Push Admin

Lola nagtahi ng mga damit, kumot para sa Taal evacuees

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/rooQjdCLSeg?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Halos katatapos lang ng ika-77 kaarawan ni Rosalinda dela Cruz nang mabalitaan niya ang pagsabog ng bulkang Taal sa Batangas.</p><p>Pero sa halip na siya ang bigyan ng regalo sa kaniyang kaarawan, pinili niyang siya ang maghandog ng munting tulong sa mga pamilyang apektado ng patuloy na pag-alboroto ng bulkan.</p><p>Gamit ang iba&#x27;t ibang klase ng mga retaso, mano-manong nanahi ng mga damit at kumot si Dela Cruz, na residente ng Tondo, Maynila.</p><p>&quot;Trese pa lang ako naggagantsilyo na ako, bata pa lang ako... naka-5 na akong anak, iyan pa rin hanapbuhay ko,&quot; ani Dela Cruz sa panayam ng ABS-CBN News.</p><p>&quot;Ang dami-dami kong mga retaso, kaysa naman itapon,&quot; aniya.</p><p>Nasa halos 40 kumot, 10 daster, at mga plastik na may mga lumang damit ang alay na tulong ni Dela Cruz, na kaniyang ipinadaan sa isang programa sa radyo DZMM.</p><p>Ayon sa kaniya, karaniwan rin siyang namimigay ng libreng mga kumot at damit sa mga nabiktima ng sunog o kaya&#x27;y mga street-dweller sa kanilang lugar.</p><p>Mensahe ni Dela Cruz sa libo-libong pamilya sa evacuation sites: &quot;Pinagdadasal po namin na makaraos tayo pare-pareho at matapos na &#x27;yang gulo na &#x27;yan.&quot;</p><p>&quot;Mag-normal ang buhay nating mga Pilipino pero kasama sa buhay &#x27;yan, kailangan madaanan natin &#x27;yon para maging kumpleto tayong tao,&quot; aniya.</p><div><strong>-- Ulat ni Lyza Aquino, ABS-CBN News</strong></div>

<p>Sa patuloy na bayanihan para sa kalamidad sa Batangas, isang lola mula Maynila ang nagtahi ng mga damit at kumot para sa mga pamilyang lumikas mula sa nag-aalborotong bulkang Taal.</p>

Sa patuloy na bayanihan para sa kalamidad sa Batangas, isang lola mula Maynila ang nagtahi ng mga damit at kumot para sa mga pamilyang lumikas mula sa nag-aalborotong bulkang Taal.