Push Admin

‘Pagbubuntis ng aktres, hiwalayan ng showbiz couple, mangyayari sa 2018’

Article (news)

ABS-CBN News

Ibinahagi ng life coach at psychic na si Stargazer ang ilan sa forecast o prediksiyon niyang mangyayari ngayong 2018.Sa mundo ng showbiz, mayroong isang aktor na magreretiro sa pag-aartista, ayon kay Stargazer.Isang aktor at direktor din ang gagawaran ng espesyal na parangal sa ibang bansa.Magpapakasal na rin daw ang isang aktor, habang magkakaroon din ng di inaasahang pagbubuntis ang isang aktres.May showbiz couple din daw na maghihiwalay sa 2018.Pinag-iingat din ni Stargazer ang mga artista dahil sa kaniyang forecast, isang aktor ang maaaksidente, isang aktres ang magkakasakit, habang isang komedyante naman ang kailangang magbantay ng kaniyang kalusugan.<div> POLITIKA</div>Para naman sa politika, magkakaroon ng isang kritikal na desisyong makaaapekto sa maraming Pilipino.Nakikita rin ni Stargazer na magiging magulo sa simula ang politika, pero kalauna&#x27;y mangingibabaw rin naman daw ang kabutihan.Magkakaroon din aniya ng kontrobersiya sa Senado at may politikong sasampahan ng reklamo.Mayroon ding magbabalik-kapangyarihan sa politika, habang may opisyal din ng gobyerno na mang-aabuso sa kapangyarihan.Malalagay din sa kontrobersiya ang isang gobernador at may isang kilalang politikong malalagay sa alanganin ang kalusugan.Sa forecast din ni Stargazer, mayroong magsasalita ukol sa isang isyu sa nakaraang administrasyon.<div>PARANGAL</div>Ayon kay Stargazer, makakakuha rin ng panalo ang mga atletang Pinoy sa larangan ng boxing, taekwondo, chess, fencing at arnis.Mangunguna rin sa mga kompetisyon ang mga batang henyo.Isang doktor at guro o propesor din ang paparangalan sa pandaigdigang entablado.Kikilalanin din ang isang imbensiyong Pinoy.<div>SA IBANG BANSA</div>Base sa forecast ni Stargazer, isang bagong strain ng sakit na hindi nagagamot ang lalabas sa isang lugar na kadalasang nakararanas ng tagtuyot.Isang mahirap na bansa naman ang makararanas ng matinding pinsala mula sa malakas na bagyo.Magiging laman din aniya ng balita ang Nigeria at Sudan dahil sa isang malaking isyu.Ilang first-world leader din ang magiging kontrobersiyal sa kanilang mga polisiya at desisyon.Ayon kay Stargazer, isang gusali ang mapipinsala dahil sa pagsabog na konektado sa terorismo.Isang mahalagang relic naman ukol sa Christianity ang madidiskubre, habang may importanteng matutuklasan din sa disyerto.May bagong tribo ring makikilala sa South America.Ayon din kay Stargazer, magiging maganda ang takbo ng pandaigdigang ekonomiya.Mayroon din aniyang tatlong malalaking bansang tutulong sa Pilipinas para sa mga proyekto nitong pang-imprastruktura at pang-ekonomiya.Sa usaping pangkalusugan, maibubunyag daw ang isang katotohanang medikal na gugulantang sa mundo.Sabi rin ni Stargazer, magkakaroon ng gamot para sa diabetes pero kailangang maproseso ito nang tama.Ngayong 2018 din daw matutunghayan ang ilang kakaibang pangyayari tulad ng nakapanlulumong dami ng mga bubuyog; di pangkaraniwang kilos o migration ng mga ibon; at malakas na kulog na sasabayan ng nakabubulag na liwanag at susundan ng nakapangingilabot na katahimikan.Magkakaroon din ng ebidensiya ukol sa UFO o unidentified flying object at isang bagong-tuklas na bagay sa planetang Jupiter.Mayroon ding mangyayaring di maganda sa kalawakan.

Ibinahagi ng life coach at psychic na si Stargazer ang ilan sa forecast o prediksiyon niyang mangyayari ngayong 2018.

Ibinahagi ng life coach at psychic na si Stargazer ang ilan sa forecast o prediksiyon niyang mangyayari ngayong 2018.