RECIPE: Crispy Bicol Express

Watch more in iWantv or TFC.tv

Nais mo ba ng mas kakaibang luto sa Bicol Express?

Maaari mong iprito ang karneng gagamitin para gawin itong "crispy" Bicol express, na magbibigay ng kakaibang "kagat" kumpara sa nakasanayang luto ng dish.

Bumisita sa "Umagang Kay Ganda" ngayong Miyerkoles ang guest kusinero na si Burt Felvin Ragotero para ibahagi kung paano lutuin ang Crispy Bicol Express.

Narito ang mga sangkap:
• Liempo
• Gata ng niyog
• Alamang
• Bawang
• Sibuyas
• Luya
• Siling labuyo
• Siling berde
• Asukal
• Asin
• Suka
• Mantika

Paraan ng pagluluto:

Pakuluan ang liempo sa asin at suka hanggang lumambot. Palamigin.

Iprito nang lubog sa mantika ang liempo.

Igisa ang bawang, sibuyas at luya.

Ilagay ang siling labuyo at alamang.

Isunod ang gata ng niyog, pakuluan, hanggang maluto ang gata.

Timplahan ng asukal at hintaying magmantika ang gata.

Hanguin ang sarsa at ilagay sa ibabaw ang pritong liempo.

Maaari mo nang ihanda ang Crispy Bicol Express.