MANILA - Narito ang ilang mga tips para makaakit ng swerte sa taong 2019.

Dahil ang 2019 ay Year of the Pig, payo ng feng shui expert na si Johnson Chua, maaring maglagay ng mga imahen at larawan ng mga baboy at cartoon characters na baboy sa loob ng bahay para makaakit ng swerte.

Dagdag pa ni Chua, mas mainam na mga cartoon characters na baboy sa halip na larawan ng mga totoong baboy ang ilagay sa bahay.

"Ang dahilan kung bakit cartoons ang gusto natin, kasi 'pag mga real pig na images, mayroon din kasing mga birthday 'yan eh, so mahirap lang baka kontra sa atin ang birthday," paliwanag niya.

Watch more in iWantv or TFC.tv

Maari ring magsuot ng tinatawag na "power bracelet" na naka-customize batay sa pangangailangan ng isang tao tulad ng strength, prosperity, protection o good health.

Nakakaakit rin ng swerte ang pagsasabit ng siyam na ang pao o pulang sobre sa likod ng pintuan. Lagyan rin umano ng wish ang bawat sobre.