Watch more in iWantv or TFC.tv

Dalawa sa naging pinakasikat na komedyante noong araw sina Babalu at Menggay.

Ang dalawa rin ang naging inspirasyon para sa putaheng "Babalumenggay," isang Binagooongan-inspired dish ng "Umagang Kay Ganda" guest kusinero na si Marvin Uy.

"Kaya siya Babalumenggay, kasi 'yung babalu ay baboy, tapos kaya siya menggay dahil sa mangga natin," aniya nitong Miyerkoles.

Kung nais gawin sa bahay, narito ang mga sangkap:
• 200 gramo laman ng baboy
• 1 kamatis
• 1 clove ng bawang
• 1 sibuyas
• 2 siling haba
• 3 kutsarang bagoong hipon
• 1 indian mango
• 1 kutsaritang paminta
• 1 kutsaritang asin
• 1 dahon ng laurel
• 3 kutsarang toyo

Paraan ng pagluluto:

Pakuluan ang baboy at lagyan ng laurel, bawang, at toyo hanggang sa lumambot.

Pagkatapos pakuluan ay pahiran ng asin at iprito.

Pagkatapos ng unang prito ng baboy ay iprito ulit para maging malutong ang balat.

Igisa ang sibuyas, siling haba, kamatis, bawang sa mantika ng bagoong.

Ihalo ang baboy at hayaan ng ilang minuto at hanguin.

Ilagay sa plato at lagyan ng hiniwang hilaw na mangga sa ibabaw.

Maaari nang ihanda ang Babalumenggay.