Arzen Rose Dulzura

Balut vendor tatay Jovie, naiyak sa tulong na ibinigay ni Vice Ganda | It’s Showtime

Article (news)

ABS-CBN Studios

Ramdam na ramdam na ang simoy ng Pasko dahil 107 days na lang ang binibilang bago ang big day na ito. Parang ilaw na kumikislap sa dilim, parang awit na bumabalot sa atin, may maagang regalo na good vibes ang &quot;<a href="https://abs-cbn.com/entertainment/studios/tv/itsshowtime" rel="noopener noreferrer" target="_blank">It&#x27;s Showtime</a>&quot; family.Bago pa man magsimula ang caroling season, isang maagang pamaskong kantahan rin ang natanggap ng Madlang People sa studio—live na performance mula kay singer-songwriter Eliza Maturan, na first time sa &quot;It&#x27;s Showtime&quot; stage. Parang umaawit ang mga puso sa pagkanta niya ng &quot;Museo.&quot;Ibinahagi rin ni Eliza ang kuwento sa likod ng kanta. At sa performance na ito, mas nakilala natin ang rising OPM gem na siguradong marami pang pasabog sa kanyang music career.Mahigit kalahating milyon ang puwedeng mapanalunan sa “Laro Laro Pick.” Ang mga bumida sa game arena ay mga balut vendors, mga vulcanizer, bartender, at ukay-ukay sellers. Madlang studio audience naman ang ipinaglaban nina Jugs Jugueta, Ryan Bang, Ion Perez, at Jackie Gonzaga.Parang bagets lang ang galawan ni balut vendor Tatay Jovie. Batak na batak ang mga tuhod sa paglalako noon ng balut pero ngayon ay may sarili nang puwesto. Umapaw ang karisma nang ipakita ni tatay ang style niya ng pagbebenta. Nag-share rin siya ng interesting kuwento tungkol sa proseso ng pagluluto ng balut. Alam n’yo ba, puwede palang magkaroon ng kambal na sisiw sa loob ng isang itlog? Ang buhay ng balut vendor, minsan masaya, minsan malungkot. Mahirap pero kailangan kumayod upang pamilya&#x27;y maitaguyod.Isa si tatay sa mga mukha ng Pilipinong marangal na lumalaban sa buhay. Patas lang, walang taong inaapakan. Kaya deserve niya na saluduhan at makatanggap ng reward. Kaya nangako si Vice Ganda na siya na ang sasagot sa renta ng bahay ng pamilya ni Tatay Jovie sa loob ng isang taon. Ready your tissue dahil siguradong tatagos sa puso n&#x27;yo ang pagluha ni tatay sa sobrang pasasalamat at tuwa.Buhay ng isang ukay-ukay vendor naman ang sunod na inalam nina Vice Ganda nang kausapin si player Ella, na nagkuwento kung paano nga ba ang proseso ng pagbebenta ng bultuhan.Instant kaba ang naramdaman ng players nang magsimula ang laro sa “Illuminate or Eliminate,” kung saan 12 out of 24 players lang ang masuwerteng makakapili ng kahon na may berdeng ilaw. Mukhang suwerte ang Tuesday para kay Darren dahil sa isang pambihirang pagkakataon, na-surpass niya ang round one.Sa “It’s Giving” round, ang challenge ay magbigay ng apelyido na kabilang sa Top 25 pinaka-common sa Pilipinas. Medyo lost in translation sina Meme Vice at ilang players na &#x27;di naka-get over sa joke niya, kaya mga surnames ng senador ang naalala.Sa &quot;You Gotta Lyric&quot; naman, &quot;Top of the World&quot; ang piyesa sa kantahan, mga kulang na lyrics ay dapat mapunan. Si Ryan ang unang sasagot, kabado tuloy ang &#x27;mommy&#x27; Vice niya dahil consistent na chorus lang ang palaging alam niya. At nagkatotoo nga ang sumpa! Kung naligwak si Ryan, buhay na buhay naman ang pag-asa ng studio audience kay Darren.Diretso na ang remaining players sa PILImination round, kung saan pumili ng powder poppers ang mga natira. Si bartender Noy, nag-request na makipagpalit ng puwesto kay Jugs. Pinatunayan ni Noy na dapat pinakikinggan ang instinct dahil ang desisyon niyang makipag-trade, dinala siya sa final game.Sa jackpot round, nagpamalas ng tapang si Noy, isang mapagmahal na ama. Kahit mahirap ang sitwasyon, kumakayod siya para masuportahan ang pamilya, kahit na minsan ay parang ninanakawan na siya ng oras para sa anak dahil sa kaka-OT. Dream niya na mabigyan ng magandang buhay ang pamilya, pero may pangarap din siya para sa sarili, ang maging mahusay na bartender at makasali sa mga competition.Mahigit kalahating milyon, as in 550,000 pesos ang POT money ngayon. Pwede &#x27;yang piliin ni Noy pero bago &#x27;yan makuha ay dapat masagot niya nang tama ang POT question. Kung hindi naman ay nand&#x27;yan ang Li-Pot kung saan nagsimula sa P40,000 ang offer hanggang umabot sa P100,000.Buo ang loob ni Noy na makuha ang jackpot prize, at para mangyari &#x27;yon ay kinailangan niyang mag-take ng risk at piliin ang POT, kung saan ang tanong ay tungkol sa tamang spelling ng “fuschia.&quot; Sayang dahil na-miss niya ang dalawang letra, kaya pati POT money ay na-miss din niya.Pero dahil ayaw ni Meme Vice Ganda na may umuwing luhaan, agad siyang nag-pledge ng P10,000 bilang maagang pamasko kay Noy.Sa pagpapatuloy ng mga intense kaganapan sa &quot;Tawg Ng Tanghalan&quot; Year 9, oras na para sa Kantapatan.Sinubukan ni Jerard Miranda ng Mabalacat, Pampanga na maagaw ang golden mikropono. Kinanta niya ang “In Your Eyes,” na nagpangiti kay hurado Bituin Escalante na para bang sang-ayon sa husay at ganda ng boses niya. Pero sabi ni hurado Dingdong Avanzado, maayos naman ang rendition pero sana raw ay nag-step up pa si Jerard dahil medyo safe ang song choice at safe din ang performance.Hindi naman sumang-ayon si Punong Hurado Louie Ocampo, dahil para sa kanya ay perfect song choice ‘yon para sa contender.Sumunod namang bumida ang defending champion na si Ramel Awi, singing his rendition of “Himig ng Pag-Ibig,&quot; na para kang idinuduyan sa paraiso, puno ng lambing at damdaming ramdam hanggang dulo. Samantala, bumilib din si Maestro Louie dahil muling nagpakita si Ramel ng something new, just goes to show na palaging may surprising side sa kanyang talento.Tuloy-tuloy ang tagumpay ni Ramel, na muling itinanghal na kampeon. Pasok na siya sa unang koponan.

Fun and entertainment like no other for the Madlang People on It’s Showtime