Push Admin

Makiki-Traslacion, pinayuhan: Hawakan nang tama ang lubid, iwasang mag-apak

Article (news)

Jeff Canoy

ABS-CBN News

<figure class="op-interactive"><iframe height="315" src="https://www.youtube.com/embed/o2QW33Cix1E?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Umaabot ng milyong deboto ang dumadalo sa Pista ng Nazareno sa Quiapo taon-taon at karamihan dito ay nag-aasam na makasampa sa andas at mahawakan kahit saglit ang Poon.Sa darating na Enero 9, inaasahang dadagsa muli ang mga lalahok sa Traslacion ng Itim na Nazareno kaya nagbigay ng ilang paalala ang eksperto mula sa Philippine National Red Cross upang mapanatiling ligtas ang pamamanata.Ayon kay Von Ryan Ong, Safety Services Manager ng Red Cross, importanteng nakakain nang maayos bago ang prusisyon.“Kasi kadalasan, hindi kumakain dahil nga nando’n na sa hype ng pagdedeboto, nakakalimutang kumain then nawawalan siyempre ng energy then eventually puwede siyang mahimatay. Kasama pa &#x27;yung init ng araw, kulang sa tubig. Puwede talagang may mangyari na hindi kaaya-aya sa [mga] deboto natin,” aniya.Mainam din aniya ang pagsusuot ng simple at komportableng damit sa pista para hindi mahirapan kapag makikipagsiksikan.Nagbabala naman ang eksperto na malapit din sa peligro ang mga naghahawak ng lubid ng andas.“Kapag in-otso, ibig sabihin nakaikot &#x27;yung tali [sa braso]. Medyo makapal ang tali natin. Nakapulupot sa braso, then ‘pag pinuwersa dahil ginalaw &#x27;yung Nazareno, mag-straight [&#x27;yung lubid]. Siyempre ang kamay mo, ii-straighten niya so magkakaroon ka ng fracture,” paliwanag ni Ong.Mungkahi ni Ong, huwag ipulupot sa kamay o braso ang lubid at mas makabubuting dalawang kamay ang gamitin sa paghawak nito.Samantala, kasama na sa tradisyon ang paglalakad na walang suot na sapatos o tsinelas pero delikado umano ito dahil maaaring masugatan sa tindi ng balyahan o kaya&#x27;y makatapak sa matulis na bagay.Sakaling magkaroon ng minor wound o maliit na sugat, agad linisin ito gamit ang povidone iodine.&quot;Kung walang presence talaga ng povidone iodine, basta malinisan lang ng kahit &#x27;yung surface man lang then i-secure na hindi madudumihan pa ulit, puwede na &#x27;yun,&quot; ayon kay Ong.&quot;I-point out lang natin, hindi nilalagyan ng alcohol &#x27;yung sugat kasi pang-disinfect siya ng kamay natin kapag magti-treat tayo so ang number one talaga, &#x27;yung water and syempre &#x27;yung povidone iodine.&quot;Para naman sa malalalim at malalaking sugat, hugasan agad ito at balutan ng tela saka sumugod sa pinakamalapit na ospital o first aid station para ipasuri.Paalala naman ng Philippine National Police (PNP), huwag nang magsama ng mga bata, buntis, at mga taong may karamdaman sa prusisyon para iwas-disgrasya.Para sa dagdag na ligtas tips, sundan ang “Red Alert” sa Facebook (www.fb.com/RedAlertABSCBN) at Twitter (www.twitter.com/ABSCBNRedAlert).Napapanood din ang Red Alert kada Miyerkoles matapos ang &quot;Bandila&quot; sa Channel 2.<div>-- Ulat nina Jeff Canoy at Toph Doncillo, ABS-CBN News</div>

Sa darating na Enero 9, inaasahang dadagsa muli ang mga lalahok sa Traslacion ng Itim na Nazareno. Sa programang "Red Alert," nagbigay ng ilang paalala ang eksperto upang mapanatiling ligtas ang pamamanata.

Sa darating na Enero 9, inaasahang dadagsa muli ang mga lalahok sa Traslacion ng Itim na Nazareno. Sa programang "Red Alert," nagbigay ng ilang paalala ang eksperto upang mapanatiling ligtas ang pamamanata.