled arms na walang anumang nakahawak sa manibela ng lantsa.</p><p>Pagkatapos ay muli niyang ibinalik ang tingin sa mukha ng binata. He could be the beauty and the beast at the same time. Fascinating ang contrast ng dalawang mukha. At ang nakapagtataka ay hindi niya nararamdamang isang malaking kapintasan dito ang bahaging iyon ng mukha ni Brandon.</p><p>At maraming mga tanong ang nag-uunahan sa isip niya na lahat ay pawang walang kasagutan. Brandon was beautifully male. Mula ulo pababa. Ano ang nangyari sa kabilang bahagi ng mukha nito? Hindi ba at moderno na ang siyensiya ngayon at lahat ay nababago kahit ang mukha ng tao? Bakit hindi ginagawan ng paraan ng binata iyon? Was it inborn para hindi magawan ng paraan ng mga laser technology?</p><p>Why the bitterness and anger in his eyes? Nararamdaman niyang nagagalit ito sa kanya sa mga pag-uusap nila. Bakit? At bakit kilala nito si Anya? Bakit Anya ang nakapangalan sa lantsa nito?</p><p>Bahagya pa siyang nagulat nang lingunin siya ng binata. “Gusto mong subukang hawakan ang manibela?” Sa pagkakataong iyon ay nakangiti ito. Walang panlilibak o pang- uuyam sa anyo.</p><p>“K-kaya ko bang hawakan iyan?” Hindi niya gusto dahil ninenerbiyos siya. Pero hindi niya gustong tanggihan ang alok nito.</p><p>“Come. Magaan lang ito.” Binigyan siya nito ng lugar para makasiksik siya sa harap ng manibela. “Dalawang kamay and be firm. Nakikita mo iyong islang iyon? Doon tayo patungo.” Itinuro nito ang isang isla sa may unahan na marahil ay kulang isang kilometro pa ang layo sa kanila. Sa paligid nito ay iba pang mga iba’t ibang isla.</p><p>“Maraming isla sa paligid, paano mo nalamang iyon ang sa inyo?” Sinikap niyang pigilin ang pagpapakawala ng hininga sa closeness ng binata. Nakadikit ang likod niya sa dibdib nito. At ang mga braso ay halos nakayakap na sa kanya dahil nakahawak ito sa mga kamay niya para alalayan ang paghawak niya sa manibela.</p><p>“Dahil iyon ang pinakamaliit kung napapansin mo at napapagitnaan ito ng dalawang malaking isla. Ang Phantom Island. ”</p><p>“Phantom Island?” tanong niya kasabay ng paglingon at dibdib ng binata ang natuunan ng mga mata niya. Mabilis niyang ibinalik sa dagat ang paningin.</p><p>“Bukod-tanging ang islang iyan ang hindi nakikita `pag panahong maunos at kahit sa madaling-araw. Napapaligiran ito ng fog na tumatakip sa buong isla.”</p><p>The man must be ultrarich to own an island, naiintrigang bulong ni Nadja sa sarili.</p><p>“That is where my father spent his first millions. Sa islang iyan ginanap ang wedding nila ng mama at diyan din sila nagse- celebrate ng wedding anniversaries. When my mother died, he stopped coming here.” Malakas ang hangin at maingay ang motor ng lantsa pero nahihimigan niya ang lungkot sa tinig nito at hindi niya alam kung ano ang sasabihin. Hindi rin niya alam kung bakit sinasabi iyon ng binata sa kanya.</p><p>Ilang sandali pa ay sinapit na nila ang baybayin. Nakikita niya ang naglalakihang puno sa paligid ng isla.</p><p>“`Pag high tide, hindi ba lumulubog ito?” May bahagyang takot sa tinig niya. Inikot ang tingin sa buong paligid. Pakiramdam niya ay silang dalawa lang ni Brandon ang tao sa lupa.</p><p>Marahang natawa si Brandon. Kauna-unahan mula nang makilala niya ito at makatagpo nang personal. Maraming taon ang tila naalis sa mukha nito sa pagtawang iyon.</p><p>“`Pag lumubog ang islang ito, lumubog na rin ang buong Luzon, Nadja.” Hinila nito sa buhanginan ang lantsa at inilabas ang lubid at itinali ito sa isang patay na puno na nakahilig sa buhangin.</p><p>“Kabilang ba ang islang ito sa Hundred Islands?”</p><p>Nakangiti pa ring umiling si Brandon. “Iba ang daan patungo roon. Mas malayo itong kinaroroonan natin. Halika sa rest house.” Inakbayan siya nito sa pagkakataong iyon at hindi alam ng dalaga kung aalisin ang kamay nito o hindi. A mixture of fear and excitement ang nadarama niya.</p><p>Mga landas ng tao ang tinahak nila sa gitna ng maraming puno at kung ano-anong mga halamang gubat. At marahil ay isang daang metro mula sa baybayin. Breathtaking ang sun rays na tumatagos sa pagitan ng makakapal na puno at dahon. Makalipas ang halos kinse minutos nilang paglalakad sa loob ng kagubatan ay natanaw niya ang rest house.</p><p>“Wow!” bulalas ng dalaga. Nasa pinakamataas na bahagi ng lupa ang rest house na yari sa pinong kawayan, nipa, kahoy, at bato. Napapaligiran ng maraming naglalakihang puno. Ang daan patungo roon ay isang paikot na hagdang inukit sa bato na marahil ay may tatlumpung baitang. At sa kaliwang bahagi ay isang hagdang kahoy na may mga balustreng kahoy rin ang natanaw niya patungo sa dagat.</p><p>“I have seen pictures of the Snake Island at ang rest house ng mga Magsaysay. But this one is overwhelming,” marahang bulalas niya.</p><p>“I hope you like it dahil ito ang magiging tahanan mo sa loob ng ilang araw!” ang mariing sagot ni Brandon.<strong></strong></p><div><br/></div><div><strong><br/></strong></div><div style="text-align:center"><a href="https://www.abs-cbn.com/entertainment/studios/tv/2025/9/13/-midnight-phantom-chapter-8-ano-ang-balak-gawin-ni-brandon-kay-nadja-part-1-0925"><strong>READ: Chapter Eight: Ano ang balak gawin ni Brandon kay Nadja?</strong></a></div><div style="text-align:center"><br/></div><div style="text-align:center"><br/></div>

<p>PAGES Midnight Phantom: Brandon brings Nadja to a private island and reveals how long their trip will be.</p>

PAGES Midnight Phantom: Brandon brings Nadja to a private island and reveals how long their trip will be.

“Midnight Phantom” Chapter Seven: Brandon, dinakip si Nadja! | Part 2/2

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

TV

“Midnight Phantom” Chapter Seven: Brandon, dinakip si Nadja! | Part 2/2

Martha Cecilia

Published September 13, 2025 09:20 AM PHT

|

Updated April 10, 2026 11:26 PM PHT

Read More:

Pages

Midnight Phantom

Martha Cecilia

PHR Presents Impostor

Precious Hearts Romances Presents

Denise Laurel

Rafael Rosell

Ina Raymundo

Nadja Ann dela Merced

Brandon Brazil

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.