Push Admin

Sa kabila ng limitasyon ng pandemya, debosyon sa Itim na Nazareno hindi nagbago - vicar

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2021/life/01/08/20210108-traslacion-2021-quiapo-jc-1-s.jpg"/><figcaption>Nagpatupad ng physical distancing ang mga deboto ng Poong Nazareno habang nagmi-misa sa labas ng Quiapo church nitong Sabado. Pinilahan ng mga deboto ang &quot;pagtanaw&quot; o &quot;pagpugay&quot; sa pagkansela ng taunang prusisyon dahil sa COVID-19 pandemic. <em>Jonathan Cellona, ABS-CBN News</em></figcaption></figure></div><p>MAYNILA - Nakasanayan na ng mga deboto ng Itim na Nazareno ang pagdagsa sa Maynila tuwing Traslacion, o ang prusisyon ng poon, para masilayan at mahawakan lang ang karo na kinalalagyan ng imahen nito.</p><p>At dahil may banta pa rin ng coronavirus disease (COVID-19), ang tradisyonal na Traslacion tuwing Enero 9 ay kanselado. Sa halip, nagsasagawa ng mga misa ang Quiapo Church para gunitain ang Pista ng Itim na Nazareno.</p><p>Ayon kay Fr. Danichi Hui, parochial vicar ng Minor Basilica of the Black Nazarene, hindi nagbago ang mga panata ng mga deboto.</p><p>Aniya, naipakita pa rin ng mga deboto ang pananampalataya nila kahit may pandemic restrictions. Isa rito ang pagtuon ng kanilang atensiyon sa misa.</p><p>Bukod pa rito, naging disiplinado rin umano ang mga deboto ngayon dahil napanatili ang maayos na pila at physical distancing sa misa.</p><p>&#x27;&#x27;Well sabi nga namin kung mayroong isang bagay na naidulot ang pandemic ano, ito &#x27;yung tinuruan tayong maging disiplinado, tinuruan tayong pumila, tinuruan tayong maging malinis at ito ay nag-reflect doon sa debosyon, ang laki-laki nang pagkakaiba,” ani Hui.</p><p>&quot;Kung mapapansin natin dati siksikan, halos magkadikit ang mukha. Pero ngayon ang mga deboto mismo, siyempre aware na rin sa haba ng lockdown natin, na-brief na tayo sa new normal,” dagdag niya.</p><p>Ngayong may restrictions pa rin sa mass gathering dahil sa coronavirus disease (COVID-19) pandemic, limitado lang ang mga nakakapasok sa mga simbahan.</p><figure class="op-interactive"><iframe height="315" src="https://www.youtube.com/embed/DtkMtsy5cx8?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Bukod dito, kinukuhanan ng body temperature ang mga deboto, at dapat may suot silang face mask at face shield. Nasa 18 anyos pataas lang din ang maaaring dumalo sa misa.</p><ul class="op-related-articles">	<li><a href="https://news.abs-cbn.com/news/01/08/21/alamin-mga-puwede-bawal-gawin-sa-pandemic-traslacion">ALAMIN: Mga puwede, bawal gawin sa &#x27;pandemic Traslacion&#x27;</a></li></ul><p>Ayon sa Manila Public Information Office, kaninang alas-8:30 ng umaga, umabot sa 32,700 ang mga deboto.</p><p>Pero dahil naglalabas-masok naman kada misa ang mga deboto, bumaba ito sa 22,840 bandang alas-9:30 ng umaga.</p><p>Oras oras ang ginagawang misa na may pagitan lang na 15 minuto para ma-disinfect ang loob ng simbahan.</p><div><strong>— May ulat ni Jerome Lantin, ABS-CBN News</strong></div>

<p>Naipakita pa rin ng mga deboto ang pananampalataya nila habang new normal, gaya ng pagtuon ng kanilang atensiyon sa misa, ayon sa isang pari.</p><p> </p>

Naipakita pa rin ng mga deboto ang pananampalataya nila habang new normal, gaya ng pagtuon ng kanilang atensiyon sa misa, ayon sa isang pari.