Push Admin

TIPS: Paano mas mapapasustansiya ang delata, noodles sa bahay ngayong quarantine?

Article (news)

ABS-CBN News

<p>MAYNILA - Pahirapan na ngayong makakuha o makabili ng suplay ng pagkain dala ng mga pila o kakarampot na suplay sa supermarket.</p><p>Marami rin ang umaasa sa pagkaing ipapamahagi ng kani-kanilang lokal na pamahalaan na kalimitang mga delata o mga instant noodles.</p><p>Ayon sa nutritionist na si Fia Batua, mahirap man ang sitwasyon, mahalagang makuha pa rin ang tamang nutrisyon.</p><p>Kaakibat nito ang balanced diet, giit niya.</p><p>“So importante meron tayong enough sources ng carbohyrates, proteins and good fats. As long as kumpleto at mas naka-focus tayo sa home foods at pagsama ng gulay, prutas sa ating mga inihahanda, tapos we eat three main meals,” ani Batua.</p><p>At kahit pa man delata ang ulam, maaari pa rin anilang gawing mas masustansiya ito para sa buong pamilya, sa pamamagitan ng mga ibinahagi niyang mga recipe.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/tvpatrol/03/21/sardines.jpg"/></figure></div><div><strong>SARDINAS</strong></div><p>Kung may sardinas, maaaring lagyan ito ng miswa at patola.</p><p>Maggisa ng bawang at sibuyas.</p><p>Kapag malambot na ang sibuyas, maaari nang lagyan ng sardinas.</p><p>Igisa nang ilang minuto at saka haluan ito ng patola.</p><p>Hintaying kumulo at ilagay ang miswa at mga pampalasa tulad ng asin at paminta.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/tvpatrol/03/21/noodles.jpg"/></figure></div><div><strong>INSTANT NOODLES</strong></div><p>Paalala naman ni Batua, hindi dapat inaaraw-araw ang noodles dahil nakakasama umano ito sa kalusugan.</p><p>&quot;Hindi talaga ito advisable dahil nga sa high amount of preservatives, excessive sodium content at hindi din magandang makasanayan ng bawat pamilya, lalo na ng mga chikiting,&quot; ani Batua.</p><p>Pero kung hindi maiwasang gumamit nito, maaari namang gawin itong mas masustansiya.</p><p>Ang maaaring gawin, magpakulo ng tubig, maglagay ng hiniwa-hiwang carrots at tira-tirang karne, kung mayroon.</p><p>Huwag nang gamitin ang kasama nitong pampalasa. Sa halip, lagyan na lamang ito ng patis o paminta.</p><p>Lagyan din ng pagkaing may protina tulad ng itlog.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/tvpatrol/03/21/meatloaf.jpg"/></figure></div><div><strong>MEATLOAF</strong></div><p>Maaari naman ding gawing mas masustansiya ang meatloaf.</p><p>Una, hiwa-hiwain ito at iprito.</p><p>Sa hiwalay na kaldero, maggisa ng bawang at sibuyas at maglagay ng kamatis.</p><p>Maglagay ng kaunting tubig at ihalo ang meatloaf at lagyan ng itlog.</p><p>Patuloy man ang quarantine, salat man sa pangunahing pangangailangan, hindi dapat kalimutang palakasin ang katawan pilang pangbangga sa banta sa sakit, ayon kay Batua.</p><div><strong>— Ulat ni Jeffrey Hernaez, ABS-CBN News</strong></div>

<p>MAYNILA - Pahirapan na ngayong makakuha o makabili ng suplay ng pagkain dala ng mga pila o kakarampot na suplay sa supermarket; marami rin ang umaasa sa pagkaing ipapamahagi ng kani-kanilang lokal na pamahalaan na kalimitang mga delata o mga instant noodles.</p>

MAYNILA - Pahirapan na ngayong makakuha o makabili ng suplay ng pagkain dala ng mga pila o kakarampot na suplay sa supermarket; marami rin ang umaasa sa pagkaing ipapamahagi ng kani-kanilang lokal na pamahalaan na kalimitang mga delata o mga instant noodles.