Push Admin

Sa gitna ng sakuna: Bayanihan, pakikisama umusbong sa evacuation centers

Article (news)

ABS-CBN News

<p>MAYNILA — Dalawang linggo mula nang mag-alboroto ang Bulkang Taal at lisanin ng mga residente sa paligid nito ang kanilang mga tahanan, sari-saring kuwento ng kabutihang loob at inspirasyon ang umusbong sa gitna ng nararanasan nilang trahedya. </p><div><strong>Malvar, Batangas</strong></div><p>Sumasailalim sa therapy ang batang si Lucas dahil sa autism kaya ramdam ng ina nitong si Armi Aranda ang hirap ng mga bata na lumikas dahil sa Bulkang Taal.</p><p>Kaya sa pagdiriwang ng ika-7 kaarawan ni Lucas noong Sabado, pinili ni Armi na gawin ang selebrasyon kasama ang evacuees kung saan 300 bata ang nakisaya.</p><p>Para na rin umanong sumailalim ang mga bata sa psychosocial activities dahil sa inorganisa niyang party.</p><p>&quot;Nakapasaya ng mga bata sa evacuation center,&quot; sabi ni Armi. </p><p>Dumalo rito ang cosplayers mula My Superhero Friends Foundation, suot ang mga costume na Black Panther, Spiderman, Black Widow, at Wonder Woman.</p><div><strong>Batangas City</strong></div><p>Sa Batangas City, hindi binigo ng mag-asawang Joel at Maribel Bordeos ang 7-anyos nilang anak na si Cassandra sa kaarawan nito noong Sabado.</p><p>Tuloy ang birthday party ng anak sa evacuation center kasama ang iba pang batang lumikas mula bayan ng San Luis.</p><p>Kuwento ng nag-upload ng mga retrato ng pagdiriwang, plantasado na ang lahat pati ang kakataying baboy, na kalaunan ay namatay matapos makalanghap umano ng maraming abo ng bulkan.</p><div><strong>San Pascual, Batangas</strong></div><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/01/26/20200126-debut-taal-evac.jpg?ext=.jpg"/><figcaption>Kumpleto ang 18 balloons, symbolic gifts, bills, roses, at candles para sa ika-18 kaarawan ng evacuee na si Diane Javier. <em>Screengrab</em></figcaption></figure></div><p>Nagtulong-tulong naman ang volunteers at opisyal ng Barangay Bayanan para matuloy ang debut ni Diane Javier, na lumikas mula sa bayan ng Taal.</p><p>Kumpleto ang 18 balloons, symbolic gifts, bills, roses, at candles. <br/> <br/>&quot;Hindi ko po talaga in-expect na gagawin nila para sa akin ito kasi hindi naman po nila ako kakilala... Nagpapasalamat po ako sa kanila,&quot; ayon sa dalagita. </p><p>Kuwento ni Maridel Javier, ina ng debutante, matagal na niyang napagplanuhan ang debut ng anak pero napurnada ito matapos silang sapilitan ilikas.</p><p>&quot;Ito po &#x27;yung minimithi ko na makita pong masaya &#x27;yung bunso ko.&quot;</p><div><strong>Ibinabang alert level</strong></div><p>Nitong Linggo, inanunsiyo ng Phivolcs na ibinababa na nila sa 3 ang alert level ng Bulkang Taal, na nangangahulugang nabawasan na ang tsansang magkaroon ito ng malalang pagsabog.</p><p>Dahil dito, nagsibalikan na ang residente na hindi sakop ng danger zone, o iyung nasa labas ng 7-kilometrong palibot ng bulkan. </p><p>Sa pagbabalik ng mga evacuee sa kanilang tahanan, baon nila ang ilang magagandang alaala kung saan kahit may sakuna ay naramdaman nila ang kabutihan ng iba. <strong>--Ulat ni Jonathan Magistrado, ABS-CBN News</strong></p>

<p>Sa pagbabalik ng mga evacuee sa kanilang tahanan, baon nila ang ilang magagandang alaala kung saan kahit may sakuna ay naramdaman nila ang kabutihan ng iba. </p>

Sa pagbabalik ng mga evacuee sa kanilang tahanan, baon nila ang ilang magagandang alaala kung saan kahit may sakuna ay naramdaman nila ang kabutihan ng iba.