Push Admin

ALAMIN: Mga dapat gawin kapag nawala sa gubat, bundok

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1438036" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Isa sa mga nauusong libangan ngayon ay ang hiking o trekking, mga aktibidad na may kinalaman sa paglalakad sa mga kabundukan o kagubatan.</p><p>Bukod sa pagiging isang uri ng ehersisyo, kamangha-mangha rin kasi ang mga tanawing sumasalubong kapag nasa tuktok ng bundok.</p><p>Subalit may mga pagkakataong ang paglalakbay sa kalikasan ay may kaakibat na peligro.</p><p>Ayon sa mountain ranger at jungle survivalist na si Martin Francisco, makatutulong ang pag-iwan ng mga palatandaan sa daanan upang maiwasan mawala, lalo kung walang kasamang tagagabay.</p><p>&quot;Halimbawa, mga damong pinutol at mga dahon... ilalagay ko sa daan [para] kung sakaling may maghanap sa&#x27;kin, ibig sabihin, doon ako dumaan,&quot; sabi ni Francisco.</p><p>Kung kinakailangang magpalipas ng gabi sa daan, maghanda ng mga kagamitan na maaaring gawing temporary shelter o silungan.</p><p>&quot;Kung sa palagay mo ika’y gagabihin, medyo magbigay ka ng isang oras para makapag-prepare ka [at makagawa] ng shelter,&quot; ani Francisco.</p><p>Kumuha ng malalaking sanga at humanap ng isang matatag na puno na magiging sandalan ng shelter.</p><p>Gamitin ang mga baging bilang panali at malalaking dahon bilang bubong.</p><p>Mainam ding umiwas na pumuwesto sa mga lugar na nakalubog o palalim dahil maaaring maipon ang tubig dito lalo kung umulan.</p><div><strong>PAGGAWA NG APOY</strong></div><p>Kung walang posporo o mga kasangkapang panggawa ng apoy, maaaring gamitin ang mga tuyong kahoy na madaling magliyab. </p><p>Maaaring panggalingan ng ningas ang balat ng kahoy. Pinakamainam dito ay sa tuyong kawayan.</p><p>&quot;Kunin natin &#x27;yong pinakabalat niya na kakayasin natin ng bato para siyang pagsisimulan ng apoy,&quot; ani Francisco.</p><p>Gumamit ng matalas na bagay para kayurin ang balat ng kahoy na magsisilbing tila mitsa.</p><p>Ilagay ang lulog sa loob ng kawayan at ikiskis. </p><p>Sa oras na magningas, dahan-dahan itong hipan para lumaki ang apoy at lagyan ng maninipis na sanga bilang panggatong. Takpan ito ng malalaking kahoy para hindi agad mamatay.</p><p>Para sa dagdag na ligtas tips, sundan ang “Red Alert” sa Facebook (www.fb.com/RedAlertABSCBN) at Twitter (www.twitter.com/ABSCBNRedAlert).</p><div><strong>-- Ulat nina Jeff Canoy at Toph Doncillo, ABS-CBN News</strong></div>

<p>May mga pagkakataong ang paglalakbay sa kalikasan ay may kaakibat na peligro.</p>