Anna Marie Lukban

Vice Ganda, ayaw pangalanan kung sino ang Showtime ‘GHOST’

Article (news)

Liezel Dela Cruz

Kung minsan malabo ang usapan with a special someone, minsan naman malabo ang paningin kapag walang salamin… pero dito sa “It’s Showtime,” malinaw na malinaw ang good vibes na hatid sa inyo araw-araw.  At para mas luminaw ang weekend energy, maki-jam muna with OPM band Hey June! who performed their track &quot;Lasik.&quot; Special mention na rin kay Will Ashley, na may salamin man o wala, oh so hottie. Si Will ang bida sa music video ng nasabing kanta, kaya sa mga abangers ng &#x27;Will Ashley&#x27; ayuda, check n&#x27;yo na! Sa “Laro Laro Pick,” malinaw na may kakapitan ng swerte. Ang mga players ay working students, barbero, barker, at magicians na ready magpasikat sa game arena kasama ang hosts na sina Ion Perez, Jackie Gonzaga, Darren Espanto, at Ryan Bang. Sa awra niyang malakas ang karisma, nakuha ni Ken ang atensyon ng game masters na sina Vice Ganda, Jhong Hilario, at Vhong Navarro. Siyam na taon na siyang magician na nagpapasaya sa mga kiddie parties. Nagsimula bilang hobby hanggang sa naging hanapbuhay niya ang salamangka.  Nag-sample naman ng pagtatawag ng pasahero si barker Well. &#x27;Yun nga lang, hindi tulad ng pila sa terminal, parang walang direksyon ang mga nakakatawang sagutan ni Well, lalo na tungkol sa kung magkano nga ba talaga ang kinikita niya. Kaya si Meme, allergic na sa salitang “depende.” Slay naman sa pagiging working student si Jess na nagtatrabaho bilang customer service rep habang tinatapos ang kursong Psychology. Nakilala rin natin si Dimples, ang lady barker na dumadaan sa matinding pagsubok dahil sa sakit. Sa kabila ng pinagdadaanan, determinado siyang lumaban.  Teka, hindi pa man Halloween pero nagkakatakutan na! Bakit biglang ang daming klase ng ghosts? May ghost projects at meron na rin daw ghost students? At meron pang &quot;<a href="http://itsshowtime.abs-cbn.com">It&#x27;s Showtime</a>&quot; ghosts a.k.a. yung host daw na may  talent fee kahit hindi pumapasok. Sino &#x27;yan, Meme?! Ah, basta si Kuys Vhong, ginagalingan sa hosting. S sobrang galing, kinabahan si Meme kung saan galing ‘yung biglang pagtaas ng energy.  From takutan, nauwi sa &#x27;imbestigasyon&#x27; ang kaganapan nang ma-corner sina Jake at Elmer na napagkamalang magkagrupo.  Si Meme, sumakit ang ulo pero tawang-tawa sa mga hirit ng dalawa, nadamay pa pati siya na &quot;founder&quot; daw nila. Sa unang round ng laro na “Illuminate or Eliminate,” kailangang mapili ng players ang mga kahon na may berdeng ilaw. For the first time ever, nakalusot si Darren! Sina Elmer at Jake naman ang agad naligwak, kaya todo-explain pa sila kay Vice Ganda.  Sa “It’s Giving,” kailangan magbigay ng mga sangkap sa paggawa ng chicken-pork adobo ayon kay Chef Tristan Encarnacion. Simple pakinggan, pero nakaka-pressure sa pabilisan. Apat ang na-out, kasama na si Darren, kaya balik ulit siya sa &#x27;gedli&#x27; para mag-cheer. Kantahan naman ang naging labanan sa “You Gotta Lyric,” kung saan “Laklak” ng Teeth ang jam nila. Pitong players ang nakatawid at dumiretso sa PILImination kung saan kanya-kanya silang pili ng giant gift box. Isa lamang dito ang may pulang lobo, na nakuha ni Jerold kaya siya ang umabante sa jackpot round.  Bago pa man siya maging illusion master, dinaanan muna Jerold ang iba’t ibang trabaho bilang mananahi, supermarket bagger, tricycle driver, at iba pa. Pero dito sa Jackpot Round, ang trabaho niya ay pumili sa pagitan ng Pot na may P500,000 kapalit ng isang tanong, o ang Li-Pot na may sure offer. Nagsimula sa P30,000 ang deal, pero tinodo ni Vice Ganda hanggang P50,000. No&#x27;ng una&#x27;y gustong sugalan ni Jerold ang Pot pero sapat na ang P50,000 lalo na’t may sakit ang kanyang anak. Hindi na siya naghangad ng mas malaki pa basta ang mahalaga&#x27;y may maiuwing tulong para sa pamilya kaya Li-Pot ang kanyang naging pasya.  Kung sakaling Pot ang kanyang pinili, ang tanong ay: “Sa Mathematics, ano ang sagot sa 6 times 8?” Madali lang sana at alam ni Jerold ang tamang sagot. Pero gaya ng sabi ni Meme, hindi natin masisisi ang isang amang inuuna ang kasiguraduhan para sa pamilya. Samantala, nananatiling P500,000 ang jackpot prize. Sa pagpapatuloy ng paghaharap nina Peachy Babaran at defending champion Ramel Awi sa &quot;Tawag ng Tanghalan&quot; Year 9, unang sumalang si Peachy ng Isabela na inawit ang classic na “Didn’t We Almost Have It All.” First time niyang lumuwas ng Maynila para sumali sa singing contest; ang suporta ng mahal na lola ang nagbigay sa kanya ng tapang. Sweet but powerful ang naging performance ni Peachy, at ayon kay hurado Marco Sison, kontroladong-kontrolado ang boses.  Sumunod si Ramel na binigyan ng sariling atake ang &quot;Magda&quot; ni Gloc 9. Forda vibe ang mga hurados sa kanyang performance. Pagktapos ng kantahan, naikuwento niya na isa rin siyang zumba instructor, at talent sa mga teleserye, at minsan pa nga siyang nakasali sa palabas ni Kim Chiu. Tungkol naman sa kayang pagkanta, komento ni Nyoy Volante, hindi lang siya puro porma at malinaw ang mga sinasabi kahit rap ng piyesa. At sa huli, malinaw ang resulta. Si Ramel ang nagwagi sa score na 95%, laban sa 91.3% ni Peachy.

