Push Admin

ALAMIN: Ilang pagkain, inuming makatutulong sa pagbubuntis

Article (news)

ABS-CBN News

<p>Ipinayo ng isang gynecologist sa mga buntis ang pagkonsumo ng mga pagkaing mayaman sa protina, fiber o himaymay, at calcium dahil nakatutulong daw ang mga ito sa pagdadalantao.</p><p>&quot;Lalo na sa first trimester, first three months, diyan pa lang nabubuo si baby so... kailangan pong kumain ng maraming protina, high-protein diet,&quot; sabi ni Dr. Sharon Gianan-Cruz sa programang &quot;Good Vibes&quot; ng DZMM.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1391253" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kabilang daw sa mga pagkaing sagana sa protina ang isda, lean meat o iyong mga karneng kaunti ang taba, at manok na tinanggalan ng balat.</p><p>Mainam ding isama sa diyeta ang mga gulay na mayaman sa protina gaya ng mga gulay na &quot;may beans,&quot; at itlog, ani Gianan-Cruz.</p><p>Makatutulong daw sa pagbubuntis ang gatas dahil sa taglay nitong calcium na nakatutulong sa pagbuo ng buto ng batang ipinagbubuntis. </p><p>Mataas din daw ang calcium ng ice cream at yogurt.</p><p>Kung wala namang panahon para uminom ng gatas, maaari naman daw uminom na lang ng calcium tablet.</p><p>Ang isang tableta, ani Gianan-Cruz, ay katumbas ng isang baso ng gatas.</p><p>Kailangan daw na marami ang calcium sa katawan ng isang buntis dahil kung hindi ay calcium mula sa mga buto nito ang kukuhanin ng bata.</p><p>&quot;&#x27;Yong ipin mo, buto mo, doon kukuhanin ng bata, &#x27;yong calcium mo,&quot; anang doktora,&quot;ikaw ang kukuhanan ng baby.&quot;</p><div><strong>MGA MATATAMIS</strong></div><p>Ayon pa sa doktora, kailangang maging maingat ng mga buntis sa pagkain ng mga prutas at iba pang matatamis, lalo kung may posiblidad na sila ay magkaroon ng diyabetes.</p><p>Hindi naman daw ito ipinagbabawal pero dapat ay hindi sumobra sa kinakaing matamis.</p><p>&quot;Everything in moderation,&quot; aniya.</p><p>Pinabulaanan din ni Gianan-Cruz na nagdudulot ng pagkalaglag ng sanggol ang pinya.</p><p>Mabuti pa nga raw sa katawan ang pinya dahil sa taglay nitong fiber. </p><p>Pagdating naman sa kape at tsaa, sinabi ng doktora na hangga&#x27;t maaari ay isang tasa lamang ng mga ito ang inumin sa isang araw.</p><p>&quot;Pati tea... pareho siya ng kape kasi, may nicotine din siya saka caffeine,&quot; paliwanag ni Gianan-Cruz.</p>

<p>Makatutulong daw sa mga buntis ang pagkonsumo ng mga pagkaing mayaman sa protina, fiber at calcium. </p>

Makatutulong daw sa mga buntis ang pagkonsumo ng mga pagkaing mayaman sa protina, fiber at calcium.