Kaye, naaliw sa pick-up line ni searchee Daryl | It’s Showtime

Bad memories ay iwan na sa nakaraan para i-welcome with good vibes ang July 1! Dito sa “It’s Showtime,’ sabay-sabay nating salubungin ang bagong buwan na puno ng tawanan. Bibigyan namin kayo ng happiness, para malimot n’yo kahit sandali lang ang stress.

Ay, ay, ay, pag-big, kanta ni Ara Mina. Ang aktres na hinahangaan sa kanyan pag-arte at kaseksihan, muling binalikan ang first love niya – ang pagkanta. Alamin ang good news na kanyang dala. Plus, si Ara, na-meet ang sinasabng kahawig niya na si 'Ara-wana.'

Nagbabalik sa “Showing Bulilit” ang fantastic four sa aktingan: Argus, Kulot, Jaze at Kelsey. Bago pa man ang hulaan, nauna nang mamahagi ng biyaya sa madlang dishwashers si Cianne Dominguez.

Ang magkakapares for today’s video: Jackie Gonzaga at Jhong Hilario, Ogie Alcasid at MC, Vhong Navarro at Cianne, Ryan Bang at Wize Estabillo, Vice Ganda at Petite, Teddy Corpuz at Lassy.

Aliw talaga ang bardagulan ng magkakaibigan. Si Petite, nagpakamalang buzzer at bote ng ketchup. Minsan magbubulungan pa ang mga ‘yan. ‘Di ka lang sure kung tamang sagot ba ang ibubulong ng kalaban – marami nang ‘nabudol’ sa strategy na ‘yan!

Campus love story nina Kaye at Drei ay nagsimula nang makuha nila ang loob ng isa't-isa habang sumasali sa campus pageant. Cute din 'yung eksena na may nag-confess sa bus! From crush to lovers, pero ang kwento nila, hindi nagtapos sa forever. Dahil sa gitna ng kanilang relasyon, 'ex' ni Drei ay nagbalik, dahilan para maging magulo ang kanyang isipan. Sa POV naman ni Kaye, nasaktan siya nang malaman na hindi pala formal ang breakup ni Drei sa kanyang unang ex nang ligawan siya nito. Pakiramdam tuloy niya'y naging 'other girl' siya ng dating nobyo.

'Pag ang dalawang tao ay nakahanap ng pagmamahal sa isa't-isa, mabuti pang hayaan na lang silang maging masaya at payapa. Past is past, ex is ex, 'ika nga. Pero kung totoo kang nagmamahal, no distraction is enough para ma-confuse ka sa'yong nadarama. Alamin ang kwento nina Kaye at Drei sa "EXpecially For You."
Sa "Tawag Ng Tanghalan The School Showdown," puso at pangarap ang naging panlaban ng dalawang estudyanteng kumasa sa hamon ng entablado.

Madlang people at mga hurado, pinakilig ni Ahmed Basil ng Mater Dei College with his heartfelt performance of “Cry Me A River.”

Inulan din ng papuri ang pagkanta ni Reybea Espinosa. “Kanlungan” ang napiling piyesa ng pambato ng Regional Science High School – Region 9.

Natuwa sina hurado Klarisse De Guzman, Ogie Alcasid, at Zsa Zsa Padilla sa performances na kanilang natunghayan. Genuine laughter naman ang reaksyon ni Klarisse nang pabiro siyang ipinakilala bilang ‘Vice Ganda’ dahil sa mga buhok nilang iisa ang itsura.