Hindi pa man Halloween pero nagkakatakutan na! Bakit biglang ang daming klase ng ghosts? May ghost projects at meron na rin daw ghost students? At meron pang "<a href="http://itsshowtime.abs-cbn.com/">It's Showtime</a>" ghosts a.k.a. yung host daw na may talent fee kahit hindi pumapasok. Sino 'yan, Meme?!

Hindi pa man Halloween pero nagkakatakutan na! Bakit biglang ang daming klase ng ghosts? May ghost projects at meron na rin daw ghost students? At meron pang " It's Showtime " ghosts a.k.a. yung host daw na may talent fee kahit hindi pumapasok. Sino 'yan, Meme?!

Vice Ganda, ayaw pangalanan kung sino ang Showtime ‘GHOST’ | It’s Showtime

News

Entertainment

Lifestyle

Sports

Metro.Style

More

Traffic

Manila

Horoscope

TV

Vice Ganda, ayaw pangalanan kung sino ang Showtime ‘GHOST’ | It’s Showtime

Liezel Dela Cruz

Published Sep 06, 2025 01:45 PM PHT

|

Updated Sep 06, 2025 04:21 PM PHT

Read More:

It’s Showtime

Showtime

JackpotKaSaShowtime

Laro Laro Pick

Vice Ganda

Anne Curtis

Ghost

Showtime Ghost

Vhong Navarro

Jhong Hilario

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.