Push Admin

Iwas-panis tips para sa pagkaing inihahanda sa tag-init

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/C6rbd1Bx8NI" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Painit nang painit ang panahon habang <a href="https://news.abs-cbn.com/news/03/11/18/last-of-amihan-cools-luzon-but-summer-to-be-declared-soon">papalapit ang summer</a> kaya marami na naman ang nagbabalak na magbakasyon sa mga beach o iba pang malalayong lugar.Isa sa mga karaniwang problema tuwing tag-init ang mabilis na pagkasira ng pagkain, lalo kung hindi tama ang paghahanda o hindi wasto ang pagpapanatili rito matapos maluto.Inilatag ng chef na si Sharwin Tee sa programang &quot;Good Vibes&quot; ng DZMM ang ilang paraan para hindi agad masira ang mga bagong handang pagkain.Ayon kay Tee, isa sa mga nangungunang sanhi ng pagkasira ay kapag nakukulob ang pagkain.&quot;Kadalasan nagluluto tayo ng pagkain, siyempre gusto nating mainit so tatakpan natin siya agad. Then &#x27;pag dinala natin &#x27;to, siyempre biyahe mo, isa [o] dalawang oras, doon siya nagsisimulang masira,&quot; paliwanag ni Tee.Nabubuhay kasi umano ang mga mikrobyo sa katamtamang temperatura.&quot;Kapag kinulob mo siya, sakto iyong init na iyon para sa mikrobyo,&quot; ani Tee. Payo ni Tee, kapag nagbaon ng ulam ay huwag na lang isara nang buo ang lalagyanan o butasan ang itaas nito para bahagyang sumingaw ang hangin.Maaari lang umanong i-seal o takpan ang pagkain kapag lumamig na ito pero dapat ay ilagay agad sa refrigerator o di kaya&#x27;y sa ice box kapag bibiyahe.&quot;Kahit iyong styrofoam lang na nabibili sa market and then punuin lang ng ice, and then lagay ang containers doon,&quot; payo ni Tee.Dapat din umanong iwasan ang pag-iwan ng mga ulam sa mesa ng bahay sa mahabang oras o sa mga lugar na direkta itong nasisikatan ng araw.Mas mainam na itabi muna ang ulam sa refrigerator at initin na lang kung kakainin na.&quot;The moment na pinakulo mo siya, safe na siya ulit kainin kasi kung ano man iyong mikrobyong nabuhay doon, namamatay kapag [ininit] mo siya,&quot; paliwanag ni Tee.

Karaniwang problema tuwing tag-init ang mabilis na pagkasira ng pagkain, lalo kung hindi tama ang paghahanda o hindi wasto ang pagpapanatili rito matapos maluto.

Karaniwang problema tuwing tag-init ang mabilis na pagkasira ng pagkain, lalo kung hindi tama ang paghahanda o hindi wasto ang pagpapanatili rito matapos maluto.